Kaca:Bali-lontar-gaguritan-lokika-02-450ppi.pdf/33

Saking Wikisource
Kaca puniki sampun kauji-wacén

[᭓᭒ 32B]
ᬤᬦ᭄ᬤᬗᬯᬶᬦᬂ᭞ᬓᬤᬸᬤᬸᬢ᭄ᬫᬦᬳᬾᬪᬓ᭄ᬢᬶ᭞ᬳᬯᬶᬦᬦ᭄ᬢᬦ᭄ᬢᬸᬮᬓ᭄᭞ᬳᬶᬗ᭄ᬕᬶᬄᬮᬾᬤᬂᬧᬓᬬᬸᬦᬦ᭄᭞ᬧᬫᬸᬧᬸᬢ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬳᬶᬮᭀᬓᬶᬓ᭞ᬳᬸᬕᬶᬲᬶᬦᬄ
ᬫᬫᬶᬗ᭄ᬲᬶᬗ᭄ᬕᬶᬄ᭟ᬦᬄᬮᭀᬓᬶᬓᬫᬶᬭᬶᬩ᭄ᬳ᭄ᬬᬂᬢᬶᬢᬄᬮᬸᬕ᭄ᬭᬳ᭞ᬓᬕᬾᬢ᭄ᬘᬳᬶᬓᬭᬯᬸᬳᬶᬦ᭄᭞ᬩᬳᬦ᭄ᬲᬂᬳᬢᬧ᭞ᬦᬾᬮ᭄ᬯᬶᬄᬲᬶᬤ᭄ᬥᬚ᭄ᬜ᭄ᬬᬦ᭞ᬳ᭄ᬤᬧᬜ᭄ᬚᬂᬢ᭄ᬓᬚᭂ
ᬖᬶᬭᬶᬂ᭞ᬫᬸᬕᬶᬲᬤ᭄ᬬ᭟ᬲᬶᬤ᭄ᬥᬓᬮᬄᬮᬳᬦ᭄ᬓᬾᬃᬣᬶ᭟ᬲᬓᬶᬂᬳ᭄ᬮᬲ᭄ᬮᬦ᭄ᬢᬭᬦ᭄ᬩᬧᬫᬢᬺᬱ᭄ᬡ᭞ᬩᬶᬮᬶᬄᬳ᭄ᬬᬂᬯᬶᬤ᭄ᬥᬶᬜᬸᬃᬬ᭄ᬬᬦᬶᬦ᭄᭞ᬫᬦᬸᬢ᭄ᬮᬶᬗᬶᬂᬰᬲ᭄ᬢ᭄ᬭ᭞ᬮᬕᬲᬾ
ᬫᬓᬤᬫᭂᬮᬄ᭞ᬧᬗᬼᬩᬸᬭᬦ᭄ᬫᬮᬦ᭄ᬳᬢᬶ᭞ᬗᬯᬾᬕᬮᬂ᭞ᬲᬧᬭᬦ᭄‌ᬳᬾᬮᬄᬗᬯᬸᬩᬶᬦ᭄᭟ᬚᬦᬶᬩᬧᬫᬧᬜ᭄ᬚᬗᬶᬦ᭄ᬫᬜᬢ᭄ᬯᬬᬂ᭞ᬧᬤᬦ᭄ᬤ
[᭓᭓ 33A]
ᬧᬶᬦᬓᬲᬓ᭄ᬱᬶ᭞ᬩᬩᬤᬶᬳᬦ᭄ᬢᬺᬱ᭄ᬡ᭞ᬦᬾᬜᬦ᭄ᬤᬂᬧ᭄ᬕᬢ᭄᭞ᬲᬫ᭄ᬧᬸᬢᬂᬬᬫᬸᬗ᭄ᬕᬸᬄᬭᬶᬂᬧ᭄ᬢᬂᬳᬶᬦ᭄ᬤᬶᬓ᭄᭞ᬫᬸᬦ᭄ᬤᬕ᭄ᬳᬸᬦ᭄ᬤᬕ᭄᭞ᬧᭂᬤ᭄ᬧᭂᬤ᭄‌ᬩ᭄ᬯᬢᬂ
ᬧ᭄ᬕᬢᬶᬦ᭄᭟ᬓᬧ᭄ᬭᬢᬫᬓᬾᬦ᭄ᬤᬵᬳᭂᬯᬾᬓ᭄ᬦᬾᬧᬮᬶᬂᬓ᭄ᬯᬢ᭄᭞ᬢᬺᬱ᭄ᬡᬦᬾᬫᬲᭂᬳᭂᬢ᭄ᬫᬢᬶ᭞ᬢᭀᬂᬳᬤᬍᬩᬶᬳᬦ᭄᭞ᬤᬶᬢᬸᬢᭀᬗᭀᬲ᭄ᬜᬢᭂ
ᬓᭂᬳᬦ᭄᭞ᬫᬤᭂᬓᭂᬢ᭄ᬜᬗ᭄ᬓᭂᬢ᭄ᬫᬓᬶᬮᬶᬢ᭄᭞ᬤᬤᬶᬮᬭ᭞ᬬᬦ᭄ᬩᭂᬮᬲ᭄ᬳᬩᬳᬲ᭄ᬗᬶᬭᬶᬂ᭟ᬬᬦᬾᬗᬯᬾᬚᭂᬚᭂᬄᬢᬓᬸᬢ᭄ᬮᬦ᭄ᬭᬸᬦ᭄ᬢᬕ᭄᭞ᬲᬗ᭄ᬲ
ᬬᬢ᭄ᬩᭂᬮ᭄ᬫᬢᬶᬫ᭄ᬧᬶ᭞ᬢᬓᬶᬢ᭄ᬢᬸᬦᬧᬗᬦ᭄᭞ᬢ᭄ᬯᬭᬩᬦᬶᬬᬦᬶᬂᬢᬶᬯᬲ᭄᭞ᬬᬦᬶᬂᬲᬸᬕᬶᬄᬫᬲᬶᬄᬚ᭄ᬭᬶᬄ᭞ᬭᬾᬄᬲᬗ᭄ᬲᬬ᭞ᬢ᭄ᬓᬾᬦ᭄ᬩᬳᬓ᭄ᬗ