Kaca:Bali-lontar-gaguritan-lokika-02-450ppi.pdf/28

Saking Wikisource
Kaca puniki sampun kauji-wacén

[᭒᭗ 27B]
᭒᭗
ᬦ᭄ᬩᭂᬘᬶᬓ᭄ᬗᬚᭂᬗᬂᬯᬋᬕᬦ᭄᭞ᬗᬯᬶᬦᬂᬘᬶᬗᬓᬾᬳᬭᬶᬧ᭄᭞ᬓᬤᬸᬓ᭄ᬓᬮᬳᬂᬳᬶᬓ᭄ᬬᬧ᭄᭞ᬳᬯᬓᬾᬳᭂᬩᬄᬩᬗᬮᬶᬮᬶᬂ᭞ᬲᬶᬂᬚᬮᬦ᭄ᬜᬶᬗ᭄ᬓ᭄ᬭᬸᬂᬫᬗᭂᬲᬶᬮ᭄᭞ᬳᭂ
ᬗ᭄ᬲᬧ᭄ᬢᭂᬓᬾᬦ᭄ᬕᬯᬾᬮ᭄ᬬᬸ᭞ᬢᬸᬃᬤᬤᬶᬫᬸᬭᬸᬕ᭄ᬰᬲ᭄ᬢ᭄ᬭ᭞ᬲᬶᬋᬧ᭄ᬭᬳᬶᬦᬢᬦ᭄ᬓᬾᬗᬶᬦ᭄᭞ᬗᬯᬾᬮᬸᬦ᭄ᬢᬸᬃ᭞ᬲᬕᬸᬦᬦᬶᬂᬫᬩ᭄ᬭᬢ᭟ᬦᬾᬩᬗᭂᬢ᭄ᬓᬲᭀᬩᬂᬢᬶ
ᬢ᭄ᬬᬂ᭞ᬳᭀᬤᬓᬾᬯ᭄ᬬᬓ᭄ᬢᬶᬩ᭄ᬘᬶᬓ᭄᭞ᬫᬮᬓᬃᬩᬦ᭄ᬲᬃᬯ᭄ᬯᬳᬾᬮᬄ᭞ᬩᬩᬓᬦ᭄ᬲᬮ᭄ᬯᬶᬃᬩᬸᬗ᭄ᬓᬶᬮ᭄᭞ᬤᬯᬸᬦ᭄ᬤᬯᬸᬦ᭄ᬕᬫ᭄ᬧᬂᬳᬮᬶᬄ᭞ᬧᬗ᭄ᬭᬩ᭄ᬤᬦ᭄ᬜᬲᬗᭂᬢ᭄ᬮᬸ
ᬯᬸᬂ᭞ᬫᬲᬳᬶᬄᬓᬾᬦ᭄ᬢᬫ᭄ᬩᬫᬳᬮ᭄᭞ᬜᭂᬕ᭄ᬭᬂᬢᬸᬃᬗᬦ᭄ᬢᬶᬕ᭄ᬳᬢᬶ᭞ᬢ᭄ᬓᬮᬸᬯᬸᬂ᭞ᬓᬦ᭄ᬢᭂᬦ᭄ᬦᬶᬱ᭄ᬝᬮ᭄ᬯᬶᬄᬕᬸᬦ᭟ᬗ᭄ᬕᬯᬾᬓᬾᬦᬓ᭄ᬭᬲᬢᭂᬦᬂ᭞ᬢᭂᬦᬗᬾ
[᭒᭘ 28A]
ᬕᬗ᭄ᬲᬃᬫᬦᬫ᭄ᬧᬶ᭞ᬲᬳᬦᬦᬶᬂᬧᬧ᭄ᬮᬚᬳᬦ᭄᭞ᬗᬯᬾᬋᬱᭂᬧ᭄ᬜᬸᬲᬸᬧ᭄ᬓᬳᬢᬶ᭞ᬬᬦ᭄ᬭᬕᬫᬳᬶᬲᬶᬕ᭄ᬭᬶᬂ᭞ᬓ᭄ᬦᭂᬳᬾᬧ᭄ᬢᭂᬓ᭄ᬢᬸᬃᬩᬶᬗᬸᬂ᭞
ᬳᬲᬶᬂᬳᬶᬢᬸᬗᬶᬦ᭄ᬢᬦ᭄ᬲᬶᬤ᭄ᬥ᭞ᬓ᭄ᬬᬸᬮ᭄ᬫᬩᭀᬭᬾᬄᬗᬯᬶᬦᬶᬦ᭄᭞ᬢ᭄ᬯᬭᬘᬸᬓᬸᬧ᭄᭞ᬲᭀᬓ᭄ᬕᬶᬬᬢᬂᬩᬦ᭄ᬳᬶᬢᬸᬗᬦ᭄᭞ᬤᬸᬓ᭄ᬳᬸᬲᬦ᭄ᬦᬗ᭄ᬓᬶ
ᬤᬂᬮᭀᬦ᭄ᬢᬃ᭞ᬫᬭᬶᬂᬧᬧᬸᬲ᭄ᬢᬓᬦ᭄ᬕᬫ᭄ᬧᬶᬮ᭄᭞ᬢᬸᬫᬸᬮᬶᬓᬧᬲᬭᬾᬳᬦ᭄᭞ᬧᭀᬮᬶᬄᬫᬫᬦᬄᬢᬦ᭄ᬮᬫᬶ᭞ᬓᬤᬶᬮᬮᬶᬦ᭄ᬢᬶᬄᬲᬫᬤ᭄ᬥᬶ
᭞ᬤ᭄ᬯᬭᬦᬾᬫᬓᬧᬶᬢᬸ᭞ᬫᬸᬦᬶᬩᭂᬦ᭄ᬓᬕᬾᬢ᭄ᬳᬚᬳᬦ᭄᭞ᬳ᭄ᬬᬂᬳᬢ᭄ᬫᬫᬜ᭄ᬚᬶᬂᬭᬶᬂᬲ᭄ᬧᬶ᭞ᬢ᭄ᬓᬮᬸᬯᬸᬂ᭞ᬫᬧ᭄ᬭᬡᬬᬫᬕ᭄ᬭᭀᬓᬦ᭄᭟᭐᭟