[᭒᭖ 26B]
᭒᭖
ᬜᬶᬸᬗᭂᬚᬸᬓ᭄ᬫᬓ᭄ᬚᬂ᭟ᬳᬫᭀᬦ᭄ᬢᭀᬫᬮᬸᬧ᭄ᬭᬕᬢᬂ᭞ᬜᬢ᭄ᬯᬬᬂᬯᬶᬯᬾᬓᬘ᭄ᬦᬶᬂ᭞ᬓᬾᬯᬮᬩᬧᬫᬶᬗᭂᬢᬂ᭞ᬢᬶᬗ᭄ᬓᬳᬾᬗᬗ᭄ᬕᭀᬦ᭄ᬳᬧᬶᬓᬶᬦ᭄᭞ᬳᬧᬦ᭄
ᬬᬦ᭄ᬍᬧᬶᬢ᭄ᬳᬓᬶᬤᬶᬓ᭄᭞ᬳᬫᬺᬣᬯᬶᬱ᭄ᬬᬢ᭄ᬫᬄᬳᬶᬧᬸᬦ᭄᭞ᬦᬗ᭄ᬳᬶᬂᬬᬦᬶᬂᬰᬲ᭄ᬢ᭄ᬭᬕᬫ᭞ᬢᬦ᭄ᬜᬦ᭄ᬤᬂᬬᬯᬶᬯᬾᬓᬦᬶᬦ᭄᭞ᬲᬚᬦ᭄ᬳᬶᬧᬸᬦ᭄᭞ᬚᭂᬕ᭄ᬳᬦᬶᬢ᭄ᬢᬸᬃ
ᬮᬓ᭄ᬱᬦᬬᬂᬭᬾᬄᬦᬾᬫᬤᬦ᭄ᬰᬲ᭄ᬢ᭄ᬭᬕᬫ᭞ᬯᬶᬯᬾᬓᬦᬶᬂᬳᬦᬓ᭄ᬍᬯᬶᬄ᭞ᬲᬸᬩᬫᬭᬕᬪᬕᬯᬦ᭄᭞ᬯ᭄ᬭᬸᬄᬭᬶᬂᬚ᭄ᬬᬦᬮᬶᬘᬶᬦ᭄᭞ᬢᬦ᭄ᬜᬦ᭄ᬤᬂᬯᬶ
ᬯᬾᬓᬦᬶᬦ᭄ᬫᬮᬶᬄ᭞ᬲᬓ᭄ᬱᬢ᭄ᬭᬸᬭᬸᬂᬲᬸᬩᬧᬸᬧᬸᬢ᭄᭞ᬓᬾᬯᬮᬜᬓ᭄ᬫᬚᬮᬦ᭄᭞ᬦᬸᬮᬸᬄᬭᬸᬭᬸᬗᬾᬦᬾᬗᬶᬮᬶᬲ᭄᭞ᬲᬶᬦᬄᬢ᭄ᬧᬸᬓ᭄᭞ᬓᬤᬶᬧᬗ
[᭒᭗ 27A]
ᬫ᭄ᬢᬶᬦᬶᬂᬫᬦᬄ᭟ᬭᬯᬸᬄᬳᬶᬭᬶᬓᬳᬶᬩᬧ᭞ᬫᬶᬢᬸᬢᬸᬭᬶᬦ᭄ᬢᬶᬢ᭄ᬬᬂᬗᬸᬦᬶ᭞ᬭᬭᬶᬲ᭄ᬢᬶᬢ᭄ᬬᬂᬗᬦ᭄ᬤᬶᬓᬬᬂ᭞ᬧᬸᬍᬲ᭄ᬳᬦ᭄ᬢᬸᬓ᭄ᬮᬶᬦ᭄ᬢᬂᬯ᭄ᬗᬶ᭞ᬓᭀᬘᬧ᭄ᬫᬕᬤᬂᬢᬦ᭄ᬩᭂ
ᬘᬶᬓ᭄᭞ᬩᬾᬜ᭄ᬚᬂᬫᬗ᭄ᬤᬲ᭄ᬫᭂᬂᬩᬸᬦ᭄᭞ᬮᬸᬂᬳᬫᬓᬃᬬᬭᬶᬂᬲᬯᬄ᭞ᬩᬧᬦ᭄ᬢᬶᬢ᭄ᬬᬂᬲᬫ᭄ᬧᬸᬦ᭄ᬫᬜ᭄ᬚᬶᬂ᭞ᬢᬶᬢ᭄ᬬᬂᬓᬦ᭄ᬢᬸᬦ᭄᭞ᬜᬓᬸᬧᬂᬮᭀᬦ᭄ᬢᬃᬦᬗ᭄ᬓᬶᬤᬂ᭟
ᬲᬤᬯᭂᬕ᭄ᬯᭂᬗᬶᬧᬸᬦᬶᬓ᭞ᬩᬗᭂᬢ᭄ᬧ᭄ᬯᬘᬬᬤᬶᬳᬢᬶ᭞ᬭᬶᬂᬢᬸᬢᬸᬃᬧᬭᬧᬦ᭄ᬫ᭄ᬩᬄ᭞ᬬᬦ᭄ᬢᬸᬬᬸᬄᬜᬦ᭄ᬤᬂᬳᬧᬶᬓᬶᬦ᭄᭞ᬳᬸᬲᬦ᭄ᬫᬓᬃᬬ᭄ᬬᬫᬩᬺᬱᬶᬄ᭞ᬫᬤ᭄ᬬᬸ
ᬲ᭄ᬳᭂᬦ᭄ᬤᬸᬢᬾᬬᬲᬸᬢ᭄ᬲᬸᬢ᭄᭞ᬫᬯᬲ᭄ᬢ᭄ᬭᬩ᭄ᬮᬸᬲ᭄ᬢᬦ᭄ᬫᭂᬮᬄ᭞ᬳᬾᬗ᭄ᬕᬮᬂᬩᬸᬤᬤ᭄ᬲᬮᬶᬦᬶᬦ᭄᭞ᬫᭀᬤᬓ᭄ᬗᭂᬮᬯᬸᬢ᭄᭞ᬳᭂᬦ᭄ᬢᭀᬲᬗᭂᬢ᭄ᬫᬓᬤᬫ᭄ᬮᬄ᭟ᬳ
Kaca:Bali-lontar-gaguritan-lokika-02-450ppi.pdf/27
Kaca puniki sampun kauji-wacén
