Kaca puniki sampun kauji-wacén
[᭑᭐᭒ 102B]
᭑᭐᭒
ᬯᬶᬓᬦ᭄᭞ᬦᬩ᭄ᬤᬩᬂᬮᬦ᭄ᬤᬸᬳᬶᬂᬕᬸᬫᬶ᭞ᬳᭂᬦ᭄ᬢᭀᬳᬦᬾᬓᬧᬶᬂᬧᬶᬲᬦ᭄᭞ᬫᬮᬶᬄᬓᬧᬶᬂᬤ᭄ᬯᬦ᭄ᬳᬶᬧᬸᬦ᭄᭞ᬧᬧᬢᬶᬄᬦᬾᬗᭂᬜ᭄ᬘᬦᬂ᭞ᬳᬶᬧᬢᬦᬶ᭞
ᬫᬶᬯᬄᬲᬓᬜ᭄ᬘᬦᬶᬂᬢᬸᬓᬂ᭟ᬫᬮᬶᬄᬲᬦᬾᬓᬧᬶᬂᬢᬶᬕ᭞ᬧᬧᬢᬶᬄᬦᬾᬤᬳᬢ᭄ᬫᬕ᭄ᬫᬶ᭞ᬗᭂᬫ᭄ᬩᬦ᭄ᬗᭂᬜ᭄ᬘᬦᬂᬤᬕᬗᬦ᭄᭞ᬫᬮᬶᬄᬓᬧᬶᬂᬳᭂᬫ᭄ᬧ
ᬢ᭄ᬳᬶᬧᬸᬦ᭄᭞ᬗᬯᬾᬩᬾᬦ᭄ᬢᬾᬂᬳᬧᬂᬓ᭄ᬯᬢ᭄᭞ᬫᬗ᭄ᬤᬾᬲᬸᬮᬶᬢ᭄᭞ᬲᬢ᭄ᬭᬸᬦᬾᬧᬘᬂᬗᬶᬲᬓᬂ᭟ᬘᬢᬸᬃᬧᬢᬶᬳᬾᬳᬶᬩᬸᬲᬦ᭄᭞ᬲᬾᬶᬸᬦᬲᬫ᭄ᬧᬸ
ᬦ᭄ᬧ᭄ᬭᬤ᭄ᬜᬦ᭄ᬲᬸᬚᬢᬶ᭞ᬳᬧᭂᬓᬾᬲᬸᬚᬢᬶᬲᬢ᭄ᬬ᭞ᬢᬶᬦ᭄ᬤᬶᬄᬭᬶᬂᬳᬶᬦᬦᬓ᭄ᬳᬕᬸᬂ᭞ᬢᬸᬃᬲᬚᬫᬾᬮᬦᬶᬦ᭄ᬚᬕᬢ᭄᭞ᬩᬦᬶᬢᬶᬦ᭄ᬤᬶᬄ᭞ᬮ
[᭑᭐᭓ 103A]
ᬕᬲ᭄ᬫᬢᭀᬳᬂᬚᬶᬯ᭟ᬤᬸᬄᬤᬾᬯᬲᬂᬥᬃᬫ᭄ᬫᬧᬸᬢ᭄ᬭ᭞ᬳᬮᬳᬬᬸᬦ᭄ᬧᬜ᭄ᬚᬓᬾᬲᬫᬶ᭞ᬧᬧᬢᬶᬄᬗᬯᬶᬦᬂ᭞ᬳᬧᬦ᭄ᬤᬦᬾᬓᬧᬶᬢᬸᬭᬸ
ᬢ᭄᭞ᬲᬗ᭄ᬓᬦ᭄ᬢᭀᬯᬲ᭄ᬧᬤᬬᬂ᭞ᬧ᭄ᬭᬬᬢ᭄ᬦᬳᬶᬦ᭄᭞ᬓ᭄ᬦᬶᬳᬤᭀᬄᬧᬸᬦᬂᬩᬬ᭟ᬫᬮᬶᬄᬤᬾᬯᬧᬦ᭄ᬤᬸᬧᬸᬢ᭄ᬭ᭞ᬤ᭄ᬬᬲ᭄ᬢᬸᬚᬕᬢ᭄ᬤ᭄ᬭᬸᬯᬾᬦᬾ
ᬳᬮᬶᬢ᭄᭞ᬬᬦ᭄ᬲᬫ᭄ᬧᬸᬦ᭄ᬢᭂᬧᭂᬢ᭄ᬲᬬᬕ᭞ᬲᬓᬤᬶᬦᬾᬯᬳᬸᬓᬢᬸᬃ᭞ᬲᬶᬦᬄᬚᬕᬢᬾᬮ᭄ᬬᬦᬦ᭄᭞ᬦᬸᬮᬤ᭄ᬲᬫᬶ᭞ᬢᬸᬃᬗᬬᬸᬄᬓᬗ᭄ᬕᬾ
ᬦ᭄ᬲᬬᬸᬩᬦ᭄᭟ᬫᬮᬶᬄᬩᬧᬫᬓᬾᬮᬶᬗᬂ᭞ᬤᬾᬰᬦᬾᬭᬶᬂᬤᬸᬲᬸᬦ᭄ᬓᭂᬜ᭄ᬘᬦᬶᬦ᭄᭞ᬳᬧᬂᬧᬢᬸᬄᬮ᭄ᬯᬶᬃᬤᬶᬓᭀᬢ᭞ᬲ᭄ᬯᬢᭂᬓ᭄ᬦᬾᬫᬤᬸᬓᬸᬄ᭞ᬭᬶᬂ
