Kaca puniki sampun kauji-wacén
[᭘᭔ 84B]
᭘᭔᭟
ᬚᬕᬢ᭄᭟᭜᭟᭒᭔᭟ᬬᬦ᭄ᬩᬸᬦ᭄ᬕᬥᬸᬗᬾᬳᬗ᭄ᬓᭂᬧᬂ᭞ᬲᬋᬂᬭᬶᬂᬩᬸᬦ᭄ᬢᬦ᭄ᬧᬯᬶᬢ᭄᭞ᬫᬮᬶᬄᬧᬶᬮᬶᬄᬦᬾᬮᬶᬬᬦᬦ᭄᭞ᬩᬦ᭄ᬤᬶᬂᬭᬶᬫᬥ᭄ᬬ
ᬦᬶᬂᬍᬫᬸᬄ᭞ᬫᬶᬗ᭄ᬓᬶᬦ᭄ᬓᬵᬮᬗᬮᬾᬲᬂᬲᬶᬜ᭄ᬚᬂ᭞ᬪᭀᬬᬦᬸᬕᬶ᭞ᬲᬯᬢᭂᬓ᭄ᬳᭂᬩᬸᬦᬾᬫᭂᬦᬂ᭟᭜᭟᭒᭕᭟ᬭᬸᬩᬸᬄᬬᬦ᭄ᬳᬶᬕᬸᬦᬸᬂᬲᭂᬓᬃ᭞ᬋᬫᬸ
ᬓ᭄ᬳᬳᬲ᭄ᬢᬦ᭄ᬧᬲᬭᬷ᭞ᬬᬦ᭄ᬳᬶᬧᬸᬦ᭄ᬧᬸᬭᬸᬦ᭄ᬫᬧᬧᬲ᭄᭞ᬢᬶᬢ᭄ᬬᬂᬦᬾ᭠ᬜᬶᬲᬬᬂᬳᬭᬹᬫ᭄᭞ᬳᬶᬜᬸᬄᬤᬦ᭄ᬢᬮᬦ᭄ᬜᬸᬄᬩᬸᬮᬦ᭄᭞ᬲᭂᬤᬶᬄᬗᬶᬮ᭄ᬕᬶᬮ᭄᭞
ᬬᬦ᭄ᬗᭂᬢᭀᬦᬶᬦ᭄ᬲᬸᬲᬸᬦ᭄ᬢᬶᬢ᭄ᬬᬂ᭟᭜᭟᭒᭖᭟ᬕᬸᬦᬸᬂᬮᬗᬶᬢ᭄ᬮᬦ᭄ᬲᬵᬕᬭ᭞ᬲᬮᬶᬓ᭄ᬱᬶᬓ᭄ᬤᬕᬶᬂᬜᬲᬫᬶ᭞ᬧᬶᬮᬶᬄᬦᬾᬫᬦᬸᬤᬸᬢ᭄ᬫᬦᬄ᭞
[᭘᭕ 85A]
ᬳᬕᭂᬢ᭄ᬬᬦ᭄ᬲᬧᬶᬄᬓᬧᬗ᭄ᬕᬸᬄ᭞ᬬᬦ᭄ᬫᬦᬭᬸᬂᬭᬶᬢᬶᬢ᭄ᬬᬂ᭞ᬜᭂᬍᬤᬾᬢ᭄ᬓᬶᬥᬶᬓ᭄᭞ᬩᬶᬦ᭄ᬢᬗᬾᬳᬸᬥᭂᬧ᭄ᬲᬫᬶᬬᬦ᭄᭟᭜᭟᭒᭗᭟ᬳᬶᬭᬢᬸᬳᬸᬕᬶ
ᬜᬶᬲᬬᬂ᭞ᬩᬕᬸᬲ᭄ᬮᬯᬦ᭄ᬳᬭᬹᬫ᭄ᬫᬦᬶᬲ᭄᭞ᬧᬦ᭄ᬢᭂᬲ᭄ᬤᬤᬶᬧᬜᬸᬫ᭄ᬩᬳᬦ᭄᭞ᬩᬘᬓᬦ᭄ᬩᬗ᭄ᬓᬶᬢ᭄ᬮᬦ᭄ᬳᬭᬹᬫ᭄᭞ᬤᬤᬶᬭᬢᬸᬦ᭄ᬫᬸᬓᬩᬸᬗᬄ᭞ᬧᬭᬢ
ᬭᬸᬡᬷ᭞ᬓᬳᬢᬂᬗᬜᬭᬶᬦ᭄ᬤᬳ᭟᭜᭟᭒᭘᭟ᬮᬸᬯᬶᬬᭂᬯᬃᬡ᭄ᬦᬶᬦᬾᬧᬸᬦᬶᬓ᭞ᬦᬶᬱ᭄ᬨᬮᬬᬦ᭄ᬢᬦ᭄ᬫᬧᬗ᭄ᬕᬶᬄ᭞ᬭᬶᬂᬢᬶᬢ᭄ᬬᬂᬚ᭄ᬭᭀᬦᬶᬂᬢᬶᬍᬫ᭄᭞ᬦᬾᬜᬦ᭄ᬤᬂ
ᬜᬦ᭄ᬤᬶᬂᬤᬶᬓᬲᬸᬃ᭞ᬧᬦ᭄ᬢᭂᬲ᭄ᬳᬗ᭄ᬕᭀᬦ᭄ᬘᬘᬮᭀᬦᬦ᭄᭞ᬗᬯᬭᬶᬲᬶᬦ᭄᭞ᬚᬕᬢᬾᬭᬶᬂᬲ᭄ᬫᬭᬮᭀᬓ᭟᭜᭟᭒᭙᭟ᬗᬸᬤ᭄ᬬᬂᬫᭀᬦ᭄ᬤᭀᬂᬓᬲᬸᬕ᭄ᬬ
