Kaca puniki sampun kauji-wacén
[᭖᭔ 64B]
᭖᭔᭟
ᬓ᭄ᬫᭂᬮᬄ᭞ᬲᬦᬾᬫᬯᬲᬵᬦᬳᬬᬸ᭞ᬦ᭄ᬢᭀᬦᬾᬫᬤᬦ᭄ᬓᬥᬃᬫ᭄ᬫᬦ᭄᭞ᬳᬗ᭄ᬕᬾᬦ᭄ᬗᬮᬶᬄᬲᬮ᭄ᬯᬶᬃᬳᬮᬶᬄ᭟᭜᭟᭒᭟ᬚᬵᬢᬶᬦ᭄ᬓᬥᬃᬫ᭄ᬫᬦᬾᬓᭂᬢᬄ᭞ᬫᬭᬵᬕᬓᬢᬄ
᭞ᬦᬗᬶᬂᬚᬵᬢᬶᬦ᭄ᬜᬳᬩᭂᬲᬶᬓ᭄᭞ᬦᬾᬢᬸᬗ᭄ᬕᬮ᭄ᬳᬭᬂᬯᭀᬂᬯ᭄ᬭᬸᬄ᭞ᬲᬗ᭄ᬓᬦ᭄ᬦᬾᬓᬢᬄᬩᬯᭀᬲᬂ᭞ᬳᬧᬂᬕᬫ᭄ᬧᬂ᭞ᬜᬶᬤᬬᬂᬫᭂᬢᬾᬓ᭄ᬫᬗᬶᬢᬸᬂ᭞ᬦᬗ᭄ᬳᬶᬂᬧᬮᬶᬄᬫ
ᬜᬢ᭄ᬯᬬᬂ᭞ᬳᬧᬂᬤᬩᬶᬗᬸᬂᬧᬦᬫ᭄ᬧᬶ᭟᭜᭟᭓᭟ᬫᭂᬮᬳᬂᬘᭂᬦᬶᬂᬫᬶᬋᬗᬂ᭞ᬳᬧᬂᬧᭂᬥᬲ᭄᭞ᬢᭂᬕᬓ᭄ᬚᬸᬫᬸᬦᬶᬦ᭄ᬳᬧᬶᬓᬶᬦ᭄᭞ᬲᭂᬓᭂᬦᬂᬤᬗᭂᬮᬾᬦ᭄ᬳᬗ᭄ᬓᬸᬄ
᭞ᬧᬵᬮᬶᬬᬢ᭄ᬧᬥᬳᬘᬺᬗᬂ᭞ᬳᬧᬂᬦᬸᬗ᭄ᬕᬮ᭄᭞ᬗᬶᬮᬶᬲ᭄ᬫᬦᬫ᭄ᬧᬾᬦᬶᬦ᭄ᬢᬸᬢᬹᬃ᭞ᬩᬗ᭄ᬓ᭄ᬬᬗᬾᬲᬤᬚᭂᬕ᭄ᬚᭂᬕᬂ᭞ᬘᭂᬤᬂᬓᭂᬦᭂᬳᬾᬳᬧᬂᬫᭂᬦ᭄ᬢᬶᬓ᭄᭟᭜᭟
[᭖᭕ 65A]
᭔᭟ᬓᬤᬶᬭᬯᭀᬲᬾᬳᬶᬩᬕᬸᬲᬦ᭄᭞ᬫᬸᬮᬢᬸᬗ᭄ᬕᬮ᭄᭞ᬳ᭄ᬬᬂᬥᬃᬫ᭄ᬫᬩᭀᬬᬓᬓᬮᬶᬄ᭞ᬯᬶᬭᬾᬄᬯᬥᬳᬾᬩᭂᬲ᭄ᬮᬶᬬᬸ᭞ᬲᬗ᭄ᬓᬦ᭄ᬳᬶᬤᬫᬭᬵᬕᬓᬢᬄ᭞
ᬫᬦᬹᬢ᭄ᬕᭂᬦᬄ᭞ᬓᬵᬮᬦᬶᬂᬳᬶᬤᬉᬫᬸᬗ᭄ᬕᬸᬄ᭞ᬳᬲ᭄ᬢᬶᬢᬶᬭᬶᬂᬧᬜ᭄ᬘᬰᬷᬮ᭞ᬤᬶᬢᬸᬦᬾ ᬚᬦᬶᬧᭂᬤᬲᬶᬦ᭄᭟᭜᭟᭕᭟ᬤᬶᬢᬸᬳᬶᬤᬫᬜᬓᬵᬮ᭞ᬫᬜᬶ
ᬤ᭄ᬥᬬᬂ᭞ᬘᭂᬦᬶᬂᬫᬶᬋᬂᬮᬦ᭄ᬜᬶᬗᬓᬶᬦ᭄᭞ᬓᬾᬯᬮᬤᬕᬩᬄᬘᬯᬸᬄ᭞ᬳᬧᬦ᭄ᬫᬭᬵᬕᬉᬢ᭄ᬢᬫ᭞ᬧᬭᬤᬾᬯ᭞ᬫᬓᭂᬚᬂᬧᬥᬫᬜᬸᬗ᭄ᬲᬸᬂ᭞ᬲᬂᬓᬾᬮ
ᬗᬦ᭄ᬧᬜ᭄ᬘᬰᬷᬮ᭞ᬩᬋᬂᬓᬯᭀᬗᬦᬾᬮᬶᬲᬶᬓ᭄᭟᭜᭟᭖᭟ᬩᬸᬯᬸᬂᬲᭂᬗ᭄ᬕᬸᬄᬪᬝᬵᬭ᭞ᬧᬬᬸᬪᬹᬢ᭞ᬓᬳᬤᬦᬶᬦ᭄ᬩᬳᬦ᭄ᬕᬸᬫᬶ᭞ᬬᬦ᭄ᬧᬜ᭄ᬘ
