Kaca:Bali-lontar-gaguritan-lokika-01-350ppi.pdf/50

Saking Wikisource
Kaca puniki sampun kauji-wacén

[᭔᭙ 49B]
᭔᭙᭟
ᬢᬂᬭᬳᬶᬦ᭄᭞ᬫᬦᬶᬳᬧᬂᬲᭂᬫᭂᬂᬩᬗᬸᬦ᭄᭞ᬢᬶᬢ᭄ᬬᬂᬜᬯᬸᬃ᭠ᬢᬦ᭄ᬳᬧᬜ᭄ᬚᬂ᭞ᬭᬾᬄᬓᬸᬭᬸᬫᬯᭀᬭᬦ᭄ᬳᬭᬶᬧ᭄᭞ᬚᬳᬦ᭄ᬲᬵᬫ᭄ᬧᬸᬦ᭄᭞
ᬳ᭄ᬬᬂᬫᬾᬗᭂᬢ᭄ᬫᬍᬲᬢ᭄ᬳᬶᬘᬮ᭄᭟᭐᭟᭑᭒᭟ᬲᬂᬳ᭄ᬬᬂᬮᬸᬧᬫᬗᬯᬰ᭞ᬗᬾᬩᭂᬓᬶᬦ᭄ᬪᬸᬯᬦᬳᬮᬶᬢ᭄᭞ᬧᬦᬯᬗᬾᬲᬸᬯᬸᬤ᭄ᬦᬯᬂ᭞ᬩᬸᬤ᭄ᬥᬶᬦᬾ
ᬲᬸᬯᬸᬤ᭄ᬫᬩᬸᬤ᭄ᬥᬶ᭞ᬆᬗ᭄ᬓᬭᬲᬸᬯᬸᬤ᭄ᬗᬓᬸᬯᬶᬦ᭄᭞ᬫᬦᬳᬾᬫᬫᬦᬄᬢᬓᬸᬢ᭄᭞ᬧᬥᬚᭂᬚᭂᬄᬓᬾᬦ᭄ᬳ᭄ᬬᬂᬮᬸᬧ᭞ᬳᭂᬜ᭄ᬘᭂᬧ᭄ᬦᭂᬗᬶᬮ᭄ᬓᬤᬶᬫᬢᬶ᭞
ᬲᬓ᭄ᬱᬢ᭄ᬧᬗ᭄ᬕᬸᬄ᭞ᬧᬧᭀᬡ᭄ᬥᬦ᭄ᬳ᭄ᬬᬂᬢᬦ᭄ᬧᬳᬯᬓ᭄᭟᭐᭟᭑᭓᭟ᬓᬕᬾᬢ᭄ᬧᬓ᭄ᬱᬶᬫᬲ᭄ᬯᬭ᭞ᬉᬫ᭄ᬬᬂᬲᬓᬵᬤᬶᬦᬗᬶᬦᬶᬦ᭄᭞ᬳᭂᬦ᭄ᬢᭂᬦ᭄ᬢᬶᬢ᭄ᬬᬂ
[᭕᭐ 50A]
ᬫᬗᬤᬳᬧ᭄᭞ᬓᬕᬾᬢ᭄ᬲᭂᬫᭂᬗᬦᬸᬦᬶᬗᬶᬦ᭄᭞ᬳᬶᬮᬕᬲᬢᬶᬢᬦ᭄ᬓᬭᬶ᭞ᬫᬮᬶᬄᬚᬳᬦ᭄ᬓᬕᬾᬢ᭄ᬭᬯᬸᬄ᭞ᬦᬸᬮᬶᬓᭂᬜᭂᬫ᭄ᬫᬗᬦ᭄ᬤᬶᬓ᭞ᬫᬶᬭᬶ
ᬩ᭄ᬓᬸᬭᬸᬦᬾᬗᬯᬶᬦᬶᬦ᭄᭞ᬲᬗ᭄ᬓᬦ᭄ᬮᬸᬯᬸᬂ᭞ᬲᬶᬋᬧ᭄ᬳᬤᬶᬦᬾᬳᬶᬢᬸᬦ᭄ᬬᬦ᭄᭟᭐᭟᭑᭔᭟ᬭᬾᬄᬳᬤᬶᬧᬤᬍᬫ᭄ᬧᬶᬲᬦ᭄᭞ᬧᬢᭂᬮᬦᬦ᭄ᬩᭂᬮᬶᬗ
ᬮᬳᬶᬦ᭄᭞ᬘᭀᬭᬄᬩᭂᬮᬶᬢᬦ᭄ᬫᭀᬭᬳᬦ᭄᭞ᬓᬤᬶᬤᬸᬱ᭄ᬝᬜᬶᬗ᭄ᬲᬾᬜᬶᬮᬶᬩ᭄᭞ᬳᬫ᭄ᬧᬸᬭᬤᬗᬫᭂᬗ᭄ᬕᬳᬶᬦ᭄᭞ᬭᬾᬄᬩᭂᬮᬶᬬᬦ᭄ᬓ
ᬲᬾᬧ᭄ᬢᬓᬸᬢ᭄᭞ᬗᬬᬳᬶᬦ᭄ᬲᬂᬢᬧᬫᬹᬚ᭞ᬗᬃᬘ᭄ᬘᬦᬳ᭄ᬬᬂ᭠ᬫᬳᬯᬶᬥᬶ᭞ᬪᬓ᭄ᬢᬶᬕᬸᬭᬸ᭞ᬳᬦ᭄ᬢᭀᬰ᭄ᬯᬥᬃᬫ᭄ᬫᬦᬶᬂᬰᬶᬱ᭄ᬬ᭟᭐᭟᭑᭕᭟