Kaca:Bali-lontar-gaguritan-lokika-01-350ppi.pdf/30

Saking Wikisource
Cebur nuju navigasi Cebur nuju parerehan
Kaca puniki sampun kauji-wacén

[᭒᭙ 29B]
᭒᭙᭟
ᬲᬶᬋᬧ᭄ᬭᬳᬶᬡᬢᬦ᭄ᬓᬾᬗᬶᬦ᭄᭞ᬗᬯᬾᬮᬸᬦ᭄ᬢᬸᬃ᭞ᬲᬕᬸᬡᬦᬶᬂᬫᬩ᭄ᬭᬢ᭟᭐᭟᭑᭐᭗᭟ᬦᬾᬩᬗᭂᬢ᭄ᬓᬲᭀᬩᬂᬢᬶᬢ᭄ᬬᬂ᭞ᬳᭀᬥᬓᬾᬯ᭄ᬬᬓ᭄ᬢᬶᬩᭂᬘᬶᬓ᭄᭞
ᬫᬮᬓᬃᬩᬦ᭄ᬲᬃᬯ᭄ᬯᬳᬾᬮᬄ᭞ᬩᬩᬓᬦ᭄ᬮᬦ᭄ᬲᬃᬯ᭄ᬯᬩᬸᬗ᭄ᬓᬶᬮ᭄᭞ᬤᬯᬸᬦ᭄ᬤᬯᬸᬦ᭄ᬕᬫ᭄ᬧᬂᬳᬮᬶᬄ᭞ᬧᬗ᭄ᬭᬩ᭄ᬤᬦ᭄ᬜᬲᬗᭂᬢ᭄ᬮᬸᬯᬸᬂ᭞ᬫᬲᬳᬶᬄᬓᬾᬦ᭄ᬢᬫ᭄ᬩᬫᬳᬮ᭄᭞
ᬲᭂᬕᭂᬃᬗᬯᬾᬘᭂᬤᬂᬳᬢᬶ᭞ᬢᭂᬓᬮᬸᬯᬸᬂ᭞ᬓᬦ᭄ᬢᭂᬦ᭄ᬦᬶᬱ᭄ᬝᬮᬸᬯᬶᬄᬕᬸ᭠ᬡ᭟᭐᭟ᬗᬯᬾᬓᬾᬦᬓ᭄ᬫᬦᬄᬘᭂᬤᬥᬂ᭞ᬘᭂᬥᬗᬾᬕᬫ᭄ᬧᬂᬫᬦᬫ᭄ᬧᬶ᭞ᬲᬳᬦ
ᬦᬶᬂᬧᬧ᭄ᬮᬚᬳᬦ᭄᭞ᬗᬯᬾᬋᬲᭂᬧ᭄ᬜᬸᬲᬸᬧ᭄ᬳᬢᬶ᭞ᬬᬦ᭄ᬭᬵᬕᬫᬶᬲᬶᬧᬜᬓᬶᬢ᭄᭞ᬓᭂᬦᭂᬳᬾᬧᬸᬢᭂᬓ᭄ᬢᬹᬃᬩᬶᬗᬸᬂ᭞ᬳᬲᬶᬂᬳᬶᬢᬸᬗᬶᬦ᭄ᬢᬦ᭄ᬲᬶᬤ᭄ᬥ᭞ᬓᬶᬬᬸ᭠
[᭓᭐ 30A]
ᬮ᭄ᬫᬩᭀᬭᬾᬄᬗᬯᬶᬦᬶᬦ᭄᭞ᬢ᭄ᬯᬭᬘᬸᬓᬸᬧ᭄᭞ᬲᭀᬓ᭄ᬕᬶᬬᭂᬢᬂᬩᬦ᭄ᬳᬶᬢᬸᬗᬦ᭄᭟᭐᭟᭑᭐᭙᭟ᬥᬸᬓ᭄ᬯᬸᬲᬦ᭄ᬦᬗ᭄ᬓᬶᬤᬂᬮᭀᬦ᭄ᬢᬃ᭞ᬫᬭᬶᬂᬧᬧᬸᬲ᭄ᬢᬓᬦ᭄ᬕ
ᬫ᭄ᬧᬶᬮ᭄᭞ᬢᬸᬫᬸᬮᬶᬓᬧᬲᬭᬾᬬᬦ᭄᭞ᬧᭀᬮᬶᬄᬫᬫᬦᬄᬢᬦ᭄ᬮᬫᬶ᭞ᬓᬤᬶᬮᬮᬶᬦᬶᬦ᭄ᬲᬫᬥᬷ᭞ᬤ᭄ᬯᬭᬦᬾᬫᬓᬧᬧᬶᬢᬸ᭞ᬫᬶᬦᭂᬩᬦ᭄ᬓᬕᬾᬢ᭄ᬳ
ᬚᬳᬦ᭄᭞ᬳ᭄ᬬᬂᬅᬢ᭄ᬫᬫᬜ᭄ᬚᬶᬂᬭᬶᬂᬲᭂᬧᬶ᭞ᬢᭂᬓᬮᬸᬯᬸᬂ᭞ᬫᬧ᭄ᬭᬡᬬᬫᬕ᭄ᬭᭀᬓᬦ᭄᭟᭐᭟ᬧᬸᬧᬸᬄᬥᬸᬃᬫ᭄ᬫ᭟᭐᭟᭑᭟ᬫᬍᬢᬦ᭄ᬮᬫᬶᬯᬢᬭᬲᬵᬫ᭄ᬧᬸ ᬥᬸᬃᬫ᭄ᬫ᭟
ᬦ᭄ᬢᬳᬸᬦᬦ᭄᭞ᬯᬾᬦ᭄ᬢᭂᬦ᭄ᬳᬦᬓ᭄ᬮᬶᬗ᭄ᬲᬶᬃᬧ᭄ᬭᬧ᭄ᬢᬶ᭞ᬘᬳᬬᬦ᭄ᬫᬸᬓᬩᬸᬗ᭄ᬳᬄ᭞ᬚᬾᬗ᭄ᬕᭀᬢᬾᬧᬜ᭄ᬚᬂᬫᬮᬾᬫ᭄ᬩᬤ᭄᭞ᬭᬫ᭄ᬩᬸᬢᬾᬯᬸᬲ᭄ᬲᬫᬶᬧᬸᬢᬶᬄ᭞ᬮ