Kaca:Bali-lontar-gaguritan-lokika-01-350ppi.pdf/17

Saking Wikisource
Kaca puniki sampun kauji-wacén

[᭑᭖ 16B]
᭑᭖᭟
ᬫ᭄ᬧᬮᬶᬦ᭄᭞ᬳᬦ᭄ᬢᬸᬓ᭄ᬯᬾᬦ᭄ᬢᭂᬦᬾᬲᬲᬸᬗ᭄ᬓᭂᬫᬦ᭄᭞ᬦᭂᬧᬾᬓᬶᬦ᭄ᬓᭂᬘᬧᬶᬂᬳᬚᬷ᭞ᬭᬶᬂᬰᬶᬱ᭄ᬬᬦᬾᬲᬸᬚᬵᬢᬶ᭞ᬮᬶᬗ᭄ᬕᬦ᭄ᬕᬸᬭᬸᬦᬾᬲᬢᬸᬳᬸ᭞ᬤᬶᬚᬪᬓ᭄ᬢᬶᬦᬾ
ᬧᬲᬚ᭞ᬲ᭄ᬯᬾᬘᬦᬾᬤᬶᬢᬸᬓᬧᬗ᭄ᬕᬶᬄ᭞ᬬᬦ᭄ᬢᬦ᭄ᬢᬸᬳᬸ᭞ᬢᬦ᭄ᬢᬸᬳᬸᬧᬘᬂᬢᭂᬫᭀᬓᬂ᭟᭐᭟᭕᭘᭟ᬦᬾᬫᬯᬓ᭄ᬰᬶᬱ᭄ᬬᬧᬲᬚ᭞ᬰᬩ᭄ᬤᬦ᭄ᬕᬸᬭᬸᬓᬧᬢᬶᬦ᭄ᬤᬶᬄ
᭞ᬩᬦ᭄ᬫᬦᬄᬭᬯᭀᬲ᭄ᬮᬦ᭄ᬳᬯᬓ᭄᭞ᬢᬦ᭄ᬧᬗᬾᬢᬂᬪᬬᬧᬢᬶ᭞ᬦᬾᬳᬾᬮᬄᬫᬸᬯᬄᬦᬾᬲᬸᬮᬶᬢ᭄᭞ᬧᬶᬢᬸᬥᬸᬄᬕᬸᬭᬸᬧᬸᬦᬶᬓᬸ᭞ᬲᬫᬶᬫᬯᬓ᭄ᬧ
ᬦᬸᬕ᭄ᬭᬳᬦ᭄᭞ᬲᬗ᭄ᬓᬦ᭄ᬓᭂᬢᬶᬮ᭄ᬤᬤᬶᬫᬸᬭᬶᬤ᭄᭞ᬳᬧᬦ᭄ᬢᬓᬸᬢ᭄᭞ᬫᬸᬯᬄᬲᬗ᭄ᬰᬬᬫ᭄ᬬᬮᬂ᭟᭐᭟᭕᭙᭟ᬫᬮᬶᬄᬰᬵᬲ᭄ᬢ᭄ᬭᬦᬾᬗᬚᬭᬂ᭞ᬦᬾᬚᬵᬢᬶ
[᭑᭗ 17A]
ᬦᬶᬚᬶᬸᬂᬰᬶᬱ᭄ᬬᬉᬢ᭄ᬢᬫᬶ᭞ᬲᬮᬸᬯᬶᬃᬧᬶᬋᬂᬮᬦ᭄ᬘᬶᬗᬓ᭄᭞ᬓᬭᬲᬫᬶᬯᬄᬳᬸᬗᬲᬶᬦ᭄᭞ᬲᬮᬸᬯᬶᬃᬫᬦᭂᬫ᭄ᬧᬸᬄᬓᬸᬮᬶᬢ᭄᭞ᬲᬫᬶᬧᬭᬵᬕᬬᬦ᭄ᬕᬸᬭᬸ᭞ᬲᬗ᭄ᬓᬦ᭄ᬕᬶᬭᬂᬬ
ᬦ᭄ᬫᬗ᭄ᬕᬸᬳᬂ᭞ᬇᬡ᭄ᬥᬶᬓ᭄ᬳᬮᬮᬯᬦ᭄ᬩᭂᬘᬶᬓ᭄᭞ᬢᬦ᭄ᬓᬢᬦ᭄ᬤ᭄ᬭᬸᬄ᭞ᬓᬢᬫ᭄ᬧᬶᬕᬸᬭᬸᬜᬓᬮ᭟᭐᭟᭖᭐᭟ᬧᬦᬫ᭄ᬧᬶᬦᬾᬲᬧᬸᬦᬶᬓ᭞ᬧᬸᬦᬶᬓᬰᬶᬱ᭄ᬬᬲᬸᬚᬵᬢᬶ᭞᭠
ᬫᬸᬗ᭄ᬕᬸᬄᬚ᭄ᬭᭀᬦᬾᬳᬶᬥᭂᬧ᭄ᬕᬦ᭄ᬢᬲ᭄᭞ᬮᬕᬲ᭄ᬢᬦᬺᬋᬤ᭄ᬤᬶᬳᬢᬶ᭞ᬢᬦ᭄ᬧᬢᬶᬓᬤᬾᬦ᭄ᬓᬤᬾᬦᬶᬦ᭄᭞ᬲᬶᬤ᭄ᬥᬦᬶᬂᬲᬧᬓᭀᬦ᭄ᬕᬸᬭᬸ᭞ᬳᬶᬭᬶᬓᬓᬬᬸᬦᬾᬦᬸᬗ᭄ᬕᬮ᭄
᭞ᬢᭂᬓᭂᬓ᭄ᬢᬦ᭄ᬓᭂᬦᬓᬕᬸᬕᬶᬄ᭞ᬳ᭄ᬬᬂᬲᬶᬦᬸᬳᬸᬦ᭄᭞ᬇᬭᬶᬓᬲᬳᬶᬗᬦ᭄ᬢᭀᬲᬂ᭟᭐᭟᭖᭑᭟ᬫᬮᬶᬄᬢᬢ᭄ᬯᬦᬾᬗᬚᬭᬂ᭞ᬢᬢ᭄ᬯᬦᬶᬂᬕᬸᬭᬸᬲᬸᬚᬵᬢᬶ᭞ᬢ