Kaca:Bali-lontar-gaguritan-lokika-01-350ppi.pdf/11

Saking Wikisource
Kaca puniki sampun kauji-wacén

[᭑᭐ 10B]
᭑᭐᭟
ᬖᬫ᭞ᬩᬸᬦᬸᬄᬲᬂᬪᬷᬫᬗ᭄ᬭᬜ᭄ᬚᬶᬂ᭞ᬓᬕᬾᬢ᭄ᬦᬮᬸᬚᬸ᭞ᬦᬵᬕᬦᬾᬳᬕᬸᬂᬫᬗᬓᬓ᭄᭟᭜᭟᭓᭔᭟ᬫᬜᬯᬸᬧ᭄ᬕᬮᬓ᭄ᬫᬫᬓ᭄ᬧᬓ᭄᭞ᬲᬂᬪᬷ
ᬫᬲᬵᬫ᭄ᬧᬸᬦ᭄ᬓᬮᬶᬮᬶᬢ᭄᭞ᬕᬮᬄᬓᬓᬭᬸᬭᬧᬶᬲᬦ᭄᭞ᬫᬗᬶᬥᬸᬲᬫ᭄ᬩᬶᬮ᭄ᬜᬶᬫ᭄ᬩᬸᬳᬶᬦ᭄᭞ᬫᬍᬧᬸᬕ᭄ᬯᬶᬱ᭄ᬬᬦᬾᬫᬦ᭄ᬥᬶ᭞ᬦᬗ᭄ᬳᬶᬂᬲᬂᬪᬷᬫᬢᬦ᭄ᬓᬾᬗ᭄ᬕᬸᬄ᭞
ᬮᬸᬯᬸᬢᬶᬂᬉᬧᬲ᭄ᬫᬯᬶᬱ᭄ᬬ᭞ᬢᭂᬕᬸᬳᬾᬗᬯᬚᬩᭂᬲᬶ᭞ᬫᬢᭂᬓ᭄ᬩᬬᬸ᭞ᬲᬓᬜ᭄ᬘᬦ᭄ᬦᬕᬦᬾᬢᬲ᭄ᬢᬲ᭄᭟᭜᭟᭓᭕᭟ᬓᬢᬶᬦ᭄ᬤᬶᬄᬩᬦ᭄ᬦᬵᬕᬦᬾᬮᬾ᭠
ᬦᬦ᭄᭞ᬧᬥᬓ᭄ᬭᬸᬭᬫᬜᬕ᭄ᬚᬕᬶᬦ᭄᭞ᬲᬫᬶᬕᬮᬓ᭄ᬫᬢᭂᬮᬲᬦ᭄᭞ᬫᬜᬯᬸᬧ᭄ᬫᬓ᭄ᬧᬓ᭄ᬜᬶᬫ᭄ᬩᬸᬳᬶᬦ᭄᭞ᬲᬂᬪᬷᬫᬢᬦ᭄ᬧᬧᬓᬾᬭᬶᬂ᭞ᬲ
[᭑᭑ 11A]
ᬓ᭄ᬱᬡᬦᬵᬕᬦᬾᬮᬘᬸᬃ᭞ᬲᬶᬩᬓ᭄ᬧᭂᬕᬢ᭄ᬫᬢᬶᬳᭀᬜ᭞ᬲᬓᬭᬶᬦ᭄ᬲᬦᬾᬫᬮᬳᬶᬩ᭄᭞ᬧᬸᬧᬸᬢ᭄ᬫᬦ᭄ᬢᬸᬓ᭄᭞ᬲᬂᬪᬶᬫᬢᬦ᭄ᬧᭀᬮᬶᬄᬅᬫᬺᬢ᭟᭜᭟
᭓᭖᭟ᬳᭀᬲᭂᬓ᭄ᬓᬬᬸᬦᬾᬤᬶᬚᬮᬦ᭄᭞ᬤᬾᬦᬶᬂᬦᬾᬳᬮᬶᬄᬢᬦ᭄ᬓᭂᬦᬶ᭞ᬘᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬚᭀᬕ᭄ᬚᭀᬕ᭄ᬕᬸᬭᬸᬦᬾᬢᬗ᭄ᬓᬶᬮᬶᬦ᭄᭞ᬫᬢᬹᬃᬫᭂ
ᬧᭂᬲ᭄ᬲᬳᬪᬓ᭄ᬢᬶ᭞ᬗᬸᬦᬶᬗᬂᬮᬸᬗ᭄ᬳᬦᬾᬮᬘᬸᬃ᭞ᬅᬫᬺᬢᬦᬾᬢᬦ᭄ᬓᭂᬦᬶᬬᬂ᭞ᬲᭀᬓ᭄ᬦᬵᬕᬓᬢᬄᬓᬧᬗ᭄ᬕᬶᬄ᭞ᬤᬤᬶᬓᭂᬜᬸᬲ᭄᭞ᬲᬂᬕᬸᬭᬸᬲᬯᬸᬃᬧᬗᭂ
ᬦᬦ᭄᭟᭜᭟᭓᭗᭟ᬓᬶᬚᬧᬦ᭄ᬕᬸᬭᬸᬦᬾᬲᬫᬄ᭞ᬳᬗ᭄ᬕᭀᬦ᭄ᬜᬭᬸᬯᬂᬓᬩᬶᬮ᭄ᬩᬶᬮ᭄᭞ᬚᬵᬢᬶᬲᬂᬫ᭄ᬭᬵᬕᬧ᭄ᬭᬚ᭄ᬜᬵᬦ᭄᭞ᬳᬾᬮᬄᬗᭀᬮᬄᬓᭂᬮᬸᬲ᭄ᬯᬃᬡ᭄ᬦᬶ