Kaca puniki sampun kauji-wacén
[᭑᭐᭑ 101B]
᭑᭐᭑᭟
ᬦ᭄ᬚ᭄ᬭᭀᬦᬶᬂᬕᬃᬩ᭄ᬪ᭞ᬲᬵᬫ᭄ᬧᬸᬦᬸᬦᬶᬂ᭞ᬫᬗᬸᬜ᭄ᬘᬭᬂᬘᬢᬸᬃᬯᬾᬥ᭟᭜᭟᭒᭑᭟ᬲᬗ᭄ᬓᬫᬭᬵᬕᬫᬵᬦᬸᬱ᭞ᬓᬚᬕᬢᬾᬫᬦᬸᬭᭀᬦᬶᬦ᭄᭞
ᬪᭀᬬᬲᬓᬶᬂᬫ᭄ᬭᬶᬄᬨᬮ᭞ᬕᬸᬫᬦ᭄ᬢᬶᬗᬚᬄᬫᬗᬸᬭᬸᬓ᭄᭞ᬫᬢᬸᬦᬳᬶᬦ᭄ᬓᬫᭀᬫᭀᬯᬦ᭄᭞ᬲᬂᬦᬸᬫᬤᬶ᭞ᬫᬗ᭄ᬤᬢᬳᬸᬭᬶᬂᬓᬥᬃᬫ᭄ᬫᬦ᭄᭟᭜᭟
᭒᭒᭟ᬳᬶᬤᬢ᭄ᬯᬭᬲᬳᬶᬗᭂᬦᬄ᭞ᬓᬧᬄᬳᬦᬓ᭄ᬲᬶᬤ᭄ᬥᬗᬓ᭄ᬱᬶ᭞ᬫᬭᬵᬕᬲᬓᬵᬮᬦᬶᬱ᭄ᬓᬮ᭞ᬉᬢ᭄ᬢᬫᬦᬾᬮᬶᬯᬢ᭄ᬗᬸᬗ᭄ᬓᬸᬮ᭄᭞ᬳᬶᬤᬗᬃᬤ᭄ᬥᬶᬫᬵ
ᬳᬩ᭄ᬭᬢ᭞ᬲᬗ᭄ᬓᬦ᭄ᬧᬹᬚᬶ᭞ᬲᬓᭂᬘᬧ᭄ᬲᬦ᭄ᬤᬂᬳᬶᬭᬶᬗᬂ᭟᭜᭟᭒᭓᭟ᬪᬷᬦᬭᬶᬂᬯᬗᬯᬶᬮᬶᬬᬦ᭄᭞ᬫᬶᬗ᭄ᬓᬶᬦ᭄ᬓᬵᬮᬚᬕᬢ᭄ᬓᬵᬮᬶ᭞ᬲᬗ᭄ᬓᬦ᭄ᬧᬶ᭠
[᭑᭐᭒ 102A]
ᬮᬶᬄᬲᬦᬾᬓᬢᬄ᭞ᬭᬾᬄᬮᬶᬬᬸᬲᬂᬫᬧᬶᬯᬶᬓᬸ᭞ᬤᬰᬭᬾᬮᭀᬪᬅᬗ᭄ᬓᬭ᭞ᬗᬸᬗ᭄ᬲᬶᬪᬸᬓ᭄ᬢᬶ᭞ᬗᬸᬮᬄᬫᭀᬢᬄᬧᬤᬶᬤᬶᬬᬦ᭄᭟᭜᭟᭒᭔᭟
ᬧᬓᬃᬤ᭄ᬥᬶᬦ᭄ᬪᬕᬯᬵᬦ᭄ᬩ᭄ᬬᬲ᭞ᬢ᭄ᬯᬭᬜᬦ᭄ᬤᬂᬲᬗ᭄ᬰᬬᬦᬶᬦ᭄᭞ᬢ᭠ᬦ᭄ᬢᬸᬬᬸᬄᬫᬮᬶᬄᬫᬦᬶᬫ᭄ᬩᬂ᭞ᬳᬧᬦ᭄ᬲᬵᬫ᭄ᬧᬸᬦ᭄ᬚᬵᬢᬶᬢᬸᬳᬸ᭞ᬦᬗ᭄ᬳᬶᬂᬢᬶᬢ᭄ᬬᬂᬫ
ᬗᬸᬦᬶᬗᬂ᭞ᬯᬦ᭄ᬢᬄᬓᬶᬥᬶᬓ᭄᭞ᬲᭀᬓ᭄ᬤᬕᬶᬂᬳᬶᬧᬸᬦᬾᬩᬸᬯᬢ᭄᭟᭜᭟᭒᭕᭟ᬫᬸᬕᬶᬲᬶᬤ᭄ᬥᬓᬋᬲᭂᬧᬂ᭞ᬳᬦ᭄ᬢᬸᬓ᭄ᬲᬂᬗᬯᬘᬾᬦ᭄ᬲᬫᬶ᭞ᬫᬗ᭄ᬓᬶ
ᬦ᭄ᬢᬶᬢ᭄ᬬᬂᬫᬗᬯᬶᬢᬂ᭞ᬯᬾᬦ᭄ᬢᭂᬦᬺᬓᭀᬕᬸᬦᬸᬂᬳᬕᬸᬂ᭞ᬫᬯᬱ᭄ᬝᬕᬸᬦᬸᬂᬓᬦ᭄ᬤᬯ᭞ᬯᬶᬢ᭄ᬓᬧᬶᬗᬶᬢ᭄᭞ᬳᬦ᭄ᬢᬸᬓ᭄ᬳᬶᬤᬲᬂᬳ᭄ᬬᬂᬇᬦ᭄ᬤ᭄ᬭ᭟᭜᭟᭠
