Kaca:Bali-lontar-gaguritan-loda-350ppi.pdf/6

Saking Wikisource
Kaca puniki sampun kauji-wacén

[᭕ 5B]

ᬮᬶ᭞ᬢ᭄ᬯᬄᬬᬦ᭄ᬢᭀᬬᬦ᭄ᬯᬦ᭄ᬢᬄᬘᬳᬶᬳᬸᬦᬶᬂ᭟ᬳᬧᬂᬳ᭄ᬤᬩᬵᬲ᭄ᬩᭂᬦ᭄ᬤ᭄ᬭᭀᬲ᭄ᬯᭂᬓᬫᬜᬸᬫ᭄ᬩᬄ᭞ᬢ᭄ᬯᬭᬓᬭ᭄ᬯᬦᬾᬓᬾᬱ᭄ᬝᬶ᭞ᬓᬾᬯᬮᬫᬜᬸᬫ᭄ᬩᬄ᭞ᬬᬦ᭄ᬳᬧᬦᬾᬦᬾᬲᬸᬫ᭄ᬩᬄ᭞
ᬚᬤ᭄ᬫᬧᬲᬸᬮᬶᬂᬦᬶᬂᬳᬚᬶ᭞ᬢᭀᬂᬦᬯᬂᬳᬯᬓ᭄ᬲᬗ᭄ᬓᬦ᭄ᬲᭂᬗ᭄ᬓᬦᬸᬫᬤᬶ᭟ᬓ᭄ᬭᬦᬤᬶᬦᬶᬲᬢᬢᬳᬯᬓ᭄ᬓᬲᬲᬃ᭞ᬳᬸᬭᬶᬧ᭄ᬧᬗᬦ᭄ᬢᬶᬳᬦ᭄ᬢᬶ᭞ᬲᬗ᭄ᬓᬦ᭄ᬧᬕᬯᬾᬦᬦ᭄᭞ᬦᬾᬦᬾ
ᬢᬫᬫᬦᬶᬧ᭄ᬯᬦ᭄᭞ᬳᬧᬂᬳ᭄ᬤᬩᬸᬓᬚᬦᬶ᭞ᬮᬶᬯᬢ᭄‌ᬦ᭄ᬭᬓᬳᬾᬱ᭄ᬝᬶᬬᬂᬳᬧᬂᬢᬶᬦ᭄ᬤᬶᬄ᭟ᬦᬗ᭄ᬳᬶᬂᬳ᭄ᬤᬘᬳᬶᬳᭂᬗ᭄ᬲᬧ᭄ᬢᭂᬓᬾᬦ᭄ᬰᬲ᭄ᬢ᭄ᬭ᭞ᬫᬓᬤᬶᬳ᭄ᬬᬂᬯᬶᬥᬶ᭞ᬫᬶᬯᬄᬚ
ᬧᬫᬦ᭄ᬢ᭄ᬭ᭞ᬦ᭄ᬢᭀᬧᬕᭂᬳᬂᬧᬶᬲᬦ᭄᭞ᬧᬶᬢ᭄ᬯᬶᬜᬘᬳᬶᬫᬢᬶ᭞ᬋᬕᭂᬧᬂᬲᬚᬤᬶᬲ᭄ᬬᬸᬣᬕ᭄ᬦᬄᬘᬳᬶ᭟ᬳᬧᬂᬫ᭄ᬮᬄᬳᬧᬂᬢ᭄ᬓᭂᬓ᭄‌ᬦ᭄ᬢᭀᬳᬶᬗᭂᬢᬂ᭞ᬫᬸᬜᬶᬦ᭄ᬩᬧᬦᬾᬲ
[᭖ 6A]
ᬫᬶ᭞ᬓᬾᬯᬮᬳ᭄ᬤᬳᭂᬗ᭄ᬲᬧ᭄᭞ᬫᬫᬋᬓᬦ᭄ᬓᬩᭂᬜ᭄ᬘᬶᬗᬄ᭞ᬬᬤᬶᬦ᭄ᬧᬘᬂᬳᬮᬜ᭄ᬘᬶᬓ᭄᭞ᬬᬦ᭄‌ᬢ᭄ᬯᬄᬜᬲᬶᬤ᭄ᬥᬳᬧᬂᬘᬳᬶᬫᬗᬶᬭᬶᬂ᭟ᬬᬦᬶᬂᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬸ
ᬦᬲ᭄᭞ᬭᬶᬂᬳᬶᬤᬲᬂᬳ᭄ᬬᬂᬯᬶᬥᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬧᬲᬄ᭞ᬲᬮᬓ᭄ᬯᬦᬾᬮ᭄ᬯᬦᬶᬢ᭄ᬯᬲ᭄᭞ᬢ᭄ᬓᬦᬶᬦ᭄ᬲᬧᬢᬶᬳᬸᬭᬶᬧ᭄᭞ᬧᬶᬮᬶᬄᬓᬲᬶᬤ᭄ᬥᬦ᭄ᬫᬗ᭄ᬤᬢᬶᬢ᭄ᬬᬂᬫᬗᬶᬭᬶᬂ᭟ᬦᬄᬦ᭄ᬢᭀ
ᬭᬶᬦ᭄ᬤᬶᬳᬂᬲᬶᬂᬜᬓᬲᬶᬤ᭄ᬥᬦ᭄᭞ᬦ᭄ᬢᭀᬫᬵᬤᬦ᭄ᬓᬃᬫ᭄ᬫᬚᬵᬢᬶ᭞ᬮᬓ᭄ᬱᬡᬉᬢ᭄ᬢᬫ᭞ᬬᬦ᭄ᬢᭂᬓᬦᬶᬂᬳᬦ᭄ᬢᬓ᭞ᬢ᭄ᬓᭂᬤ᭄‌ᬩ᭄ᬭᬳ᭄ᬫᬵᬮᭀᬓᬘᬳᬶ᭞ᬤᬶᬢᬸᬫᬫᬹᬓ᭄ᬢ᭄ᬬᬫᬸᬧᭀᬦᬶ
ᬦ᭄ᬧᬸᬭᬓᬺᬣᬶ᭟ᬬᬦ᭄ᬓᬲᬶᬤ᭄ᬥᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᬥ᭄ᬬᬦᬬᬂ᭞ᬢᬶᬢ᭄ᬬᬂᬫᬗᬶᬭᬶᬂᬳᬸᬕᬶ᭞ᬢᬶᬢ᭄ᬬᬂᬫᬦᬸᬦᬲᬂ᭞ᬦᬾᬫᬯᬱ᭄ᬝᬩ᭄ᬭᬳ᭄ᬫᬵᬮᭀᬓ᭞ᬫᬗ᭄ᬤᬢᬶᬢ᭄ᬬᬂᬳᬸᬦᬶᬂᬓᬶᬤᬶ᭠