Kaca:Bali-lontar-gaguritan-loda-350ppi.pdf/4

[᭓ 3B]
᭓
ᬱ᭄ᬝᬲᬧ᭄ᬢᬯᬾᬘᬶ᭟ᬩ᭄ᬦᭂᬄᬩᬸᬓᬫᬸᬜᬶᬦ᭄ᬘᬳᬶᬢ᭄ᬓᬾᬦ᭄ᬩᬧ᭞ᬳᬸᬮᬶᬤᬶᬲᬧ᭄ᬢᬯᬾᬘᬶ᭞ᬧᬦᬗ᭄ᬓᬦᬶᬂᬤᬾᬯ᭞ᬓ᭄ᬮᬯᬦ᭄ᬲᬂᬳ᭄ᬬᬂᬳᬢ᭄ᬫᬵ᭞ᬗᬶᬭᬶᬂᬲᬂᬳ᭄ᬬᬂᬧ᭄ᬭᬚᬧᬢᬶ᭞ᬦ᭄ᬢᭀ
ᬓ᭄ᬦᭂᬳᬂᬲᬶᬧ᭄ᬢᬦ᭄ᬩᬧᬦᬾᬭᬶᬂᬘᬳᬶ᭟ᬫᬦᬶᬧ᭄ᬯᬦ᭄ᬲᬶᬂᬜᬳᬤᬳᬶᬘᬦ᭄ᬤᬾᬯ᭞ᬲᬥ᭄ᬬᬩᬵᬦ᭄ᬘᬳᬶ᭞ᬗᬸᬕ᭄ᬯᬦᬶᬦ᭄ᬤ᭄ᬬᬢ᭄ᬫᬶᬓ᭞ᬫᬗᬮᬶᬄᬦᬾᬉᬢ᭄ᬢᬫ᭞ᬲᬶᬂᬜᬩᬧᬲᬸᬩ
ᬫᬢᬶ᭞ᬤᬶᬢᬸᬢᬓᭀᬦᬂᬳᬮᬶᬄᬤᬶᬲᬧ᭄ᬢᬯᬾᬘᬶ᭟ᬬᬦ᭄ᬲᬶᬄᬢ᭄ᬯᬭᬤᬶᬢᬸᬳᬮᬶᬄᬘᬳᬶᬩᬧ᭞ᬢᭀᬂᬓᬢ᭄ᬧᬸᬓ᭄ᬩᬵᬦ᭄ᬘᬳᬶ᭞ᬓᬵᬮᬶᬄᬢᭀᬂᬓᬲᬸᬧᬢ᭄᭞ᬩᬵ
ᬦ᭄ᬘᬳᬶᬲᬂᬳ᭄ᬬᬂᬳᬢ᭄ᬫ᭞ᬢ᭄ᬯᬭᬦᬯᬂᬲᬧ᭄ᬢᬯᬾᬘᬶ᭞ᬬᬦ᭄ᬘᬳᬶᬩᬶᬲᬦ᭄ᬢᭀᬰ᭄ᬯᬃ᭠ᬕ᭄ᬕᬦᬾᬍᬯᬶᬄ᭟ᬬᬤᬶᬦ᭄ᬘᬳᬶᬢᬢᬲ᭄ᬦᬯᬂᬓᬤ᭄ᬬᬢ᭄ᬫᬶᬓᬦ᭄᭞ᬢᭀᬗᭀᬲ᭄ᬤᬾᬯ
[᭔ 4A]
ᬦᬾᬲ᭄ᬫᬶ᭞ᬉᬢ᭄ᬧᭂᬢᬶᬧᬺᬮᬶᬦ᭞ᬧᬲᬸᬓ᭄ᬯᭂᬢᬸᬦᬾᬫᬓ᭄ᬚᬂ᭞ᬢ᭄ᬯᬭᬦᬯᬂᬲᬧ᭄ᬢᬯᬾᬘᬶ᭞ᬢ᭄ᬯᬭᬕᬯᬾᬦ᭄ᬜᬵᬫ᭄ᬩᭂᬓ᭄ᬘᬗ᭄ᬕᬂᬩᬶᬲᬘᬳᬶ᭟ᬳ᭄ᬦᬸᬗ᭄ᬮᬬᬂᬓᬢᬶᬓ᭄ᬢᬸᬜ᭄ᬚᬸᬗᬾ᭠
ᬗᬫ᭄ᬩᬳᬂ᭞ᬢᭀᬦ᭄ᬤᬾᬦ᭄ᬦᭂᬓᭂᬤ᭄ᬓᬳᬸᬫ᭄ᬩᬶ᭞ᬢ᭄ᬯᬭᬕᬕᬯᬾᬦ᭄ᬜ᭞ᬩᬵᬦ᭄ᬘᬳᬶᬗᬺᬕᭂᬧᬂ᭞ᬫᬗᬲ᭄ᬢᬶᬬᬂᬲᬂᬳ᭄ᬬᬂᬯᬶᬥᬶ᭞ᬲᭀᬓ᭄ᬓᬤᬸᬂᬩᬶᬓᬲᬗ᭄ᬭᬦᬰᬶᬓᬫᬫᬸᬱ᭄ᬝᬶ᭟
ᬲᭀᬓ᭄ᬫᬗ᭄ᬮᬶᬬᭂᬂᬫᬗᬸᬬᬸᬓ᭄ᬜᬗ᭄ᬓᬳᬗ᭄ᬓ᭄ᬬᬦ᭄᭞ᬢ᭄ᬯᬭᬓᬭ᭄ᬯᬦ᭄ᬦᬾᬗᬶᬮᬶᬲ᭄᭞ᬩᬵᬦ᭄ᬘᬳᬶᬗᬺᬕᭂᬧᬂ᭞ᬫᬗᬾᬓᬲᬂᬳ᭄ᬬᬂᬫᬦ᭄ᬢ᭄ᬭ᭞ᬦ᭄ᬢᭀᬧ᭄ᬤᬲᬂᬳᬧᬂᬧᬲ᭄ᬢᬶ᭞ᬳ᭄ᬤᬫ᭄ᬩᬳᬂ
ᬲᬫᬃᬳᬧᬂᬫᬭᬕᬚᬵᬢᬶ᭟ᬬᬾᬦ᭄ᬓᬲᬶᬤ᭄ᬥᬦ᭄ᬢᬶᬢ᭄ᬬᬂᬯᬦ᭄ᬢᬄᬗᬶᬭᬶᬂᬧᬶᬲᬦ᭄᭞ᬮᬶᬦ᭄ᬢᬂᬧᬢᬸᬢ᭄ᬲᬫᬶ᭞ᬢᬶᬢ᭄ᬬᬂᬫᬦᬸᬦᬲᬂ᭞ᬦᬾᬦᬾᬫᬵᬤᬦ᭄ᬭᬗ᭄ᬤᬤᬶᬭᬄ᭞ᬓᬮᬶᬄᬫ᭄ᬧᬸ