Kaca:Bali-lontar-gaguritan-loda-350ppi.pdf/3

Saking Wikisource
Kaca puniki sampun kauji-wacén

[᭒ 2B]

ᬬᬓ᭄ᬱᬭᬦᬾᬘᬳᬶ᭞ᬫᬶᬯᬄᬭ᭄ᬯᬪᬶᬦ᭄ᬦᬾᬥ᭞ᬓ᭄ᬮᬯᬦᬾᬓᬵᬓ᭄ᬱᬭ᭞ᬬᬤᬶᬦ᭄ᬤᬾᬯᬅᬢ᭄ᬫᬲᬫᬶ᭞ᬓ᭄ᬮᬯᬦ᭄ᬓᬵᬮᬫᬶᬯᬄᬮᬾᬬᬓᬾᬲᬫᬶ᭟ᬬᬤᬶᬦ᭄ᬲᭂᬕᭂᬃᬬᬤᬶᬦ᭄ᬮᬵ
ᬭᬦ᭄ᬢᭀᬗᬤᬓᬂ᭞ᬦ᭄ᬢᭀᬢᬢᬲᬂᬘᬳᬶ᭞ᬕᬢᬶᬬᬂᬓ᭄ᬦᭂᬳᬂ᭞ᬩᭂᬲᬶᬓ᭄ᬩᭂᬲᬶᬓ᭄ᬧ᭄ᬤᬲᬂ᭞ᬲᬶᬂᬜᬳᬤᬳᬶᬘᬦ᭄ᬯᬶᬥᬶ᭞ᬳᬶᬘᬜᬫ᭄ᬪᬾᬖᬤᭀᬂᬬᬲᬶᬤ᭄ᬥᬩᬵᬦ᭄ᬘᬳᬶ᭟ᬬ
ᬤᬶᬦ᭄ᬘᬳᬶᬫᬦᬸᬦᬲᬂᬧᭂᬢᭂᬂᬍᬫᬄ᭞ᬭᬶᬂᬳᬶᬤᬦᬾᬦᬾᬳᬸᬦᬶᬂ᭞ᬜᬸᬫ᭄ᬩᬄᬩᬸᬲᬦ᭄ᬩᬸᬲᬦ᭄᭞ᬤᬤᬶᬕᭂᬮᬶᬲᬂᬓᬢᬧᬓ᭄᭞ᬧᬩᬳᬦ᭄ᬘᬳᬶᬦᬾᬲᬓᬶᬢ᭄᭞ᬦᬗ᭄ᬳᬶᬂᬢᭀᬂ
ᬳᬶᬬᬳᬶᬘᬦᬶᬦ᭄ᬳᬶᬤᬘᬳᬶ᭟ᬳᬦᬓ᭄ᬮᬶᬬᬸᬗᬸᬘᬧᬂᬲᭀᬢᭀᬳᬸᬢ᭄ᬢᬫ᭞ᬧᬤᬲᬮᬶᬂᬗ᭄ᬕᬾᬦᬶᬦ᭄᭞ᬬᬦ᭄ᬳᬸᬘᬧᬦ᭄ᬰᬲ᭄ᬢ᭄ᬭ᭞ᬲᬫᬶᬧᬤᬍᬯᬶᬄᬧᬶᬲᬦ᭄᭞ᬗ᭄ᬳᬶᬂᬧ᭄ᬭ᭠
[᭓ 3A]
ᬕᬢ᭄ᬩᬵᬦ᭄ᬮᬶᬗᬶᬂᬳᬚᬶ᭞ᬓᬾᬢᭀᬤᬕᬶᬂᬜᬩᬧᬗᭀᬭᬳᬶᬦ᭄ᬘᬳᬶ᭟ᬦ᭄ᬢᭀᬳᬶᬩ᭄ᬮᭀᬕ᭄ᬫᬢᬸᬃᬫᬤᬸᬮᬸᬭᬦ᭄ᬲᬸᬫ᭄ᬩᬄ᭞ᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭞ᬬᬦ᭄ᬧᬶᬮᬶᬄᬓ
ᬲᬶᬤ᭄ᬥᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᬺᬕᭂᬧᬂ᭞ᬰᬭᬫᬗᬭᬦᬾᬳᬸᬕᬶ᭞ᬭᬶᬂᬦᬩᬲ᭄ᬢᬮᬗᬢᭂᬧᬂᬪᬸᬫᬶᬳᬮᬶᬢ᭄᭟ᬩᭀᬬᬧᬢᬸᬢ᭄ᬧᬸᬦᬶᬓᬲᬂᬳ᭄ᬬᬂᬲᬥ᭄ᬬ᭞ᬬ
ᬫ᭄ᬯᬓ᭄ᬧ᭄ᬭᬦᬯᬚᬵᬢᬶ᭞ᬫᬲᬵᬭᬶᬦᬶᬲ᭄ᬓᬮ᭞ᬭᬹᬧᬫᬦᬳᬂᬢᬶᬢ᭄ᬬᬂ᭞ᬯᬦ᭄ᬢᬄᬢᬶᬗ᭄ᬓᬄᬲᬸᬤᬸᬓ᭄‌ᬰ᭄ᬯᬭᬶ᭞ᬤᬤᭀᬲ᭄ᬫᬭᬕᬲᬂᬳ᭄ᬬᬂᬦᬶᬲᬤ᭄ᬬᭀᬢ᭄ᬓ᭄ᬭᬦ᭄ᬢᬶ᭟ᬬᬦᬶᬂ
ᬰ᭄ᬯᬃᬕ᭄ᬕᬦ᭄ᬭᬓᬫᬦᬳᬂᬢᬶᬢ᭄ᬬᬂ᭞ᬯᬦ᭄ᬢᬄᬧᬸᬦᬶᬓᬢᬸᬗ᭄ᬕᬶᬮ᭄᭞ᬭᬶᬂᬓᬸᬡ᭄ᬟᬭᬳ᭠ᬲ᭄ᬬ᭞ᬬᬦ᭄ᬓᬯᬄᬫᬺᬢ᭄ᬬᬸᬓᬸᬡ᭄ᬟ᭞ᬬᬦᬶᬂᬰ᭄ᬯᬃᬕ᭄ᬕᬫᬺᬣᬓᬸᬡ᭄ᬟᬶ᭞ᬯᬦ᭄ᬢᬄᬧᬸᬦᬶᬓᬫᬯ