Kaca:Bali-lontar-gaguritan-lelagambara-300ppi.pdf/78

Saking Wikisource
Kaca puniki sampun kauji-wacén

[᭗᭗ 77B]
᭗᭗
ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬶᬯᬄᬧᬗᭂᬫ᭄ᬩᬦᬾᬲᬫᬶ᭞ᬭᬾᬄᬩᬸᬮᬦᬦ᭄᭞ᬲᭂᬥᬶᬄᬓᬶᬂᬓᬶᬂᬤᬶᬧᬲᬗ᭄ᬕ᭄ᬭᬳᬦ᭄᭟ᬳᬶᬦᬂᬧᬗᬗ᭄ᬲᬸᬄᬧᬗᭂᬫ᭄ᬩᬦ᭄᭞ᬧᬥᬵᬕᬶᬭᬂᬫᬓᬲᬫᬶ᭞ᬗ᭄ᬳᬶᬂᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸ
ᬭᬢ᭄ᬦ᭞ᬗᭂᬫ᭄ᬩᭂᬂᬗᭂᬫ᭄ᬩᭂᬂᬢᭀᬬᬦᬓ᭄ᬱᬶ᭞ᬮᬾᬮᬕᬫ᭄ᬩᬭᬦᭂᬲᭂᬓᬶᬦ᭄᭞ᬢᬸᬃᬫᬗᬸᬘᬧᬮᬸᬲᬮᬸᬲ᭄᭞ᬲᬫ᭄ᬧᬸᬦᬂᬩᬗᭂᬢ᭄ᬧᬫᭂᬗ᭄ᬕᬄ᭞ᬳᬭᬄᬢᬶᬢ᭄ᬬᬂᬲᬚᬲᬶᬲᬶᬧ᭄᭞ᬓᬲᬾᬧ᭄ᬭᬢᬸ᭞ᬢᬶᬢ᭄ᬬᬂ
ᬫ᭄ᬭᬶᬓᬶᬗᬮᬶᬳᬶᬤ᭟ᬗᬶᬭᬶᬂᬓᬾᬫᬦ᭄ᬢᬸᬓ᭄ᬳᬶᬤᬾᬯᬵ᭞ᬓᬮᬾᬮᬕᬫ᭄ᬩᬭᬫᬗ᭄ᬓᬶᬦ᭄᭞ᬲᭂᬥᭂᬕ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬫᬲᬯᬸᬃᬢᬶᬢ᭄ᬬᬂᬫᬗᬶᬭᬶᬂ᭞ᬮᬯᬸᬢ᭄ᬮᬾᬮᬕᬫ᭄ᬩᬭᬚᬦᬶ᭞ᬗᬋᬕᭂᬧᬂᬲᬕᬾᬢ᭄ᬲ
ᬫ᭄ᬧᬸᬦ᭄᭞ᬧᬲᬗ᭄ᬕ᭄ᬭᬳᬦᬾᬲᬫᬶᬳᬶᬘᬮ᭄᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬗ᭄ᬭᬜ᭄ᬚᬶᬂ᭞ᬮᬦ᭄ᬧᬋᬓᬦ᭄᭞ᬭᬶᬂᬓᬫᬮᬦᬾᬧᬸᬦᬶᬓᬵ᭟ᬢᬸᬫᬸᬮᬶᬫᬫᭂᬦ᭄ᬢᬂᬧᬦᬄ᭞ᬮᬾᬮᬕᬫ᭄ᬩᬭᬫᬯᬮᬶ᭞ᬫᬍᬲᬢ᭄ᬳᬓᭂᬥᬧ᭄ᬧ᭄ᬭ

[᭗᭘ 78A]
᭗᭘
ᬧ᭄ᬢ᭞ᬮᬾᬮᬕᬫ᭄ᬩᬭᬤᬶᬧᬸᬭᬶ᭞ᬫᬗᬸᬗ᭄ᬲᬶᬓᬕᭂᬤᭀᬂᬘᬺᬫᬶ᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬲᬫ᭄ᬧᬸᬦ᭄᭞ᬳᬶᬦᬂᬧᬗᬗ᭄ᬲᬸᬄᬧᬗᭂᬫ᭄ᬩᬦ᭄᭞ᬲᬓᬶᬂᬓᬫᬮᬦᬾᬫᬶᬚᬶᬮ᭄᭞ᬧᬜᬧᬦᬾ᭞ᬢ᭄ᬯᬦ᭄ᬧᬸᬢ᭄ᬭᬶᬓᬸᬲᬸᬫ
ᬤᬾᬯ᭄ᬬᬵ᭟ᬫ᭄ᬭᬶᬓᬶᬓᬾᬳᬤᬶᬧᬳᭂᬓᬂ᭞ᬢᭂᬓᬾᬦ᭄ᬳᭂᬫ᭄ᬩᭀᬓ᭄ᬫᬮᬶᬗ᭄ᬕᬶᬄ᭞ᬳᬶᬗ᭄ᬕᬶᬄᬓᬾᬗᬚᭂᬗᬂᬲᭂᬥᬄ᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬭᬭᬶᬲ᭄᭞ᬗᬬᬸᬦᬂᬲᭂᬥᬄᬦᬾᬫᬗ᭄ᬓᬶᬦ᭄᭞ᬧᬗ᭄ᬭᬯᭀᬲᬾᬲᬫ᭄ᬧᬸᬦ᭄ᬳᬤᬸᬂ
᭞ᬧᬥᬫᬢᬸᬢᬸᬃᬢᬸᬢᬸᬭᬦ᭄᭞ᬲᬓᬦ᭄ᬤᬓᬦ᭄ᬤᬦᬾᬭᬶᬳᬶᬦ᭄᭞ᬓ᭄ᬭᬡᬢᭂᬧᬸᬓ᭄᭞ᬭᬶᬂᬭᬚᬮᬾᬮᬕᬫ᭄ᬩᬭ᭟ᬧᬫᬺᬫᬦᬾᬫᬦ᭄ᬤᬸᬭᬢ᭄ᬦ᭞ᬤᬶᬕᭂᬤᭀᬂᬰᬾᬮᬘᬦ᭄ᬤᬡᬶ᭞ᬢᭂᬕᬓ᭄ᬜᬦᬾᬫᬩᬋᬗ
ᬦ᭄᭞ᬭᬶᬂᬕᭂᬦᬄᬓᬸᬲᬸᬫᬤᬾᬯᬶ᭞ᬦᬾᬫᬳᬤᬦ᭄ᬤᬶᬕ᭄ᬥᭀᬂᬘᬺᬫᬶ᭞ᬚᬦᬶᬘᬭᬶᬢᬬᬂᬮᬯᬸᬢ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦ᭞ᬓᬕᭂᬤᭀᬂᬰᬾᬮᬘᬦᬡᬶ᭞ᬫᬳᬶᬭᬶᬗᬦ᭄᭞ᬳᬶᬦᬂᬧᬗᬗ᭄ᬲᬸᬄᬫ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-lelagambara-300ppi.pdf/78&oldid=42326"