Kaca:Bali-lontar-gaguritan-lelagambara-300ppi.pdf/73

Saking Wikisource
Kaca puniki sampun kauji-wacén

[᭗᭒ 72B]
᭗᭒
᭞ᬫᬧ᭄ᬮᬶᬗ᭄ᬕᬶᬳᬦ᭄ᬕ᭄ᬭᬸᬥᬫᬓ᭄ᬩᬸᬃ᭞ᬧᬓᭂᬩᬸᬭᬾᬗᬮᬶᬓᬮᬶᬓ᭄᭞ᬤᬶᬳᬫ᭄ᬩᬭᬵᬗᭂᬦᬄᬳᬶᬮᬂ᭞ᬓᬮᬶᬳᬸᬢ᭄ᬳᬫ᭄ᬩᬸᬩᬸ᭞ᬫᬗᬸᬗ᭄ᬓᬸᬮᬶᬦ᭄ᬕᬸᬦᬸᬂᬳᬮᬲ᭄᭞ᬢᬸᬃᬲᬕᬭ᭞ᬲ᭄ᬬᬄᬩᬸᬃᬤ᭄ᬥᬦ᭄ᬤᬾᬯᬕᭂᬮᬶ
ᬲ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬓᬳᬶᬦ᭄ᬤ᭄ᬭᬦ᭄᭟᭜᭟ᬧᬸᬄᬕᬶᬦᬦ᭄ᬢᬶᬰ᭄ᬭᬶᬕᬢᬶ᭟᭜᭟ᬢᬶᬫ᭄ᬩᬮᬂᬚᬦᬶᬓᬯᬸᬯᬸᬲ᭄᭞ᬧᬸᬢ᭄ᬭᬶᬫᬦ᭄ᬤᬸᬭᬢ᭄ᬦᬲᭂᬤᬶᬄ᭞ᬧᬸᬢ᭄ᬭᬦ᭄ᬩᬳᬭᬸᬫ᭄ᬤᬾᬯᬦᬾ᭞ᬫᬶᬭᬶᬗᬦ᭄ᬳᬶᬦᬂᬧᬗᬗ᭄ᬲᬸᬄ
᭞ᬕ᭄ᬦᬄᬤᬶᬢᬸᬤᬶᬧᬲᬗ᭄ᬕ᭄ᬭᬦ᭄᭞ᬤᬶᬳᬦ᭄ᬢᬩ᭄ᬭᬢ᭄ᬢᬯ᭄ᬬᬓ᭄ᬢᬶ᭞ᬮᬶᬦ᭄ᬢᬂᬲᬸᬗ᭄ᬲᬸᬢ᭄ᬫᬧᬓᬳ᭄ᬬᬸᬦ᭄᭞ᬳᬶᬦ᭄ᬤ᭄ᬭᬩᬸᬫᬬᬗᬮᬳᬶᬦ᭄᭟ᬤᬶᬧᬫᬺᬫᬦ᭄ᬦᬗᬶᬲ᭄ᬩᭂᬓᬸᬢ᭄᭞ᬲᬶᬕ᭄ᬲᬶᬕᬦ᭄ᬫᬗᬲᬶᬄᬳᬲᬶᬄ᭞ᬮᬯᬸᬢ᭄‌ᬓᬾᬦᬾ
ᬧᬦ᭄ᬤᬸᬮᬫᬾᬦᬾ᭞ᬳᬭᬸᬄᬚᬦᬶᬓᬚᬦᬶᬮᬓᬸ᭞ᬳᬶᬦ᭄ᬤ᭄ᬭᬩᬸᬫᬬᬫᬗᬸᬢᬂ᭞ᬫᬲᬶᬄᬢᬶᬢ᭄ᬬᬂᬚᬦᬶᬤᬶᬦᬶ᭞ᬧᬶᬲᬦ᭄ᬫᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬳᬧᬂᬲᬸᬳᬸᬤ᭄ᬫᬦᬦ᭄ᬤᬗᬶᬦ᭄᭟ᬲᬓᬶᬢ᭄ᬩᬬᬸᬩᬦᬸᬮᬗᬸ

[᭗᭓ 73A]
᭗᭓
ᬦ᭄᭞ᬳᬸᬮᬗᬸᬦᬾᬓᬧᭂᬕᬢᬶᬦ᭄᭞ᬢᭀᬂᬫᬤᬬᬵᬩᭂᬲ᭄ᬓᬓᬾᬦᬾ᭞ᬳᭂᬮᬲ᭄ᬩᭂᬮᬶᬦᬾᬓᬤᬸᬭᬸᬲ᭄᭞ᬗᬸᬢᬂᬢᬶᬢ᭄ᬬᬂᬲᬶᬲᬶᬦ᭄ᬚᬮᬦ᭄᭞ᬓᬬᬸᬦ᭄ᬩᭂᬮᬶᬦᬾᬩᬲ᭄ᬮᬮᬶᬲ᭄᭞ᬩᬲ᭄‌ᬓᬾᬦᬾ
ᬧᬢᬸᬭᬸᬳ᭄ᬮᬸᬄ᭞ᬤᬶᬧᬦᬗ᭄ᬲᬭᬦᬾᬗᭂᬫ᭄ᬧᬶ᭟ᬧᭂᬢᭂᬂᬍᬫᬄᬢ᭄ᬯᬭᬲᬸᬳᬸᬤ᭄᭞ᬢ᭄ᬯᬦ᭄ᬧᬸᬢ᭄ᬭᬶᬫᬗᬦ᭄ᬢᬶᬳᬦ᭄ᬢᬶ᭞ᬳᬶᬦ᭄ᬤ᭄ᬭᬩᬸᬫᬬᬤᬸᬮᬫᬾ᭞ᬧᬗᭂᬫ᭄ᬩᬦᬾᬮᬯᬸᬢ᭄ᬫᬢᬸᬃ᭞ᬮᬶᬮᬬᬂᬭᬢᬸᬮᬶ
ᬮᬬᬂ᭞ᬳᬦ᭄ᬢᭀᬲᬂᬤᬸᬫᬸᬦ᭄ᬳᬶᬭᬶᬓᬶ᭞ᬫᬦᬯᬶᬢᬦ᭄ᬯᬾᬦ᭄ᬢᭂᬦ᭄ᬭᬢᬸ᭞ᬧᬜ᭄ᬯᬾᬘ᭄ᬘᬦ᭄ᬳᬶᬤᬬᬂᬯᬶᬤ᭄ᬥᬶ᭟ᬤᬶᬓᬧᬦ᭄ᬢᬦ᭄ᬯᬾᬦ᭄ᬢᭂᬦ᭄ᬭᬢᬸ᭞ᬲᬂᬳ᭄ᬬᬂᬯᬶᬤ᭄ᬥᬶᬗ᭄ᬬᬂᬗ᭄ᬬᬗᬶᬦ᭄᭞ᬚᭂᬚᭂᬭᬂᬭᬢᬸᬓᬬᬸᬦᬾ
᭞ᬲᬸᬪᬓ᭄ᬢᬶᬦᬾᬫᬗ᭄ᬤᬦᬸᬮᬸᬲ᭄᭞ᬭᬶᬂᬭᬓᬦ᭄ᬘᭀᬓᭀᬃᬳᬶᬤᬾᬯᬵ᭞ᬢᬶᬮᬶᬗᬂᬤᬾᬯᬭᬶᬂᬋᬤ᭄ᬥᬶ᭞ᬓᬾᬢᭀᬩᬦ᭄ᬩᬦ᭄ᬫᬢᬸᬃᬳᬮᬸᬲ᭄᭞ᬳᬶᬦᬂᬧᬗᭂᬫ᭄ᬩᬦᬾᬲᬫᬶ᭟ᬬᬦ᭄ᬳᬓᬸᬤᬂᬤᬶᬦᬲᬫ᭄ᬧᬸ