Kaca:Bali-lontar-gaguritan-lelagambara-300ppi.pdf/59

Saking Wikisource
Kaca puniki sampun kauji-wacén

[᭕᭘ 58B]
᭕᭘
ᬦ᭄᭟ᬦᬾᬚᬦᬶᬲᬸᬩᬫᬫᬃᬕ᭄ᬕ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬓᬤᬶᬜᬭᬚᬚᭀᬳᬦ᭄᭞ᬧᬫᬃᬕ᭄ᬕᬶᬦᬾᬮᬶᬦ᭄ᬢᬂᬕ᭄ᬮᬶᬲ᭄᭞ᬰ᭄ᬭᬷᬫᬳᬭᬚᬰᬓ᭄ᬢᬶ᭞ᬓᬧᬲᬗ᭄ᬕ᭄ᬭᬳᬦ᭄ᬫᬜ᭄ᬚᬸᬚᬸᬃ᭞ᬲᬭᬯᬸᬳᬾᬭᬶᬂᬧᬲᬗ᭄ᬕ᭄ᬭ
ᬳᬦ᭄᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬭᬭᬶᬲ᭄ᬗᬸᬘᬧ᭄ᬭᬶᬂᬭᬚᬳᬶᬦ᭄ᬤ᭄ᬭᬩᬸᬫᬬ᭟ᬦᬾᬚᬦᬶᬲᬸᬩᬜᬶᬤᬬᬂ᭞ᬦᬄᬤᬩ᭄ᬥᬩᬂᬦᬾᬦᬾᬚᬦᬶ᭞ᬦᬾᬚᬦᬶᬚᬮᬦ᭄ᬓᬓᬾᬦ᭄ᬤ᭄ᬭᬦ᭄᭞ᬧᬘᬂᬫᬗ᭄ᬮᬯᬸᬢ᭄ᬫᬩᬸᬜ᭄ᬘᬶᬂ
᭞ᬢ᭄ᬯᬭᬳᬸᬘᬧᬂᬮᬯᬸᬢ᭄ᬯᭂᬗᬶ᭞ᬫᬦᬶᬧᬲᭂᬫᭂᬗᬦ᭄ᬲᬫ᭄ᬧᬸᬦ᭄᭞ᬫᬤᬩ᭄ᬤᬩ᭄ᬧᬘᬂᬫᬫᬃᬕ᭄ᬕ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬫᬓᬤᬶᬜ᭞ᬫᬳᬵᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭟ᬫᬳᬵᬋᬱᬶᬳᬦ᭄ᬢᬓᬸᬰ᭞ᬭᬚ
ᬚᭀᬳᬦ᭄ᬲ᭄ᬬᬄᬧ᭄ᬭᬶ᭞ᬢᬸᬃᬭᬚᬳᬶᬦ᭄ᬤ᭄ᬭᬩᬸᬫᬬ᭞ᬓᬓᬾᬦ᭄ᬤ᭄ᬭᬦ᭄ᬭᬭᬶᬲ᭄ᬫᬗᬸᬗ᭄ᬲᬶ᭞ᬰ᭄ᬭᬶᬫᬳᬭᬚᬰᬓ᭄ᬢᬶ᭞ᬫᬧ᭄ᬮᬶᬗ᭄ᬕᬶᬳᬦ᭄ᬲᬶᬗ᭄ᬳᬫᬓ᭄ᬩᬸᬃ᭞ᬫᬳᬋᬱᬶᬓᬱ᭄ᬡᬘᬶᬦ᭄ᬤ᭄ᬭ᭞ᬫᬧ᭄ᬮᬶᬗ᭄ᬕᬶᬳᬦ᭄ᬭᬣᬫᬡᬶᬓ᭄᭞ᬢᬸᬃᬫᬓᭂ

[᭕᭙ 59A]
᭕᭙
ᬩᬸᬃ᭞ᬫᬶᬯᬄᬋᬱᬶᬳᬦ᭄ᬢᬓᬸᬰ᭟ᬫᬧᬮᬶᬗ᭄ᬕᬶᬳᬦ᭄ᬯᬶᬮ᭄ᬫᬡ᭞ᬧᬓᭂᬩᬸᬭᬾᬗᬮᬶᬓᬮᬶᬓ᭄᭞ᬭᬚᬚᭀᬳᬦ᭄ᬫᬧ᭄ᬮᬶᬗ᭄ᬕᬶᬳᬦ᭄᭞ᬫᬳᬤᬦ᭄ᬚᬭᬦ᭄ᬲᬫ᭄ᬩ᭄ᬭᬡᬶ᭞ᬳᬶᬦ᭄ᬤ᭄ᬭᬩᬸᬫᬬᬫᬓᬤᬶ᭞ᬫᬧ᭄ᬮᬶᬗ᭄ᬕᬶ
ᬳᬦᬾᬓᬯᬸᬯᬸᬲ᭄᭞ᬕᬚᬄᬧᬸᬢᬶᬄᬮᬶᬦ᭄ᬢᬂᬩᬶᬦᬮ᭄᭞ᬧᬫᬃᬕ᭄ᬕᬶᬦᬾᬲᬤᬵᬕ᭄ᬮᬶᬲ᭄᭞ᬳᬩ᭄ᬭᬶᬬᬸᬓᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬓᬾᬦ᭄ᬤ᭄ᬭᬦ᭄᭟ᬲᬭᬯᬸᬳᬾᬫᬭᬶᬂᬓᬾᬦ᭄ᬤ᭄ᬭᬦ᭄᭞ᬭᬫᬾᬦᬾᬢᬦ᭄ᬲᬶᬧᬶᬲᬶᬧᬶ
᭞ᬳᭂᬕᭀᬂᬦᬩᬸᬄᬫᬲ᭄ᬮᬶᬬᬸᬭᬦ᭄᭞ᬢᬫ᭄ᬩᬸᬭᬾᬗ᭄ᬭᬸᬤᬸᬕ᭄ᬫᬫᬸᬜᬶ᭞ᬤᬸᬮᬸᬭᬶᬦ᭄ᬩᬦ᭄‌ᬫᬸᬜᬶᬦ᭄ᬩᭂᬤᬶᬮ᭄᭞ᬫᬫᬲᬾᬫᬩᬜ᭄ᬚᬄᬲᬫ᭄ᬧᬸᬦ᭄᭞ᬩᬦ᭄ᬤᬾᬭᬫᬧᬦ᭄ᬢᬧᬦ᭄ᬢ᭞ᬓᬳᬫᭀᬂᬩᬦ᭄ᬧᬭᬳᬮᬶᬢ᭄᭞ᬳᭂᬕᭀᬂ
ᬓᭂᬩ᭄ᬬᬃ᭞ᬢᬸᬃᬲ᭄ᬫᬭᬧᬕᬸᬮᬶᬗᬦ᭄᭟ᬫᬳᬵᬭᬚᬧᬸᬱ᭄ᬧᬳᬶᬦ᭄ᬤ᭄ᬭ᭞ᬭᬶᬂᬩᬜ᭄ᬘᬶᬗᬄᬲᬫ᭄ᬧᬸᬦ᭄‌ᬫ᭄ᬮᬶᬗ᭄ᬕᬶᬄ᭞ᬓᬢᬗ᭄ᬓᬶᬮ᭄ᬩᬦ᭄ᬩᬯᬸᬤᬡ᭄ᬥ᭞ᬫᬧᬶᬬᬓᬦ᭄ᬢᭂᬤᬸᬦ᭄ᬲᬫᬶ᭞ᬰ᭄ᬭᬶᬫᬳᬵᬭᬚᬰᬓ᭄ᬢᬶ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬮᬸᬗ᭄ᬕᬸᬄ