[᭑᭖᭑ 161B]
᭑᭖᭑
᭞ᬚᬶᬫ᭄ᬳᬮᬲ᭄ᬫᬮᬶᬄᬫᬗᬧ᭄ᬮᬸᬕ᭄᭟᭑᭑᭟ᬫᬕ᭄ᬮᭂᬤᬸᬕ᭄ᬕᬶᬤᬢ᭄ᬜᬦᬾᬧᬸᬦ᭄ᬚᬶᬫ᭄᭞ᬯᬯᬸᬫ᭄ᬭᬲᬓᬢᭀᬲ᭄᭞ᬤᬶᬢᬸᬫᬓᬶᬭᬓᬶᬭᬤ᭄ᬬᬵᬢᬶᬦᬾ᭞ᬧᭂᬧᭂᬓ᭄ᬓᬧᭂᬘᬶᬓ᭄ᬧᭂᬘᬶᬓ᭄ᬲᬫᬶ᭞ᬯᬳᬸᬓᬳᬸᬦᬶᬗᬶᬦ᭄᭞ᬮᬮᬶᬗ᭄ᬲᬾᬦ᭄ᬧᬭᬲ᭄ᬧᬸᬦᬶᬓᬸ᭟᭑᭒
᭟ᬭᬭᬶᬲ᭄ᬓᬕ᭄ᬮᬸᬢ᭄ᬢᭀᬕᭀᬕᬾᬧᬗ᭄ᬮᬶᬗᬶᬦ᭄᭞ᬤᬸᬄᬤᬾᬯᬲᬂᬳᬦᭀᬫ᭄᭞ᬲᬧᬸᬦᬧᬶᬤᬾᬯᬓ᭄ᬭᬡᬦᬾ᭞ᬓ᭄ᬯᬾᬄᬲᬲᬵᬫ᭄ᬩᬢ᭄ᬳᬶᬚᬶᬫ᭄ᬯᭂᬕᬶᬕ᭄᭞ᬢᬦ᭄ᬫᬭᬶᬫᬦᬗᬶᬲ᭄᭞ᬳᬸᬢᬸᬲᬦᬾᬫᬗ᭄ᬓᬶᬦ᭄ᬭᬯᬸᬄ᭟᭑᭓᭟ᬗᭂᬦ᭄ᬤᬸᬲ᭄ᬳᬫ᭄ᬩᬸ᭞ᬤᬦᬾᬓ᭄ᬫᬫᬳᬶ᭞ᬫᬦᬹ
ᬢ᭄ᬳᬗᬶᬦ᭄ᬳᬮᭀᬦ᭄᭞ᬫ᭄ᬲᬢ᭄ᬫᬶᬩᭂᬃᬫᬭᬶᬂᬳᬫ᭄ᬩᬭᬦᬾ᭞ᬳᬸᬢᬸᬲᬦᬾᬢᬦ᭄ᬫᬭᬶᬗᬮᬶᬂᬮᬶᬂ᭞ᬓᬤᬶᬧᬓ᭄ᬱᬶᬓᬓ᭄ᬮᬶᬓ᭄᭞ᬦᬸᬮ᭄ᬬ᭠ᬳᬦᬓᬂᬓᬤᬸᬮᬸ᭟᭑᭔᭟ᬢᬸᬮᬓᬾᬧᬂᬧᬢᬶᬄᬮᬗᬸᬧᬸᬭᬶ᭞ᬲᬵᬫ᭄ᬧᬸᬦ᭄ᬤᬦᬾᬗ᭄ᬢᭀᬦ᭄᭞ᬲᬧᬭᬶᬧᭀᬮᬄᬩᭀᬜ᭄ᬚᭀᬃᬜ
ᬦ᭄ᬢᬸᬗᬾ᭞ᬲᬓᬶᬂᬳᬫ᭄ᬩᬭᬯᬸᬲ᭄ᬳᬯᬵᬲ᭄ᬓᬮᬶᬂᬮᬶᬂ᭞ᬓᬘᬶᬗᬓ᭄ᬲᬂᬤᬾᬯᬶ᭞ᬳᬓᬭᭀᬦᬦ᭄ᬭᬶᬂᬯᭀᬂᬚᬮᬸ᭟᭑᭕᭟ᬭᬭᬶᬲ᭄ᬢᭂᬤᬸᬦ᭄ᬤᬦᬾᬫᬜᬕ᭄ᬚᬕᬶᬦ᭄᭞ᬲᬵᬫ᭄ᬧᬸᬦ᭄ᬳᬦᬭᬶᬂᬲᭀᬃ᭞ᬲᬳᬲᬤᬦᬾᬫᬗᬺᬩᬸᬢᬺᬓᬾ᭞ᬚᬶᬫ᭄ᬳᬮᬲ᭄ᬓᬲᬾᬧᬓ᭄ᬲᬓᬶᬳᬸ᭠
[᭑᭖᭒ 162A]
᭑᭖᭒
ᬭᬶ᭞ᬢᬗ᭄ᬓᭂᬚᬸᬢ᭄ᬫᬦᭀᬮᬶᬄ᭞ᬧᬭᬶᬓᭀᬱᬭᬭᬶᬲ᭄ᬗᭂᬧᬸᬂ᭟᭑᭖᭟ᬳᬶᬧᬸᬦ᭄ᬳᬶᬚᬶᬫ᭄᭞ᬢᬦ᭄ᬫᬭᬶᬫᬗᬸᬗ᭄ᬲᬶ᭞ᬢᬭᬸᬦᬾᬗᬭᭀᬧᭀᬤ᭄᭞ᬦᬾᬓᬢᭂᬫ᭄ᬧᬸᬄᬭᬶᬂᬢ᭄ᬗᬄᬓᬦᬦᬦᬾ᭞ᬢᬸᬮᬓᬾᬧᬂᬧᬢᬶᬄᬫᬦᬂᬢᬗᬶᬦ᭄᭞ᬲᬮᬄᬩᬵᬳ᭄ᬫᬲᬶᬦ᭄᭞ᬜᭀ
ᬮᭀᬂᬕᬃᬯ᭄ᬯᬦᬾᬲᬂᬧ᭄ᬭᬪᬸ᭟᭑᭗᭟ᬚᬶᬫ᭄ᬧᬾᬢᬦ᭄ᬫ᭄ᬦᭂᬂᬫᬗ᭄ᬢᬸᬢ᭄ᬩᬸᬭᬶ᭞ᬦᬾᬢ᭄ᬭᬩᬂᬫᬜ᭄ᬭᭀᬢᭀ᭞ᬕ᭄ᬮᬶᬲ᭄ᬓᬢᬸᬢᬸᬢᬦ᭄ᬳᬶᬧᬵᬢᬶᬄᬫᬗ᭄ᬓᬾ᭞ᬫᬕᬸᬮᬸᬗᬦ᭄ᬬᬸᬤ᭄ᬥᬦᬾᬲᬂᬓᬮᬶᬄ᭞ᬫᬕᬸᬮᬸᬗᬦ᭄ᬬᬸᬥᬦᬾᬲᬂᬓᬮᬶᬄ᭞ᬫᬕᬸᬍᬢ᭄ᬫᬧᬦ᭄ᬢᬶᬂ᭞ᬲᬮᬶᬂᬳᬸᬗ᭄ᬲᬶᬧᬸᬦ᭄
ᬫᬕᬸᬢ᭄ᬕᬸᬢ᭄᭟᭑᭘᭟ᬲᬫᬶᬓᬸᬓᬸᬄᬫᬦᬳᬦᬂᬲᬓᬶᬢ᭄᭞ᬫᬬᬸᬤ᭄ᬥᬲᬮᬶᬂᬳᭀᬭᭀᬲ᭄᭞ᬩᬸᬭᭀᬦ᭄ᬳᬮᬲ᭄ᬓᬮᬶᬦ᭄ᬢᬂᬚ᭄ᬭᬶᬳᬾ᭞ᬢ᭄ᬮᬲ᭄ᬫᬮᬬᬸᬧᬢᬶᬧᬸᬭᬸᬕᬶᬦ᭄᭞ᬳᬦᬾᬂᬯᬦᬕᬶᬭᬶ᭞ᬳᬮᬲ᭄ᬓᬦᬦᬢ᭄ᬮᬲ᭄ᬭᬸᬩᬸᬄ᭟᭑᭙᭟ᬢᬦᬸᬘᬧᬦ᭄ᬮᬫᬶᬦᬾᬳ
ᬚᬸᬭᬶᬢ᭄᭞ᬦᭀᬭᬵᬦᬓᬲᭀᬃ᭞ᬓᭀᬘᬧ᭄ᬭᬤᬾᬦ᭄ᬫᬦ᭄ᬢ᭄ᬭᬶᬦᬾᬫᬗ᭄ᬓᬾ᭞ᬳᬦᬭᬶᬂᬧᬢᬧᬦ᭄ᬥᬸᬓᬸᬄᬰᬓ᭄ᬢᬶ᭞ᬫ᭄ᬯᬂᬧᬋᬓᬦ᭄ᬲᬫᬶ᭞ᬦᬭᬶᬂᬘᬶᬢ᭄ᬭᬓᬸᬝᬕᬸᬦᬸᬂ᭟᭒᭐᭟ᬲ᭄ᬫᭂᬂᬯᬳᬸ᭞ᬫᬶᬚᬶᬮ᭄ᬲᬂᬳ᭄ᬬᬂᬭᬯᬶ᭞ᬯᬢᭂᬓᬶᬂᬫᬳᭂᬗ᭄ᬕᭀᬦ᭄᭞ᬫᬭᬶᬂᬧᭀᬦ᭄ᬤᭀᬓ᭄ᬥᬸᬓᬸᬄᬰ
