Kaca:Bali-lontar-gaguritan-kusumarasa-300ppi.pdf/149

Saking Wikisource
Kaca puniki sampun kauji-wacén

[᭑᭔᭘ 148B]
᭑᭔᭘
ᬫᬗ᭄ᬤᬢᬦ᭄‌‌ᬚ᭄ᬭᭀᬦᬾᬓᬲᬾᬫ᭄ᬧᭀᬢ᭄᭟᭖᭟ᬧᬜ᭄ᬚ᭄ᬭᭀᬯᬦ᭄ᬤᬤᬶᬮᬸᬘᬸ᭞ᬳᬶᬗ᭄ᬕᬶᬄᬗᬶᬭᬶᬂᬢᬶᬢ᭄ᬬᬂᬦᭀᬭᬧᬸᬭᬸᬦ᭄᭞ᬫᬫᬃᬕ᭄ᬕᬶᬳᬶᬩᬮ᭄ᬬᬦ᭄‌‌ᬗ᭄ᬭᬜ᭄ᬚᬶᬂᬭᬶᬂᬧᬸᬭᬶ᭞ᬢᬦ᭄ᬲᬸᬫ᭄ᬮᬂᬭᬶᬂᬳᬸᬚᬃᬳᬶᬧᬸᬦ᭄᭞ᬮᬫ᭄ᬧᬄᬜᬦᬾᬤᬩ᭄ᬥᬩ᭄ᬳᬮᭀᬦ᭄᭟᭗᭟ᬓᭀᬘᬧ᭄ᬫ
ᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬳᬕ᭄ᬮᬶᬲ᭄ᬭᬯᬸᬄᬭᬶᬂᬢᬫᬦ᭄ᬲᬂᬧ᭄ᬭᬪᬹ᭞ᬩᬶᬩᬶᬳᬶᬜᬫᬗ᭄ᬯᬓᬲᬂᬭᬶᬂᬢ᭄ᬯᬦ᭄ᬤᬾᬯᬶ᭞ᬲᬶᬗ᭄ᬕᬶᬄᬤᬾᬯᬤᬸᬄᬲᬂᬳᬬᬸ᭟ᬯᬾᬦ᭄ᬢᭂᬦ᭄ᬩᬮ᭄ᬬᬦ᭄ᬮᬶᬦ᭄ᬢᬂᬓᬯᭀᬢ᭄᭟᭘᭟ᬦᭀᬭᬮ᭄ᬬᬦ᭄ᬭᬓᬦ᭄ᬭᬢᬸ᭞ᬰ᭄ᬭᬷᬥᬦᬸᬚᬳᬕᬸᬂᬲᬦᬾᬳᬲᬸᬂ᭞ᬫᬦᬸᬤᬸᬳᬂ
ᬤᬦᬾᬥᬸᬓᬸᬦ᭄ᬫᬦᬫ᭄ᬩᬦᬶᬦ᭄᭞ᬲᬂᬤᬾᬯᬶᬭᬭᬶᬲ᭄ᬫᬯᬸᬗᬸ᭞ᬦᬩ᭄ᬤᬫᬦᬶᬲ᭄ᬲᬃᬯ᭄ᬯᬶᬳᬮᭀᬦ᭄᭟᭙᭟ᬩᬶᬩᬶᬳᬶᬜᬮᬶᬦ᭄ᬢᬂᬳᬲᬸᬂ᭞ᬫᬦᬫ᭄ᬩᬦᬶᬦ᭄ᬫᬭᬶᬂᬲᬸᬗ᭄ᬓᬦ᭄ᬦᬶᬗ᭄ᬲᬸᬦ᭄᭞ᬲᬓᬶᬂᬦᬧᬶᬤᬥᬸᬓᬸᬦᬾᬫᬦ᭄ᬤᬶ᭞ᬧᬸᬦ᭄ᬩᬬᬦ᭄ᬫᬦᬶᬫ᭄ᬩᬮ᭄ᬫᬵᬢᬹᬃ᭞ᬓᭀᬘᬧ᭄ᬲᬓᬶᬂ
ᬮᬾᬱᬦ᭄ᬧᬸᬭ᭟᭑᭐᭟ᬦᬄᬩᬬᬦ᭄ᬓᭂᬫᬧᭂᬲᬸ᭞ᬳᬚᬓ᭄ᬫᬳᬶᬳᬶᬥᬸᬓᬸᬦ᭄ᬧᬸᬦᬶᬓᬸ᭞ᬓᬾᬦ᭄ᬩᬬᬦ᭄ᬳᬦᭂᬫ᭄ᬩᬄ᭞ᬧᬫᬶᬢ᭄‌‌ᬭᬭᬶᬲ᭄ᬫᬶᬚᬶᬮ᭄᭞ᬭᬯᬸᬄᬫᬭᬶᬂᬤᬥᬸᬓᬸᬦ᭄᭞ᬭᬯᬸᬄᬯᬸᬲ᭄ᬧᬸᬧᬸᬢ᭄‌‌ᬩᬩᬯᭀᬲ᭄᭟᭑᭑᭟ᬦᭀᬭᬵᬦᬲ᭄ᬯᬾᬕ᭄ᬮᬶᬲ᭄ᬭᬯᬸᬄ᭞

[᭑᭔᭙ 149A]
᭑᭔᭙
ᬦᬭᬶᬂᬳᬸᬫᬄᬢᬫᬦ᭄ᬫᬗᬸᬗ᭄ᬕᬸᬮ᭄᭞ᬤᬦᬾᬥᬸᬓᬸᬦ᭄ᬫᬗ᭄ᬭᬜ᭄ᬚᬶᬂ᭞ᬫᬭᬶᬂᬚ᭄ᬭᭀᬧᬸᬭᬶ᭞ᬫᬗ᭄ᬮᬸᬂᬳᬗ᭄ᬕᬭᬭᬶᬲ᭄ᬫᬵᬢᬹᬃ᭞ᬤ᭄ᬬᬄᬉᬤ᭄ᬬᬢ᭄ᬫᬶᬓᬯᬸᬲ᭄ᬓᬢᭀᬦ᭄᭟᭑᭒᭟ᬭᬵᬤᬾᬦ᭄ᬤᬾᬯᬶᬕ᭄ᬮᬶᬲ᭄ᬫᬯᬸᬯᬸᬲ᭄᭞ᬇᬘᬫᬾᬫᬾᬦᬫ᭄ᬩᬦᬶᬦ᭄ᬳᬶᬗ᭄ᬲᬸᬦ᭄᭞ᬯᬵᬲ᭄ᬧᬥᬲᬵᬫ᭄ᬧᬸᬦ᭄ᬭᬳᬤᬾᬦ᭄ᬤᬾᬯᬶ
᭞ᬲᬶᬭᬮᬓᬶᬲᬵᬫ᭄ᬧᬸᬦ᭄ᬭᬯᬸᬄ᭞ᬤ᭄ᬯᬦᬶᬂᬲᬫᬶᬲᬶᬦᬄᬓᬢᭀᬦ᭄᭟᭑᭓᭟ᬫᬕᬶᬭᬂᬚ᭄ᬭᭀᬦᬶᬂᬓᬮ᭄ᬪᬸ᭞ᬲᬂᬰ᭄ᬯᬫᬶᬫᬭᬶᬂᬳᬗᭂᬦ᭄ᬲᬵᬫ᭄ᬧᬸᬦᬯ᭄ᬭᬸᬄ᭞ᬫ᭄ᬢᬸᬉᬧᬬᬦᬾᬦᬸᬤᬸᬄᬦᬦᬾᬫᬗ᭄ᬓᬶᬦ᭄᭞ᬭᬶᬂᬧᬭᬳᬶᬜᬦ᭄ᬳᬶᬧᬸᬦ᭄᭞ᬋᬋᬳᬂᬢᬶᬢ᭄ᬬᬂᬩᬸᬦ᭄ᬓᬮᭀᬢ᭄᭟᭑᭔᭟᭠
ᬦᬶᬓᬢᬫ᭄ᬩᬦᬾᬧᬵᬢᬹᬢ᭄᭞ᬳᬗ᭄ᬕᬾᬦ᭄ᬳᬸᬭᬧ᭄ᬲᭂᬫ᭄ᬩᬃᬫᬶᬯᬄᬚᬫᬸ᭞ᬦᬶᬧᬜ᭄ᬚ᭄ᬭᭀᬯᬦ᭄ᬲᬫᬶᬋᬓᬾᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬫᬗᬺᬋᬄᬢᬫ᭄ᬩᬧᬸᬦᬶᬓᬸ᭞ᬲᬂᬓᬮᬶᬄᬲ᭄ᬮᬫᬩᬯᭀᬲ᭄᭟᭑᭕᭟ᬯᬶᬢ᭄ᬲᬗ᭄ᬲᬭᬦᬾᬥᬗᬹ᭞ᬓᬳᬸᬚᬗᬂᬓᬩᬾᬄᬲᬫ᭄ᬧᬾᬓ᭄ᬢᬸᬃ᭞ᬢ᭠
ᬦ᭄ᬧᬸᬢᬸᬲ᭄‌‌ᬰ᭄ᬭᬸᬧᬢᬦᬾᬧᬥᬫᬶᬚᬶᬮ᭄᭞ᬧᬜ᭄ᬚ᭄ᬭᭀᬯᬦᬾᬫᬗ᭄ᬓᬶᬦ᭄ᬭᬯᬸᬄ᭞ᬲᬂᬓᬮᬶᬄᬜᬤ᭄ᬲᬤᬶᬦ᭄ᬧᬦᭀᬦ᭄᭟᭑᭖᭟ᬢᬫ᭄ᬩᬦᬾᬲᬵᬫ᭄ᬧᬸᬦ᭄ᬓᬵᬢᬹᬃ᭞ᬓᬢᬗ᭄ᬕᬧ᭄ᬢᬫ᭄ᬩᬦᬾᬭᬶᬂᬚ᭄ᬭᭀᬥᬸᬓᬸᬦ᭄᭞ᬓᬢᬶᬩᬓᬂᬭᬶᬂᬳᬶᬤᬭᬤᬾᬦ᭄ᬤᬾᬯᬶ᭞ᬲᬂᬳᬬᬸᬭᬭᬶᬲ᭄ᬫ