Kaca:Bali-lontar-gaguritan-kusumarasa-300ppi.pdf/142

[᭑᭔᭑ 141B]
᭑᭔᭑
ᬦ᭄᭞ᬦᭂᬫ᭄ᬧᬸᬄᬚᬕᬢ᭄‌‌ᬧᬸᬱ᭄ᬧᬲᬵᬭᬷ᭞ᬧᬸᬭᬶᬦ᭄ᬦᬶᬤ᭄ᬬᬄᬉᬤ᭄ᬬᬵᬢ᭄ᬫᬶᬓ᭞ᬯᬿᬧᬸᬦᬶᬓᬗᬫᬺᬢ᭄ᬢᬦᬶᬦ᭄᭟᭑᭙᭟ᬓᬧᬶᬂᬢᬶᬕᬵᬗ᭄ᬕᬶᬄᬧᬸᬓᬸᬮᬸᬦ᭄᭞ᬭᬶᬂᬥᬓ᭄ᬱᬶᬡᬦᬾᬫᬗ᭄ᬓᬶᬦ᭄᭞ᬳ᭄ᬬᬂᬩ᭄ᬭᬳ᭄ᬫᬵᬧᬸᬦᬶᬓᬗᬭᬦ᭄᭞ᬭᬡᬸᬢᬸᬜ᭄ᬚᬸᬂᬳᬩᬂᬲᬫᬶ᭞ᬲᬯᬃᬡ᭄ᬦᬦ᭄ᬓᬶᬥᬸ
ᬮᬾᬭᬓ᭄ᬝ᭞ᬦᭀᬭᬲᬦᬾᬄᬫᬓᬲᬫᬶ᭟᭒᭐᭟ᬯᬮᬳᬃᬳᬕᬸᬂᬫᬗ᭄ᬭᬸᬤᬸᬓ᭄᭞ᬓᬮᬶᬩ᭄ᬭᬦ᭄ᬢᬲ᭄ᬳᬶᬓᬸᬦᬫᬶ᭞ᬓᬮᬶᬮᬸᬗ᭄ᬓᬵᬫᬳᭀᬍᬓᬦ᭄᭞ᬗᭂᬫ᭄ᬩᬳᬶᬦ᭄ᬮᬗᬸᬦᬵᬕᬭᬶ᭞ᬕ᭄ᬦᬄᬭᬶᬧᬹᬦᬾᬲᬂᬦᬵᬣ᭞ᬓᬜ᭄ᬘᬦ᭄‌‌ᬬᬓ᭄ᬱᬓᬫᬺᬢ᭄ᬢᬦᬶᬦ᭄᭟᭒᭑᭟ᬫᬭᬶᬂᬦᬭᬶ
ᬣᬶᬓᬧᬶᬂᬘᬢᬸᬃ᭞ᬓᬸᬭᬡ᭄ᬝᬭᬹᬧᬦᬾᬲᬫᬶ᭞ᬳ᭄ᬬᬂᬭᬸᬤ᭄ᬭᬤᬾᬯᬢᬦᬶᬓ᭞ᬢ᭄ᬮᬕᬢᬸᬜ᭄ᬚᬸᬂᬢᬍᬃᬲᬫᬶ᭞ᬯᬯᭂᬗ᭄ᬓᬦ᭄ᬮᬸᬤ᭄ᬭᬵᬩ᭄ᬯᬦ᭞ᬦᭀᬭᬪᬾᬤᬫᬓᬲᬫᬶ᭟᭒᭒᭟ᬢᬸᬓᬤ᭄ᬫᬓᬶᬭᬶᬲ᭄ᬧᬸᬦᬶᬓᬸ᭞ᬗᬭᬦ᭄ᬜᬦᬾᬫᬦ᭄ᬤᬓᬶᬦᬶ᭞ᬢᭀᬬᬦ᭄ᬜᬦᬾ
ᬤᬳᬢ᭄ᬦᬶᬃᬫ᭄ᬫᬮ᭞ᬗᭂᬫ᭄ᬩᬳᬶᬦ᭄ᬧᬸᬮᭀᬫᬜᭂᬢᬶ᭞ᬗᬫᭂᬃᬢ᭄ᬢᬦᬶᬦ᭄‌ᬮ᭄ᬯᬶᬃᬫᬗ᭄ᬓ᭄ᬬᬦ᭄᭞ᬯᬯᭂᬗ᭄ᬓᬦ᭄ᬧᬸᬦᬶᬓᬲᬫᬶ᭟᭒᭓᭟ᬧᬶᬂᬧᬜ᭄ᬘᬧᬰ᭄ᬘᬶᬫᬇᬓᬸ᭞ᬧᬷᬝᬭᬹᬧᬦ᭄ᬜᬦᬾᬲᬫᬶ᭞ᬫᬳᬤᬾᬯᬤᬾᬯᬢᬦᬶᬓ᭞ᬢᬸᬜ᭄ᬚᬸᬂᬉᬤ᭄ᬬᬦᬦᬾᬓᬸᬦᬶᬂ᭞

[᭑᭔᭒ 142A]
᭑᭔᭒
ᬦᭀᬭᬳᬦᬫᬲᬦᬾᬳᬦ᭄᭞ᬲᬯᬃᬡ᭄ᬦᬓᬯᬸᬳᬾᬲᬫᬶ᭟᭒᭔᭟ᬧᭂᬫ᭄ᬩᬳᬶᬂᬯᬿᬘᭂᬩᬸᬃᬘᭂᬩᬸᬃ᭞ᬗᬭᬦ᭄ᬢᬸᬓᬤ᭄ᬲᬸᬭᬦᬥᬶ᭞ᬲᬸᬮᬸᬓ᭄ᬫᬤᬍᬫ᭄‌‌ᬢᬦ᭄ᬢᭂᬮᬕ᭄᭞ᬦᬶᬓᬲᬦᬾᬫᬗᭂᬫ᭄ᬩᬳᬶᬦ᭄᭞ᬢᬶᬩᬵᬓᬦᬸᬱᬓᬫ᭄ᬩᬗᬦ᭄᭞ᬓᬓᬸᬯᬸᬩ᭄ᬦᬾᬓᬫᬺ
ᬢᬦᬶᬦ᭄᭟᭒᭕᭟ᬓᬧᬶᬂᬱᬤ᭄ᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬦᬭᬶᬂᬯᬬᬩ᭄ᬬᬩᬯᭀᬲᬶᬦ᭄᭞ᬰᬗ᭄ᬓᬭᬤᬾᬯᬢᬦ᭄ᬜᬵ᭞ᬚᬶᬗ᭄ᬕᬭᬹᬧᬦᬾᬲᬸᬚᬵᬢᬶ᭞ᬓᬸᬫᬸᬥᬦᬶᬂᬢᬫᬦ᭄ᬚᬶᬗ᭄ᬕ᭞ᬤᬕᬶᬂᬓ᭄ᬮᭀᬤ᭄ᬓᬯᬸᬳᬾᬲᬫᬶ᭟᭒᭖᭟ᬯᬾᬢᬫ᭄ᬧᬓᬶᬸᬢᬸᬓᬤ᭄ᬳᬶᬧᬸᬦ᭄᭞ᬲᬸᬮᬸ
ᬓ᭄ᬳᭂᬫ᭄ᬩᬄᬜᬦᬾᬲᬳᬶ᭞ᬢᬶᬩᬵᬓᬓᬳᬯᬸᬦ᭄ᬦᬕᬭ᭞ᬧᬸᬭᬶᬦ᭄ᬳᬶᬤᬰ᭄ᬭᬷᬦᬵᬃᬧᬢᬶ᭞ᬓᬂᬲᬵᬫ᭄ᬧᬸᬦ᭄ᬗᭂᬫᬲᬶᬦ᭄ᬧᭂᬚᬄ᭞ᬢᭀᬬᬳᬶ᭠ᬓᬗᬫᬺᬢ᭄ᬢᬦᬶᬦ᭄᭟᭒᭗᭟ᬓᬧᬶᬂᬲᬧ᭄ᬢᬦᬾᬓᬳᬶᬢᬸᬂ᭞ᬭᬶᬂᬳᬸᬢᬭᬤᬾᬰᬫᬮᬶᬄ᭞ᬳ᭄ᬬᬂᬯᬶᬱ᭄ᬡᬸᬫᬓᬤᬾᬯᬢ᭞ᬳᬶᬋᬂ᭠
ᬯᬃᬡ᭄ᬦᬦᬾᬲᬸᬚᬵᬢᬶ᭞ᬲᬤᬕᬶᬂᬓ᭄ᬮᭀᬤ᭄ᬧᬸᬦᬶᬓ᭞ᬢ᭄ᬮᬕᬢᬸᬜ᭄ᬚᬸᬂᬳᬶᬋᬂᬲᬫᬶ᭟᭒᭘᭟ᬯᬾᬦ᭄ᬢᭂᬦ᭄ᬢᬸᬓᬤ᭄ᬦᬶᬂᬫᬦ᭄ᬭᬸᬲ᭄᭞ᬢᭀᬬᬦ᭄ᬜᬦᬾᬮᬶᬦ᭄ᬢᬂᬰᬸᬘᬷ᭞ᬯᬿᬚᬳ᭄ᬦᬯᬶᬫᬓᬦᬵᬫ᭞ᬦᭂᬫ᭄ᬧᬸᬄᬓᬸᬝᬮᬾᬱᬦ᭄ᬧᬸᬭᬶ᭞ᬭᬚ᭄ᬬᬦ᭄ᬲᬶᬭᬫᬳᬵᬭᬚ