Kaca:Bali-lontar-gaguritan-kusumarasa-300ppi.pdf/12

[᭑᭑ 11B]
᭑᭑
ᬚᬦᬶ᭞ᬯᬲ᭄ᬢᬸᬦᭂᬫᬸᬲᬸᬓᬤᬸᬄᬓ᭟᭒᭕᭟ᬳᬧᬂᬲᬢᬢᬫᬶᬬᭂᬕᬦ᭄᭞ᬲᬫ᭄ᬧᬾᬢ᭄ᬓᬦᬶᬂᬤᬸᬫᬥᬶ᭞ᬚ᭄ᬮᬾᬫ᭄ᬮᬄᬳᬧᬂᬳᬯᭀᬃ᭞ᬳᬮᬶᬄᬚᬦᬶᬳᬧᬂᬢᭂᬧᬸᬓ᭄᭞ᬬᬦ᭄‌‌ᬢ᭄ᬯᬭᬬᬧᬘᬂᬩᬓᬢ᭄᭞ᬳᭂᬤᬵᬫᬸᬮᬶᬄ᭞ᬬ
ᬦ᭄ᬮᭂᬚᭂᬄᬫᬦ᭄ᬫᬸᬳᬮ᭟᭒᭖᭟ᬚᬳᬾᬘ᭄ᬓᬸᬄᬳᬶᬫᬂᬋᬗᬲ᭄᭞ᬳᬚ᭄ᬭᬶᬄᬜᬦᬾᬢᬶᬤᭀᬂᬕᬶᬕᬶᬲ᭄᭞ᬓᬾᬲᬄᬭᬶᬂᬦᬵᬕᬭᬏᬡ᭄ᬥᭀᬂ᭞ᬫᬗᬺᬋᬄᬓᬮᬧᬸᬮᬧᬸ᭞ᬫᬾᬦ᭄ᬚᬳᬾᬦᬭᬶᬂᬳᬸᬫᬄᬜ᭞ᬲᭂᬤᬶᬄᬓᬶᬂᬓᬶᬂ᭞ᬭᬶᬂᬧ᭄ᬬ
ᬦᬓᬾᬲᬫᬶᬳᬶᬘᬮ᭄᭟᭒᭗᭟ᬓᬲ᭄ᬯᬾᬦ᭄ᬲᬵᬫ᭄ᬧᬸᬦ᭄ᬓᬮᬶᬄᬳᬸᬮᬦ᭄᭞ᬧᬦᬓ᭄ᬜᬦᬾᬦᭀᬭᬫᬸᬮᬶᬄ᭞ᬭᬭᬶᬲ᭄ᬗᭂᬮᬶᬂᬤᭀᬳᭀᬤᭀᬳᭀ᭞ᬚᬳᬾᬘᭂᬓᬸᬄᬝᬲᬶᬓ᭄ᬳᬬᬸ᭞ᬮᬲ᭄ᬤᬾᬯᬭᬶᬂᬫᬾᬫᬾᬢ᭄ᬯ᭞ᬧᭂᬤᬲ᭄ᬫ
ᬢᬶ᭞ᬫᬢᬶᬓᬫ᭄ᬩᬂᬲᬶᬂᬚᬮᬦᬦ᭄᭟᭐᭚ᬧᬸᬄᬓᬸᬫᬫ᭄ᬩᬂ᭚᭑᭟ᬳᬸᬤᬸᬄᬤᬾᬯ᭞ᬤᭀᬂᬘᬶᬗᬓ᭄‌‌‌ᬚ᭄ᬯᬢᬶᬢ᭄ᬬᬂᬲᭂᬤᬶᬄ᭞ᬢᬦ᭄ᬲᬄᬦᬦ᭄ᬤᬂᬮᬭ᭞ᬫᬗᬧᬾᬧ᭄ᬬᬦᬓᬾᬲᬫᬶ᭞ᬲ᭄ᬥᬶᬄᬓᬗᭂᬦ᭄ᬧᬤᬶ

[᭑᭒ 12A]
᭑᭒
ᬤᬶᬬᬦ᭄᭟᭒᭟ᬕ᭄ᬮᬃᬕ᭄ᬮᬸᬃ᭞ᬫᬗᬲ᭄ᬢᬯᬲᬂᬳ᭄ᬬᬂᬯᬶᬥᬶ᭞ᬩᬲ᭄ᬓᬤᬸᬭᬸᬲ᭄ᬧᬶᬲᬦ᭄᭞ᬳᬶᬭᬢᬸᬫᬫᬶᬕᭂᬡ᭄ᬥᬦᬶᬦ᭄᭞ᬫᬗ᭄ᬤᬳᬸᬲᬦ᭄‌‌ᬓᬲᬓᬶᬢᬦ᭄᭟᭓᭟ᬤᬸᬭᬸᬲ᭄ᬚᬩᬸᬤ᭄᭞ᬚᬷᬯᬦ᭄ᬢᬶᬢ᭄ᬬᬂᬭᬢᬸᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫ
ᬗᬢᬹᬭᬂ᭞ᬭᬶᬂᬭᬢᬸᬦᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬯᬸᬲᬦ᭄ᬓᬲᬓᬶᬢᬦ᭄᭟᭔᭟ᬬᬾᬦᬶᬂᬤᬶᬚ᭞ᬧ᭄ᬬᬦᬓ᭄ᬢᬶᬢ᭄ᬬᬂᬦᬾᬦᬾᬫᬗ᭄ᬓᬶᬦ᭄᭞ᬓᬧᭀᬲᬭᬧ᭄ᬫᬘᬦ᭄᭞ᬭᬸᬦ᭄ᬢᬸᬄᬫᬭᬶᬂᬚᬸᬭᬂᬢᬺᬩᬶᬲ᭄᭞ᬢᬦ᭄ᬯᬾᬦ᭄ᬢᭂᬦ᭄‌‌ᬢᬶᬢ᭄ᬬᬂ
ᬳᬸᬦᬶᬗ᭟᭕᭟ᬳᬭᬸᬄᬘ᭄ᬦᬶᬂ᭞ᬧ᭄ᬬᬦᬓ᭄ᬫᬾᬫᬾᬫᬓᬲᬫᬶ᭞ᬤᬶᬚᬓᬾᬫᬕ᭄ᬦᬄ᭞ᬳᬚᬓ᭄ᬫᬾᬫᬾᬩᬋᬂᬫᬢᬶ᭞ᬳᬧᬂᬲᬸᬯᬸᬤ᭄ᬦᬦ᭄ᬤᬂᬮᬭ᭟᭖᭟ᬲᬬᬦ᭄ᬓᬸᬭᬸ᭞ᬫᬾᬦ᭄ᬚᬳᬾᬭᬳᬶᬦᬯᭂᬗᬶ᭞ᬜᭀᬕ᭄ᬚᭀᬕ᭄‌‌‌‌ᬓᬧ᭄ᬥᭂᬫ
ᬦ᭄᭞ᬮᬶᬮᬬᬂᬢᭀᬂᬤᬤᬶᬮᬮᬶ᭞ᬢᬦ᭄ᬲᬄᬫᬕᬦ᭄ᬢᬸᬂᬭᬶᬂᬫᬦᬄ᭟᭗᭟ᬢᬦ᭄ᬧᬫᬗᬦ᭄᭞ᬢᬦ᭄ᬧᬗᬶᬦᬸᬫ᭄ᬲᬳᬶᬲᬳᬶ᭞ᬲ᭄ᬥᬶᬄᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄᭞ᬮᬶᬧᬹᬭᬂᬲᬸᬫᬶᬗ᭄ᬓᬶᬦ᭄ᬧᬮᬶᬂ᭞ᬫᬦᬄᬜᬦᬾᬫᬦᬭᬯᬂ᭟᭘᭟