Kaca:Bali-lontar-gaguritan-kusumarasa-300ppi.pdf/114

Saking Wikisource
Kaca puniki sampun kauji-wacén

[᭑᭑᭓ 113B]
᭑᭑᭓
ᬲᬃᬓᬯ᭄ᬭᬸᬳᬦ᭄᭞ᬗᭂᬫ᭄ᬧᬸᬚᬷᬯᬓ᭄ᬫᬫᬳᬶ᭞ᬳᬧᬂᬳᬮᬸᬄ᭞ᬗᭂᬲᭂᬂᬫᬮᬦᬶᬂᬰᬭᬷᬭ᭟᭑᭙᭟ᬗ᭄ᬲᭂᬂᬩᬩᬳᬶᬭᬶᬗᬯᬓ᭄᭞ᬫᬶᬯᬄᬭᬶᬂᬧᬓᬸᬩᭀᬦ᭄ᬫᬮᬶᬄ᭞ᬫᬰ᭄ᬭᬡᬢᭂᬫ᭄ᬩᬕᬫ᭄ᬭᬚᬄ᭞ᬅᬁᬓ᭄ᬱᬭᬤᬤ᭄ᬯᬧᬗ᭄ᬭᬶᬳᬶᬦ᭄᭞ᬫ᭄ᬯᬂᬒᬁᬓᬭᬦᬾᬲᬦᬸ
ᬗ᭄ᬕᬶᬮ᭄᭞ᬓᬾᬢᭀᬢᬫ᭄ᬢᬫ᭄ᬳᬧᬂᬢᬳᬸ᭞ᬳᬯᬦᬦ᭄ᬳᬦᬓᬾᬦᬯᬂ᭞ᬳ᭄ᬤᬳᬶᬩᬫᬜᬶᬕᬸᬕᬶᬦ᭄᭞ᬯᬶᬡ᭄ᬥᬸᬢ᭄ᬮᬸ᭞ᬫᬚᬚᬃᬤᬸᬳᬸᬭᬶᬂᬒᬁᬓᬭ᭟᭒᭐᭟ᬫᬮᬶᬄᬩᬶᬲᬄᬫᬵᬃᬥᬘᬦ᭄ᬤ᭄ᬭ᭞ᬓ᭄ᬘᭂᬓ᭄‌‌ᬫᬸᬮᬸᬘᬦ᭄ᬤ᭄ᬭᬫᬮᬶᬄ᭞ᬢᬮᬾᬂᬫᬲᬶᬄᬫᬹᬮᬸᬘᬦ᭄ᬤ᭄ᬭ᭞ᬢᭂᬗ᭄ᬕᭂᬓ᭄ᬢᬬ
ᬦᬾᬳᬩ᭄ᬲᬶᬓ᭄᭞ᬅᬃᬤ᭄ᬥᬘᬦ᭄ᬤ᭄ᬭᬫᬗᬶᬍᬳᬶᬦ᭄᭞ᬲᬸᬩᬢᭂᬢᭂᬧ᭄ᬧᬥᬤᬶᬢᬸ᭞ᬫᬰ᭄ᬭᬡᬩᬵᬦ᭄ᬳᬲᭂᬧ᭄‌‌ᬫ᭄ᬜᬦ᭄᭞ᬳᬦᬾᬓᬾᬢᭀᬬᬧ᭄ᬮᬚᬳᬶᬦ᭄᭞ᬜᬦ᭄ᬤᬂᬓᬤᬸᬢ᭄᭞ᬳᬗ᭄ᬕᭀᬦ᭄ᬧᬲᬶᬓᭂᬧᬦ᭄ᬳᬯᬓ᭄᭟᭒᭑᭟ᬳᬶᬢᬫ᭄ᬢᬫ᭄ᬫᬲᬯᬸᬃᬤᬩ᭄ᬤᬩ᭄᭞ᬧᬵ
ᬢᬹᬢ᭄‌‌ᬚ᭄ᬭᭀᬲᭂᬗ᭄ᬕᬸᬦᬾᬫᬗ᭄ᬓᬶᬦ᭄᭞ᬫᬧᬶᬤᬃᬣᬫᬭᬶᬂᬢᬶᬢ᭄ᬬᬂ᭞ᬧᬸᬦᬶᬓᬫᬮᬶᬄᬩᬯᭀᬲᬶᬦ᭄᭞ᬲᬦᬾᬓᭀᬘᬧ᭄ᬳᬸᬦᬶᬂᬉᬭᬶᬧ᭄᭞ᬧᬜ᭄ᬘᬯᬶᬱᬬᬧᬸᬦᬶᬓᬸ᭞ᬲᬦᬾᬫᬵᬤᬦ᭄‌‌ᬘᬢᬸᬃᬮᭀᬓ᭞ᬫᬡᬶᬓ᭄ᬳᬱ᭄ᬝᬕᬶᬦᬫᬮᬶᬄ᭞ᬳᭂᬜ᭄ᬘᬾᬦ᭄ᬳᬶᬓᬸ

[᭑᭑᭔ 114A]
᭑᭑᭔
᭞ᬦᬾᬫᬵᬤᬦ᭄ᬫᬡᬷᬓ᭄ᬲᬓ᭄ᬘᬧ᭄᭟᭒᭒᭟ᬓᭀᬘᬧ᭄ᬢᭀᬂᬤᬤᬶᬳᭂᬗ᭄ᬲᬧᬂ᭞ᬫᬹᬮᬧᬶᬘ᭄ᬙᬦ᭄ᬲᬳ᭄ᬬᬂᬯᬶᬥᬷ᭞ᬢ᭄ᬓᬧᬶᬂᬭᬕᬯᬶᬱᬬ᭞ᬧᬸᬦᬶᬓᬢᬢ᭄ᬯᬬᬂᬫᬮᬶᬄ᭞ᬫᬗ᭄ᬤᬢᬶᬢ᭄ᬬᬂᬲᬋᬂᬭᬶᬭᬶᬄ᭞ᬦᬵᬗ᭄ᬳᬶᬂᬓᬾᬳᬧᬗᬧᬵᬢᬹᬢ᭄᭞ᬩᬳᬦ᭄ᬢᬶᬢ᭄ᬬᬂᬫᬦᬶᬗ᭄ᬓᬳᬂ᭞ᬫ
ᬗ᭄ᬤᬢ᭄ᬭᬂᬢᬸᬢᬸᬭᬾᬫᬗ᭄ᬓᬶᬦ᭄᭞ᬭᬶᬂᬚ᭄ᬭᭀᬲᭂᬗ᭄ᬕᬸ᭞ᬫᬗ᭄ᬤᬧ᭄ᬤᬲ᭄‌‌ᬢᬶᬢ᭄ᬬᬂᬦᬯᬂ᭟᭒᭓᭟ᬯᬾᬦ᭄ᬢᭂᬦ᭄ᬲᬲᬶᬫ᭄ᬩᬶᬂᬭᬶᬂᬮᭀᬦ᭄ᬢᬃ᭞ᬓᭀᬘᬧ᭄ᬩᬋᬂᬳᬚᬓ᭄ᬫᬶᬚᬶᬮ᭄᭞ᬧᬸᬦᬶᬓᬜᬫᬦᬾᬧᬢ᭄ᬧᬢ᭄᭞ᬚ᭄ᬭᭀᬲᭂᬗ᭄ᬕᬸᬤᬦᬾᬜᬯᬸᬭᬶᬦ᭄᭞ᬢᬸᬯᬶᬲᬚᬓᬾᬢᭀᬘᬳᬶ
᭞ᬗᭂᬫ᭄ᬧᬸᬭᬕᬦᬾᬲᬢᬸᬯᬸᬓ᭄᭞ᬫᬸᬗ᭄ᬕ᭄ᬯᬶᬂᬢᬸᬢᬸᬃᬓᬡ᭄ᬥᬵᬫ᭄ᬧᬢ᭄᭞ᬢ᭄ᬯᬭᬢᬳᬾᬦ᭄ᬫᬫ᭄ᬮᬲᬶᬦ᭄᭞ᬓᬬᬂᬮᬫ᭄ᬧᬸᬲ᭄᭞ᬫᬲᬶᬳᭂᬦ᭄ᬢᭀᬫᬦᬦ᭄ᬥᬦᬂ᭟᭒᭔᭟ᬳᭂᬗ᭄ᬓᬾᬦ᭄‌‌ᬚᬢᬶᬦᬾᬢᭀᬢᭀᬦᬦ᭄᭞ᬲᬸᬩᬢᬳᬾᬦ᭄‌‌ᬚ᭄ᬭᭀᬦᬾᬫᬗ᭄ᬕᬶᬄ᭞ᬫᬮᬄ
ᬢᬶᬢ᭄ᬬᬂᬗᬓᬸᬜᬫ᭞ᬳᬶᬢᬫ᭄ᬢᬫ᭄‌‌ᬧ᭄ᬦᭂᬤ᭄ᬜᬯᬸᬭᬶᬦ᭄᭞ᬢᬩᬸᬄᬕ᭄ᬢᬃᬢ᭄ᬯᬭᬧᬗ᭄ᬕᬶᬮ᭄᭞ᬗᬸᬤᬢ᭄ᬯᬭᬢᬳᬾᬦ᭄ᬢᭂᬧᬸᬓ᭄᭞ᬢᬶᬤᭀᬂᬓᬾᬲᬮᬄᬧᬗᬃᬣ᭄ᬬᬦ᭄᭞ᬳᬾᬗ᭄ᬕᬮ᭄‌‌ᬚ᭄ᬭᭀᬫᬗᬸᬕ᭄ᬯᬦᬶᬦ᭄᭞ᬩᬶᬱᬦᬸᬢᬸᬃ᭞ᬓᬤᬾᬦ᭄ᬳᬤᬩᬸᬢᬧᬢ᭄