[ ᭒᭔ 24B]
᭒᭔᭞
ᬮᬶᬄᬗ᭄ᬭᬸᬭᬸᬄ᭞ᬢ᭄ᬓᬧ᭄ᬭᬲᬶᬤ᭄ᬥᬓᬳᬶᬯᬢ᭄᭞ᬦᬾᬦᬾᬚᬦᬶ᭞ᬓᬸᬮ᭄ᬓᬸᬮᬾᬳᬗ᭄ᬕᭀᬦ᭄ᬢᭂᬗ᭄ᬭᬦ᭄᭟ᬲᭂᬗ᭄ᬕᬸᬳᬸᬫᬗᬶᬭᬶᬗᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭄ᬫᬮᬶᬄᬓᬯᬃᬡ᭄ᬦᬵ᭞ᬲᬢ᭄ᬓ?ᬦᬾᬜᬫ᭄ᬩᬸᬢ᭄ᬲᬤᬸ᭞ᬗᭂᬩᬸᬕ᭄ᬓᬸ
ᬮ᭄ᬓᬸᬮ᭄ᬤ᭄ᬯᬂᬢᬸᬮᬸᬤᬦ᭄᭞ᬧᬤᬕᬢᬶ᭞ᬳᬓᬾᬄᬯᭀᬂᬧᬤᬢ᭄ᬭᬕ᭄ᬬ᭟ᬗᬯᬩᭀᬓᬢ᭄ᬮᬦ᭄ᬘᭂᬦ᭄ᬤᭂᬓᬦ᭄᭞ᬢᬸᬮᬸᬧ᭄ᬢᬸᬫ᭄ᬩᬓ᭄ᬮᬦ᭄ᬕᬕᬶᬢᬶᬓ᭄᭞ᬳᬦᬫᬢᬓᭀᬦᬢᬲᬂ᭞ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬓᬸᬮ᭄ᬓᬸᬮ᭄ᬩᬸᬮᬸᬲ᭄᭞
ᬤᬾᬲᭂᬗ᭄ᬕᬸᬭᬭᬶᬲ᭄ᬳᬗᬸᬘᬧ᭄᭞ᬢ᭄ᬬᬂᬫᬚᬢᬶ᭞ᬩ᭄ᬘᬢ᭄ᬬᬂᬧ᭄ᬬᬦᬓᬾᬳᬶᬮᬂ᭟ᬢ᭄ᬯᬭᬓᭀᬓᬭ᭄ᬯᬦ᭄ᬳᬚᬵᬓ᭞ᬳᭂᬜᬾᬦ᭄ᬲᬶᬫᬫ᭄ᬩᬳᬦ᭄ᬧᭀᬮᬶᬄ᭞ᬳᭀᬢᬜᬫᬫᬦ᭄ᬫᬢᬓᭀᬦ᭄᭞ᬲᬫᬶᬬᬳᬤᬲᬸᬫᬳᬸᬃ
᭞ᬫᬚᬭᬂᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬳᬦᬂᬳᬸᬕᬶ᭞ᬲᬕᬾᬢ᭄ᬳᬦᬓ᭄ᬫᬧᬭᬓ᭄ᬧᬓ᭄᭟ᬯᬾᬦ᭄ᬢᭂᬦ᭄ᬳᬵᬚᬓᬳᬤᬰᬵ᭞ᬳᬤᬓ᭄ᬫᬵᬫᬜᬕ᭄ᬚᬕᬶᬦ᭄᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬢᬯᬄ᭞ᬫᬦᬢᬲ᭄ᬫᬸᬜᬶᬦᬾᬳ
[ ᭒᭕ 25A]
ᬮᬸᬲ᭄᭞ᬚ᭄ᬭᭀᬦᬾ ᬚ᭄ᬯᬲᬓᬶᬂᬧᬸᬦᬧ᭞ᬗ᭄ᬕᬯᬲᬸᬦ᭄ᬤᬶᬄ᭞ᬦᬾᬓᬢᬓᭀᬦᬶᬦ᭄ᬳᬗᬸᬘᬧ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬯᭀᬂᬦᬕᬭ᭞ᬢᬶᬢ᭄ᬬᬂᬫᬢᬓᬾᬭᬶᬂᬕᬸᬲ᭄ᬢᬶ᭞ᬤᬶᬗ᭄ᬓᬾᬦ᭄ᬧᬸᬭᬶᬦ᭄ᬤᬦᬾᬋᬓᭀ᭞ᬦᬾᬫᬯᬱ᭄ᬝᬵᬚ᭄ᬭᭀᬲᭂᬗ᭄ᬕᬸᬳᬸ᭞
ᬧᬸᬭᬶᬦᬦᬾᬩᬮᬾᬃᬧᬲᬃ᭞ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬓᬦᬩᬳᬸᬤᬶᬩᬜ᭄ᬘᬶᬗᬄ᭟ᬢᬶᬢ᭄ᬬᬂᬤᬯᭂᬓᬶᬸᬕ᭄ᬦᬸᬦᬲ᭄ᬳᬶᬘᬵ᭞ᬳᬢᬸᬭᬶᬦ᭄ᬤᬦᬾᬫᬭᬶᬓᬶ᭞ᬓᬧᬲᬃᬫᬗ᭄ᬓᬶᬦ᭄ᬳᬩᭀᬲ᭄ᬩᭀᬲ᭄᭞ᬢᬶᬢ᭄ᬬᬂᬕᬢᬶᬧᬘᬂᬫᬢᬸᬃ᭞ᬦᬸᬦᬲ᭄ᬓᬾᬭᬭᬶ
ᬲᬫᬃᬕ᭄ᬕ᭞ᬫᬗᬢᬸᬭᬶᬦ᭄᭞ᬚ᭄ᬭᭀᬲᭂᬗ᭄ᬕᬸᬳᬸᬤᬶᬩᬜ᭄ᬘᬶᬗᬄ᭟ᬢᬦ᭄ᬓᭀᬘᬧᬜᬭᬶᬂᬫᬃᬕ᭄ᬕ᭞ᬭᬯᬸᬄᬤᬶᬩᬜ᭄ᬘᬶᬗᬄᬫᬗ᭄ᬓᬶᬦ᭄᭞ᬚ᭄ᬭᭀᬲᭂᬗ᭄ᬕᬸᬳᬸᬓᬭᬶᬫᬗ᭄ᬭᬯᭀᬲ᭄᭞ᬢᬶᬢ᭄ᬬᬂᬫᬢᬸᬃᬚ᭄ᬭᭀᬲᭂᬗ᭄ᬕᬸᬳᬸ᭞ᬳᬦᬓ᭄ᬫᬯ᭄ᬓᬲ᭄ᬭᬶᬂ
ᬢᬶᬢ᭄ᬬᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬳᬚᬓᬳᬤᬰᬵ᭟ᬗᬢᬸᬭᬶᬦ᭄ᬚ᭄ᬭᭀᬦᬾᬓᬚᬩᬵ᭞ᬯᬾᬦ᭄ᬢᭂᬦ᭄ᬳᬢᬸᬃᬳᬶᬧᬸᬦ᭄ᬕᬢᬶ᭞ᬳᬶᬲᭂᬗ᭄ᬕᬸᬳᬸᬗᬸᬘᬧ᭄ᬳᬮᭀᬦ᭄᭞ᬩᬬᬫᬸᬲᬸᬄᬚᬦᬶᬭᬸᬯᬸᬄ᭞ᬚᬮᬦ᭄ᬧᭂ
Kaca:Bali-lontar-gaguritan-ketut-bungkling-02-300ppi.pdf/25
Kaca puniki sampun kauji-wacén
