[ ᭒᭑ 21B]
᭒᭑᭞
ᬦᬾᬧᬶᬂᬢᬶᬕ᭞ᬳᬶᬩᬸᬗ᭄ᬓ᭄ᬮᬶᬂᬭᬭᬶᬲ᭄ᬬᬧ᭄ᬲᬸ᭞ᬤᬾᬦᬶᬂᬳᬶᬗᭂᬢ᭄ᬭᬶᬂᬳᬸᬩᬬᬵ᭞ᬲᬗ᭄ᬕᬸᬧᬲ᭄ᬢᬶ᭞ᬭᬭᬶᬲ᭄ᬗᭀᬚᭀᬕ᭄ᬭᬶᬂᬯᬦ᭄ᬤᬶᬭ᭟ᬩᬯᬸᬯᬾᬦ᭄ᬢᭂᬦ᭄ᬧᬗᬶᬦᬂ᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬫᬜᬸᬳᬸᬦ᭄ᬲᭀᬓᬲᬶᬋᬓᭀ᭞ᬳᬶᬩᬸᬂᬓ᭄ᬮᬶᬂ
ᬭᬶᬸᬭᬶᬸᬲᬶᬸᬯ᭄ᬭᬸᬄᬭᬶᬂᬓᬬᬸᬦ᭄᭞ᬢᬸᬢᬸᬢᬶᬦ᭄ᬤᬶᬄᬭᬶᬂᬳᬸᬩᬬᬵ᭞ᬧᬚᭂᬚᭂᬳᬶᬦ᭄᭞ᬳᭂᬗ᭄ᬓᭂᬩᬶᬦ᭄ᬢᬦᬶᬳᬶᬦ᭄ᬤᬬᬂ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬫᬓᬳᬤ᭄᭞ᬗᭂᬚᭀᬳᬶᬦ᭄ᬓᬬᬸᬯᬭᬶᬗᬶᬦ᭄᭞ᬤᬳᬦᬾᬫᬗᭀᬚᭀᬕ᭄ᬓ᭄ᬫᬵ᭞ᬲᬢ᭄ᬓᬦᬾᬚᬦᬶᬤᬶᬢᬸ᭞
ᬩ᭄ᬗᭀᬂᬩ᭄ᬗᭀᬂᬫᬳᬶᬯᬲᬦ᭄᭞ᬢᬦ᭄ᬓᬧᬗ᭄ᬕᬶᬄ᭞ᬦᬾᬳᬶᬲ᭄ᬢ᭄ᬭᬶᬭᬭᬶᬲ᭄ᬫᬭᬃᬬ᭄ᬬᬦ᭄᭟ᬫᬗ᭄ᬭᬾᬭᬾᬦᬂᬲᬲᬸᬳᬸᬦᬶᬸᬦᬦ᭄᭞ᬬᬾᬄᬫᬢᬦᬾᬳᬤᬺᬲ᭄ᬫᬶᬚᬶᬮ᭄᭞ᬳᬶᬩᬸᬂᬓ᭄ᬮᬶᬂᬭᬳᬶᬃᬲ᭄ᬫᬕᬳᬂ᭞ᬕᬺᬫ᭄ᬕᭂᬋᬫ᭄ᬘᬧ᭄ᬮᬸᬓ᭄ᬘᬧ᭄ᬮᬸᬓ᭄᭞ᬫᬓ᭄ᬢᭂᬩ᭄ᬫᬓᬳᬤ᭄ᬫᬭᬵ
᭞ᬦᬾᬦᬾᬳᬶᬲ᭄ᬢ᭄ᬭᬷ᭞ᬗᭂᬢᭀᬃᬢᭀᬂᬤᬤᬶᬳᬗᬸᬘᬧ᭄᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬫᬜᬯᬸᬧ᭄ᬫᬗᬭᬲ᭄ᬧᬶᬧᬶ᭞ᬤᬸᬄᬕᬸᬲ᭄ᬢᬶᬤᬾᬯᬫᬲ᭄ᬫᬶᬭᬄ᭞ᬢᬶᬦ᭄ᬤᬶᬄᬳᬶᬭᬢᬸᬭᬶᬂᬲᬗ᭄ᬕᬸᬧ᭄᭞ᬫᬫᬵᬃᬕ᭄ᬕᬶᬕᬸᬲ᭄ᬢᬶᬫᬵᬲ᭄ᬫᬶᬭᬄ᭞ᬦᬾᬦᬾᬫᬗ᭄ᬓᬶᬦ᭄᭞ᬦᬧᬶ
[ ᭒᭒ 22A]
ᬕ᭄ᬮᬶᬲ᭄ᬓᬢᬗᭂᬳᬦ᭄᭟ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞ᬦᬾ ᬳᬶᬲ᭄ᬢ᭄ᬭᬶᬗᭂᬢᭀᬃᬤᬶᬩᬢᬶᬲ᭄ᬩᬶᬮᬂᬳᬢᬶᬦ᭄ᬤᬓ᭄ᬜᬮᬾᬫ᭄ᬧᭀᬄ᭞ᬳᬶᬩᬸᬂᬓ᭄ᬮᬶᬂᬓ᭄ᬤᬾᬓ᭄ᬓᬢᬸᬦ᭄ᬤᬸᬦ᭄᭞ᬦᬾᬳᬶᬲ᭄ᬢ᭄ᬭᬶᬭᬭᬶᬲ᭄ᬳᬗᬸᬘᬧ᭄᭞ᬫᬗ᭄ᬓᬶᬦ᭄ᬩᭂᬮᬶ᭞ᬢᬶᬢ᭄ᬬᬂᬓᬭᬶᬫᬢᭂᬕ᭄ᬢᭂᬕ
ᬦ᭄᭟ᬩᭀᬬᬢᬫ᭄ᬩᬦᬶᬦ᭄ᬓᬾᬢᬶᬢ᭄ᬬᬂ᭞ᬫᬗ᭄ᬤᬾᬢ᭄ᬬᬂᬤᬤᭀᬲ᭄ᬫᬫᬃᬕ᭄ᬕᬶ᭞ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬳ᭄ᬦᬾᬲ᭄ᬧᬄᬳᬗ᭄ᬕᬾᬦ᭄ᬲᬗᬸ᭞ᬫᬭᬶᬂᬮᬢᬶᬳᬲᬸᬲ᭄ᬧᬄ᭞ᬦᬾᬦᬾᬳᬶᬲ᭄ᬢ᭄ᬭᬶ᭞ᬳᬗᬸᬘᬧ᭄ᬦᬸᬦᬲ᭄ᬓᬾᬢᬶᬢ᭄ᬬᬂ᭟ᬦᬾᬓᬓᬸᬂᬭ
ᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬲᬲᬸᬳᬸᬦᬦᬾᬦᬾᬳᬶᬲ᭄ᬢ᭄ᬭᬶ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬦᬾᬓᬓᬸᬂᬭᬭᬶᬲ᭄ᬫᬦᬸᬦ᭄ᬢᬸᬦ᭄᭞ᬳᬦ᭄ᬓᬯᬃᬡ᭄ᬦᬳᬦᬫᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬧ᭄ᬯᬵᬧ᭄ᬢᬶ᭞ᬭᬶᬂᬤᬾᬱᬧᬮᬶᬗ᭄ᬕᬭᬸᬦ᭄᭟ᬯ᭄ᬗᬶᬧᬦᬮᬶᬓᬦ᭄ᬧᬶᬂᬧᬢ᭄᭞ᬳᬶᬩᬸᬂ
ᬓ᭄ᬮᬶᬂᬫᬗᭀᬚᭀᬕ᭄ᬫᬸᬮᬶᬄ᭞ᬚᬸᬫᬄᬳᬶᬯᬬᬦ᭄ᬢᬶᬕᬭᭀᬦ᭄᭞ᬲᬢ᭄ᬓᬦᬾᬚᬦᬶᬤᬶᬢᬸ᭞ᬭᬭᬶᬲ᭄ᬫᬦᭀᬕ᭄ᬢᭀᬕ᭄ᬚ᭄ᬮᬦᬦ᭄᭞ᬫᬗᬯᬸᬓᬶᬦ᭄᭞ᬫᬢᬗᬶᬓᬾᬩᬧᬢ᭄ᬯᬵ᭟ᬢᬸᬮᬸᬲ᭄ᬢᬶᬢ᭄ᬬᬂᬳᬾ ᬗ᭄ᬕᬮ᭄ᬳᬾᬗ᭄ᬕᬮ᭄᭞
Kaca:Bali-lontar-gaguritan-ketut-bungkling-02-300ppi.pdf/22
Kaca puniki sampun kauji-wacén
