[᭒᭓ 23B]
᭒᭓
ᬢ᭄ᬦᬯᬸᬮᬦ᭄᭞ᬩᬸᬲᬦᬦ᭄ᬬ᭚ᬅᬃᬘ᭄ᬘᬦᬾᬫᬋᬧ᭄ᬳᬸᬢᬭ᭞ᬩᬗ᭄ᬲᬶᬂᬓᬺᬱ᭄ᬡᬥᬡᬩᬸᬲᬫᬡᬶ᭞ᬫᬤ᭄ᬬᬦᬯᬭᬢ᭄ᬦᬩᬸᬲᬡ᭞ᬫᬮᬶᬄᬫᬋᬧ᭄ᬓᭂᬮᭀᬤ᭄ᬓᬗᬶᬦ᭄᭞ᬫᬸᬢ᭄ᬬᬭᬓᬂᬩᬸᬲᬡᬶ᭞ᬲᬦᬾᬫᬋᬧ᭄ᬓ᭄ᬮᭀᬤ᭄ᬓᬯᬸᬄ᭞ᬭᬢ᭄ᬦᬚᬶᬗ᭄ᬕᬩᬸᬲ
ᬦᬦ᭄ᬬ᭞ᬫᬋᬧ᭄ᬓᬚᬓᬯᬸᬄᬫᬮᬶᬄ᭞ᬮᬶᬦ᭄ᬢᬂᬳᬬᬸ᭞ᬩᬸᬲᬦᬭᬢ᭄ᬦᬯᬶᬤᬸᬭ᭄ᬬ᭚ᬫᬋᬧ᭄ᬓᬚᬓᬗᬶᬦ᭄ᬜᬮᬂ᭞ᬫᬦᬶ᭠ᬓ᭄ᬦᬶᬮᬓᬂᬩᬸᬲᬦᬶ᭞ᬫᬶᬸᬲᬫᬶᬧᬤᬫᬶᬚᬶᬮ᭄ᬢᭀᬬ᭞ᬫᬳᬶᬤᭂᬭᬦ᭄ᬧᬤᬲᬸᬘᬶ᭞ᬦᬯᬤᬦᬸᬓᬂᬧᬶᬦᬸᬚᬶ᭞ᬗᬫᭂ᭠
ᬋᬢᬦᬶᬦ᭄ᬩ᭄ᬯᬡᬳᬶᬓᬸ᭞ᬧᬤ᭄ᬫᬦᬾᬫᬦᭂᬋᬩᭂᬲᬂᬫᭂᬢᬸᬲᬓᬾᬂᬕᬸᬳ᭄ᬬᬲᬭᬶ᭞ᬲᬭᬶᬦ᭄ᬓᬬᬸᬦ᭄᭞ᬧᬭᬕᬬᬦ᭄ᬲᬂᬳ᭄ᬬᬂᬢᬶᬢᬄ᭚ᬳᬶᬤᬧᬗᬸᬮᬸᬦᬶᬂᬚᬕᬢ᭄᭞ᬭᬶᬂᬧᬤ᭄ᬫᬲᬡᬫᬮᬶᬗ᭄ᬕᬶᬄ᭞ᬢᬸᬮ᭄ᬬᬓᬤᬶᬲᭂᬧᬢᬶᬓ᭞ᬳᬶᬓᭂᬢᬸ
[᭒᭔ 24A]
ᬢ᭄ᬩᬗᬸᬦ᭄ᬗᬦ᭄ᬢᭂᬦᬶᬦ᭄᭞ᬢᬸᬫᬸᬮᬶᬭᬭᬶᬲ᭄ᬗᬲ᭄ᬢᬸᬢᬶ᭞ᬫᭂᬧᭂᬲ᭄ᬦᭂᬫ᭄ᬩᬄᬫᬢᬮᬗ᭄ᬓᬸᬧ᭄᭞ᬲᬂᬲᬶᬦᭂᬫ᭄ᬩᬄᬳᬦ᭄ᬢᬃᬮᬶᬡ᭞ᬫᬓᭂᬮᬾᬧ᭄ᬫᬗᬸᬮᬧᬶᬦ᭄᭞ᬗᬯᬾᬦᬸᬮᬗᬸᬦ᭄᭞ᬫᬦᬄᬓᬂᬳᬫᭀᬦᬩ᭄ᬭᬢ᭚ᬳᬶᬓᭂᬢᬸᬢ᭄ᬩᬗᬸᬦ᭄ᬜᭂᬋᬓᬂ᭞ᬗ᭠
ᬲ᭄ᬢᬯᬲᬃᬯ᭄ᬯᬶᬗᬩᬓ᭄ᬢᬶ᭞ᬧᬸᬓᬸᬮᬸᬦ᭄ᬲᬂᬲᬭᬶᬦᬶᬂᬳ᭄ᬬᬂ᭞ᬫᬯᬳᬸᬢ᭄ᬧᭂᬢᬶᬲᬢᬶᬢᬶ᭞ᬢᭂᬓᬾᬂᬧᬺᬮᬶᬦᬦᬶᬂᬤᬤᬶ᭞ᬯᭂᬭᬸᬄᬭᬶᬂᬳᬫ᭄ᬩᭂᬓ᭄ᬤᬸᬱ᭄ᬝᬲᬤᬸ᭞ᬬᬦ᭄ᬢᬸᬯᬶᬳᬓᬶᬃᬢ᭄ᬬᬳᬮ ᬳᬫᬸᬓ᭄ᬢᬶᬧᬧᬦᬶᬂᬳᬢᬶ᭞ᬓᬶᬃᬢ᭄ᬣᬶᬳᬬᬸ᭞ᬳᬬᬸᬩᬸᬓ᭄ᬢᬶᬲᬸᬓ᭠
ᬘᬶᬢ᭚ᬢᬶᬢ᭄ᬬᬂᬗᬲ᭄ᬢᬯᬧᬥᬳ᭄ᬬᬂ᭞ᬲᬓᬾᬂᬫᬦᬄᬲᬸᬘᬶᬩᭂᬋᬲᬶᬄ᭞ᬢᬦᬦᬳᬕᬢ᭄ᬭᬳᬩᬂ᭞ᬗᬲ᭄ᬢᬸᬢᬶᬧᬭᬫᬓᬯᬶ᭞ᬧᭂᬭᬤᬾᬦᬾᬳᬲᬶᬄᬢᬦ᭄ᬳᬲᬶᬄ᭞ᬢᬸᬯᬶᬓᬢᭀᬦ᭄ᬢᬦ᭄ᬓᬗ᭄ᬕᬸᬄ᭞ᬫᬯᬃᬡ᭄ᬦᬢᬦ᭄ᬧᬯᬃᬡ᭞ᬕᬶ
Kaca:Bali-lontar-gaguritan-ketut-bangun-300ppi.pdf/24
Kaca puniki sampun kauji-wacén
