Kaca:Bali-lontar-gaguritan-kendit-birayung-300ppi.pdf/9

Saking Wikisource
Kaca puniki sampun kauji-wacén

[᭘ 8 B]

ᬢ᭄ᬢᬦ᭄ᬧᬾᬡ᭄ᬥᬄ᭞ᬮ᭄ᬯᬶᬃᬓᬋᬓ᭄ᬱᬍᬫ᭄ᬩᬃ᭞ᬚᬶᬦᬸᬜ᭄ᬚᬸᬂᬤᬾᬦ᭄ᬳᬯᬾᬳᬯᬾ᭞ᬳᬶᬗᬸᬩᭂᬂᬳᬦᬾᬂᬮᬸᬳᬸᬃ᭞ᬤᬦ᭄ᬓᬦ᭄ᬢᬓᬵᬳᬫ᭄ᬩᬭᬯᬢ᭄ᬣᬶ᭞ᬳᬶᬗᬸᬜ᭄ᬘᬮ᭄ᬫᬭᬶᬂᬢᬯᬂ᭞ᬮ᭄ᬯᬶᬃᬧ᭄ᬭᬶᬢ᭄ᬭᬶᬂᬮᬸᬳᬸᬃ᭞ᬲᬂᬤ᭄ᬬᬄᬤᬢᬦ᭄‌ᬧᬕᬸᬮᬯᬦ᭄᭞ᬫᬶᬂᬲᭀᬃᬲᬶ
ᬕ᭄ᬭᬵ᭞ᬲᬶᬦᬗ᭄ᬕᬭᬶᬂᬳᬱ᭄ᬝᬵᬓᬶᬭᬶ᭞ᬩᬶᬦᬓ᭄ᬢᬳᬶᬂᬧᬫᬺᬫᬦ᭄᭟ᬤᬦ᭄ᬲᬶᬦᬮᬄᬫᬭᬶᬂᬓᬲᬸᬃᬲᬭᬶ᭞ᬢᬶᬦᬭᬾᬓᬦ᭄᭞ᬲᬂᬤ᭄ᬬᬄᬦᬸᬲᭀᬦ᭄ᬢᬭᬵ᭞ᬤᬢᬦ᭄ᬫᬾᬮᬶᬂᬭᬶᬂᬭᬕᬦᬾ᭞ᬳᬶᬗᬸᬲᬧ᭄ᬲᬗᬵᬳᬬᬸ᭞ᬯᬤᬦᬦᬾᬳᬫ᭄ᬩᬭᬯᬢ᭄ᬣᬶ᭞ᬲ
ᬗᭂᬦ᭄ᬥᬾᬦ᭄ᬬᬓᬦ᭄ᬢᬓᬵ᭞ᬢ᭄ᬭᬶᬧᬗ᭄ᬮᬶᬯᭂᬤᬦ᭄ᬲᬫ᭄ᬧᬸᬦ᭄᭞ᬮᬫᬶᬦᬾᬦᭀᬭᬳᬶᬮᬶᬗᬵ᭞ᬤᬦ᭄ᬧᬶᬦᬗ᭄ᬓᬸ᭞ᬭᬢ᭄ᬦᬬᬸᬳᬫ᭄ᬩᬭᬯᬢ᭄ᬣᬶ᭞ᬤᬾᬦᬶᬂᬫᬲ᭄ᬳᬵᬃᬖ᭄ᬕᬧᬸᬭ᭟ᬦᬸᬮ᭄ᬬᬗ᭄ᬮᬶᬮᬶᬃᬦᬶᬳᬫ᭄ᬩᬭᬯᬢ᭄ᬣᬶ᭞ᬲᬃᬕᬸᬲᬃᬕᬸ᭞ᬳᬗᬸᬜ᭄ᬘᬮᬧᬫ᭄ᬩᭂᬓ᭠
ᬦ᭄᭞ᬲᬶᬕ᭄ᬭᬫ᭄ᬮᬾᬓᬂᬦᬾᬢ᭄ᬭᬦᬾ᭞ᬲᬶᬭᬄᬳᬶᬭᬧᬶᬦᬗ᭄ᬓᬸ᭞ᬤᬾᬦᬶᬂᬭᬢ᭄ᬦᬵᬤᬶᬯᬶᬋᬗ᭄ᬕᬦᬶᬲ᭄᭞ᬧᬸᬢ᭄ᬭᬶ᭠ᬳᬫ᭄ᬩᬭᬯᬢ᭄ᬬᬵ᭞ᬫᬶᬲᭂᬃᬦᬸᬮ᭄ᬬᬮᬸᬗ᭄ᬕᬸᬄ᭞ᬓᬶᬤᭂᬫᬢ᭄ᬳᬗᬭᬲ᭄ᬧᬤ᭄ᬥᬵ᭞ᬓᬂᬳᬶᬗᬭᬲ᭄᭞ᬳᬡ᭄ᬥᬯᬘᬡ᭄ᬦᬳᬭᬶᬲ᭄᭞
[᭙ 9 A]
ᬫᬗ᭄ᬓᬶᬦ᭄ᬳᬫ᭄ᬩᬵᬳᬗᬶᬭᬶᬗᬵ᭟ᬲᬤᬾᬭᬳᬗ᭄ᬭᬾᬄᬲᬗᬬᬸᬫᬗ᭄ᬓᬶᬦ᭄᭞ᬢᬦᬼᬗ᭄ᬕᬡ᭄ᬦᬵ᭞ᬭᬶᬗ᭄ᬓᬬᬸᬦ᭄ᬳᬡ᭄ᬥᬶᬓᬵ᭞ᬮᬳᬶᬃᬢᬹᬫ᭄ᬓᬾᬦᬵᬕ᭄ᬩᬢ᭄ᬢᬶᬦᬾ᭞ᬫᬗ᭄ᬓᬶᬦ᭄ᬓᬳᬸᬮᬵᬳᬦᬸᬳᬸᬦ᭄᭞ᬳᬦᬯᬸᬭᬶᬦ᭄ᬭᬢ᭄ᬦᬵᬋᬗ᭄ᬕᬦᬶᬲ᭄᭞ᬮᬄᬬ᭄ᬬᬬᬶᬳᬗᬸᬘᬧ᭄ᬲᬤᬢ᭄
ᬳᬾᬲ᭄ᬢᬸᬓᭂᬦ᭄ᬫᬲ᭄ᬳᬬᬹ᭞ᬫᬭᬶᬂᬗᬮᬄᬓᬂᬲᬸᬗ᭄ᬕᬮ᭄᭞ᬳᬜᬓ᭄ᬱᬾᬦᬶ᭞ᬫᬭᬳᬶᬂᬦᬩᬶᬩ᭄ᬭᬳᬶᬫ᭄᭞ᬳᬸᬢᬹᬲᬦᬶᬂᬳ᭄ᬬᬂᬲᬸᬓ᭄ᬱ᭄ᬫᬵ᭟ᬳᬤᬦ᭄ᬲᬂᬤ᭄ᬬᬄᬦᬾᬂᬦᬸᬲᬵᬦ᭄ᬢᬭᬶ᭞ᬗᬸᬘᬧ᭄ᬲᬤᬢ᭄᭞ᬫᬚᬶᬂᬕᬫᬳᬶᬲ᭄ᬮᬫ᭄᭞ᬳᬸᬘᬧ᭄ᬳᬮᬄᬲᬩ᭄ᬦᭂᬭᬾ
᭞ᬳᬜᬓ᭄ᬱᬾᬦᬶᬦ᭄ᬲᬢᬸᬳᬸᬓ᭄᭞ᬫᬭᬶᬂᬗᬮᬄᬓᬂᬲᬦᬸᬗ᭄ᬕᬶᬮ᭄᭞ᬲᬂᬤ᭄ᬬᬄᬳᬦᬡ᭄ᬥᬂᬳᬶᬫᬦ᭄᭞ᬫᬜ᭄ᬚᬶᬂᬕᬫ᭄ᬫᬮᬸᬳᬸᬂ᭞ᬲᬂᬧᬸᬢ᭄ᬭᬶᬳᬶᬂᬦᬸᬲᭀᬦ᭄ᬢᬭᬵ᭞ᬦᬸᬮ᭄ᬬᬍᬗ᭄ᬕᬄ᭞ᬳᭂᬫ᭄ᬩᬦ᭄ᬮᬦ᭄ᬳᬶᬜᬦᬾᬦᬗ᭄ᬓᬶᬮ᭄᭞ᬮᬦ᭄ᬓᬤᬾᬬᬦ᭄ᬲᬲᭂᬮᬶᬭᬦ᭄᭟ᬳᬶᬂᬚ᭄ᬭᭀᬧᬹᬭ
ᬧᬦ᭄ᬲᬫᬶᬳᬸᬤᬦᬶ᭞ᬳᬲᬾᬯᬓ᭄ᬓᬵ᭞ᬭᬶᬂᬤ᭄ᬬᬄᬓᬮᬶᬄᬳᬶᬓᬵ᭞ᬓᬂᬗᬲᬾᬪᬲᬓᬩᬾᬳᬾ᭞ᬳᬾᬭᬦ᭄ᬚᭂᬗᭂᬃ᭠ᬳᬡ᭄ᬥᬸᬮᬸ᭞ᬫᬭᬶᬂᬭᬢ᭄ᬦᬵᬤᬾᬯᬶᬋᬗ᭄ᬕᬦᬶᬲ᭄᭞ᬅᬬᬸᬢᬹᬃᬯᬶᬘᬓ᭄ᬲᬡ᭄ᬦᬵ᭞ᬲᬳᬶᬲᬶᬦᬶᬂᬗ᭄ᬓᬥᬢᬸᬦ᭄᭞ᬲᬤᬬᬳᬗᬸᬘ