Kaca:Bali-lontar-gaguritan-kendit-birayung-300ppi.pdf/6

Saking Wikisource
Kaca puniki sampun kauji-wacén

[᭕ 5 B]

ᬦ᭄ᬳᬶᬚ᭄ᬭᬵᬢ᭄ᬯᭂᬯᭀᬓ᭄ᬦᬵ᭟ᬬ᭄ᬬᬬᬶᬲᬸᬦ᭄ᬓᬾᬲᬄᬳᬸᬦᬶᬗᬵ᭞ᬓᬲᬓ᭄ᬢᬾᬦᬾᬲᬶᬭᬵᬫᬲ᭄ᬳ᭄ᬬᬬᬶ᭞ᬅᬰ᭄ᬭᬸᬄᬦᬩ᭄ᬥᬵᬳᬫ᭄ᬩᬭᬯᬢ᭄ᬬ᭞ᬮᬫᬸᬦ᭄ᬱᬶᬭᬵᬳᬋᬧ᭄ᬯᭂᬭᬸᬳᬶ᭞ᬭᬶᬂᬤᬕᬶᬂᬓᬲᬓ᭄ᬢᬾᬦᬾᬓᬶ᭞ᬳᬶᬲᬸᬦ᭄ᬳᬡ᭄ᬥᬃᬩᬾᬓᬂᬓ᭄ᬢᬸ᭞ᬧᬯᬾᬳᬶᬂᬪᬝᬭᬲᬓ᭄
ᬢ᭄ᬬᬵ᭞ᬲᬂᬤᬾᬯᬶᬭᬭᬶᬲ᭄ᬳᬗᬫ᭄ᬩᬶᬮ᭄᭞ᬳ᭄ᬮᬶᬲ᭄ᬫᬍᬩᬸ᭞ᬫ᭄ᬭᬶᬂᬚ᭄ᬭᭀᬦᬶᬂᬧᬕᬸᬮᬶᬗᬦ᭄᭟ᬗᬫ᭄ᬩᬶᬮ᭄ᬳᬦᬾᬂᬚ᭄ᬭᭀᬦᬶᬂᬧ᭄ᬢ᭄ᬬᬵ᭟ᬓ᭄ᬢᬸᬭᬸᬧᬵᬓᬜ᭄ᬘᬡ᭄ᬦᬯ᭄ᬬᬓ᭄ᬝᬶ᭞ᬓᭂᬲᬮᬸᬓ᭄ᬩᬓ᭄ᬢᬵᬫᬶᬚᬶᬮᬵ᭞ᬫ᭄ᬭᬶᬂᬚᬩᬵᬲᬂᬤ᭄ᬬᬄᬳᬗ᭄ᬮᬶᬂ᭞ᬳᬶᬓᬶᬭᬸᬧᬵᬦᬶᬂᬓᬲᬓ᭄ᬢᬶ᭞ᬧᬯᬾ᭠
ᬳᬶᬂᬪᬝᬭᬖ᭄ᬕᬸᬭᬸ᭞ᬤᬾᬯᬶᬋᬗᬦᬶᬲᬸᬫᬯᬹᬃᬭ᭞ᬧᬭᬲᬓ᭄ᬝᬶᬦᬾᬓᭀᬧ᭄ᬬᬳᬶᬓᬶ᭞ᬳᬶᬓᬂᬓ᭄ᬢᬸ᭞ᬫᬧᬦ᭄᭠ᬪᬹᬲᬡ᭄ᬦᬦᬶᬂᬲᬶᬭᬄ᭟ᬳᬫ᭄ᬩᬭᬯᬢ᭄ᬣᬶᬲᬸᬫᬯᬸᬭ᭞ᬋᬗ᭄ᬕᬦᬶᬲ᭄ᬯ᭄ᬭᬸᬳᬦᬶᬭᬾᬓᬶ᭞ᬧᬸᬦᬂᬓ᭄ᬢᬸᬩᬶᬱᬵᬗᬶᬥᬵᭂᬧᬵ᭞ᬬᬾᬦ᭄ᬳᬶᬲᬸᬦ᭄ᬢᬸ
ᬳᬸᬗᬓᭀᬦᬶᬦ᭄᭞ᬫᬫ᭄ᬩᬸᬃᬗᬕᬡ᭄ᬦᬗ᭄ᬮᬗᬶᬢ᭄᭞ᬓᬲᭀᬃᬫ᭄ᬭᬸᬝ᭄ᬝᬕᬜ᭄ᬘᬂᬗᬶᬧᬸᬦ᭄᭞ᬬᬾᬦ᭄ᬲᬸᬦ᭄ᬳᬓᭀᬦ᭄ᬫᬦ᭄ᬢᬸᬓᬵ᭞ᬲᬓ᭄ᬥᬾᬧ᭄ᬦᬾᬢᬻᬯᬸᬲ᭄ᬧ᭄ᬭᬧ᭄ᬢᬶ᭞ᬋᬗ᭄ᬕᬦᬶᬲ᭄ᬢ᭄ᬭᬸᬳᬦᬶᬭᬾᬓᬶᬓᬲᬓ᭄ᬢ᭄ᬬᬵ᭟ᬲᬯᬸᬃᬤ᭄ᬬᬄᬫᬲ᭄ᬳᬶᬖ᭄ᬕᬵᬧᬹᬭᬵ᭞ᬓᬲᬓ᭄ᬢᬾ
[᭖ 6 A]
ᬦᬶᬗ᭄ᬲᬸᬦ᭄ᬫᬲ᭄ᬳ᭄ᬬᬬᬶ᭞ᬦᭀᬭᬲᬸᬦ᭄ᬱ᭄ᬓᬰᬶᬲᬶᬭᬵ᭞ᬪᬮᬶᬓ᭄ᬧ᭄ᬗᬗ᭄ᬕᬾᬦᬶᬂᬲᬶᬓᬶᬦ᭄᭞ᬲᬸᬦ᭄ᬫᬤ᭄ᬯᬾᬓᬯᭀᬲ᭄ᬓᬮᬶᬄ᭞ᬓ᭄ᬢᬸᬮᬯᬦ᭄ᬓᬯᭀᬲ᭄ᬳᬶᬓᬸ᭞ᬧᬬᬸᬲᬫ᭄ᬫᬵᬓᭀᬦ᭄ᬫᬫ᭄ᬩᬸᬭ᭞ᬫ᭄ᬭᬶᬂᬢᬯᬂᬮᬫᬸᬦ᭄ᬓᬸᬗ᭄ᬓᬸᬮᬶ᭞ᬗᬺᬩᬸᬢ᭄ᬕᬜ᭄ᬘᬂ᭞ᬬᬦ᭄ᬓᭂᬢᬸᬳᬶᬂᬮᬸᬳᬸᬭᬦ᭄᭟
ᬓᬯᭀᬲ᭄ᬧᬸᬦᬶᬓᬵᬭᬶᬂᬳᬡ᭄ᬥᬧ᭄᭞ᬳᬦᬸᬢ᭄ᬲᬸᬦ᭄‌ᬫ᭄ᬭᬶᬂᬳᬕᬫᬓᬧᬶᬃ᭞ᬫᬸᬦ᭄ᬓᭀᬧ᭄ᬬᬳᬶᬓᬵᬓᬲᭀᬃᬭᬦ᭄᭞ᬬ᭄ᬬᬬᬶᬳᬦᬹᬢ᭄ᬕᬫ᭄ᬫᬫᬫᬶ᭞ᬓᬥᬶᬧᬹᬡ᭄ᬥᬶᬲᬗ᭄ᬕᬸᬮ᭄‌ᬬ᭄ᬬᬬᬶ᭞ᬮᬄᬓᬾᬦ᭄ᬢᭂᬦᬦᬵᬲᬶᬬᬾᬓᬸ᭞ᬲᬂᬮᬶᬦᬶᬗᬦ᭄ᬲᬸᬫᬯᬸᬭᬵ᭞ᬅ
ᬤᭀᬄᬪᬹᬫᬶᬮᬯᬦ᭄ᬮᬗᬶᬢ᭄᭞ᬮᬫᬸᬦ᭄ᬓᭀᬧ᭄ᬬᬄ᭞ᬲᬶᬕ᭄ᬭᬓᭀᬦ᭄ᬳᬸᬫᬫ᭄ᬩᬸᬭᬵ᭟ᬓ᭄ᬢᬸᬫᬸᬮᬸᬓ᭄ᬫᬭᬶᬂᬢᬯᬂ᭞ᬲᬂᬤ᭄ᬬᬄᬗ᭄ᬮᬧᬲ᭄ᬓᬯᭀᬲ᭄ᬦᬾᬓᬶ᭞ᬫᬫ᭄ᬩᬸᬃᬫᬭᬶᬂᬳᬗ᭄ᬕᬕᬡ᭄ᬦᬵ᭞ᬕᬜ᭄ᬘᬂᬗᬶᬓᬯᭀᬲ᭄ᬢᬸᬫᬸᬮᬶ᭞ᬓᬳᬸᬗ᭄ᬓᬸᬮᬫ᭄ᬓᬲᭀᬃᬳᬗᬶᬦ᭄᭞ᬧᬳᬶᬩ
ᬭᬾᬓᭀᬧ᭄ᬬᬄᬳᬶᬓᬸ᭞ᬢᬦᬦᭀᬗ᭄ᬕᬵᬲᬧᬭᬦ᭄ᬬᬵ᭞ᬓᬯᭀᬲ᭄ᬮᬸᬳᬸᬃᬓ᭄ᬢᬸᬓᬮᬶᬄ᭞ᬳᬮᭀᬦᬩ᭄ᬥᬵ᭞ᬦᬶᬤᬾᬯᬶᬫᬲ᭄ᬳᬃᬖ᭄ᬕᬵᬧᬹᬭᬵ᭟ᬮᬄᬬ᭄ᬬᬬᬶᬢᬶᬗᬮᬓ᭄ᬦᬵ᭞ᬳᭂᬡ᭄ᬥᬶᬳᬡ᭄ᬥᬧ᭄ᬮᬸᬳᬸᬃᬯ᭄ᬬᬓ᭄ᬝᬶ᭞ᬓᬯᭀᬲ᭄ᬳᬶᬓᬵᬮᬯᬦ᭄ᬓᭀᬧ᭄ᬬᬄ᭟ᬓᬾᬭ