Kaca:Bali-lontar-gaguritan-kendit-birayung-300ppi.pdf/38

Saking Wikisource
Kaca puniki sampun kauji-wacén

[᭓᭗ 37 B]
᭓᭗
ᬦ᭄ᬲᬓᬸᬯᬚ᭄ᬬᬵ᭟ᬩᬶᬲᬾᬓᬦᬶᬂᬬᬬᬶᬳᬶᬂᬫᬗ᭄ᬓᬾᬮᬸᬫᬭᬶᬲ᭄᭞ᬧᬋᬓ᭄ᬭᬶᬂᬲᬂᬗᬢ᭄ᬢᬧᬵ᭞ᬫ᭄ᬭᬶᬂᬕ᭄ᬯᬵᬳᬃᬤᬶᬳᬶᬡ᭄ᬤ᭄ᬭᬕᬶᬭᬶ᭞ᬳᬦᬾᬂᬭᬶᬓᬵᬯᭂᬦ᭄ᬢᭂᬦ᭄ᬲᬂᬗᬢᬧᬵ᭟ᬫᬦ᭄ᬲᬸᬫᬦ᭄ᬢ᭄ᬭᬶᬧᬭᬩᬾᬭᬶᬂᬳᬡ᭄ᬥᬢᬸᬮᬸᬗᬶ᭞ᬮᬦ᭄ᬱᬜ᭄ᬚᬢ᭄ᬣ
ᬯ᭄ᬦᬂ᭞ᬫᬢᬾᬦᬶᬦ᭄ᬧ᭄ᬭᬪᬹᬦᬸᬲᭀᬦ᭄ᬢᬭᬶ᭞ᬦᬶᬦᬶᬳᬦᬓ᭄ᬋᬗ᭄ᬕᬦᬶᬲ᭄ᬢᬸᬢ᭄ᬣᬵ᭟ᬳ᭄ᬯᬦᬶᬭᬵᬭᬳᬤᬾᬦ᭄ᬳᬃᬬ᭄ᬬᬕᬸᬭᬶᬢ᭄ᬯᭂᬰᬶ᭞ᬳᬗᬶᬂᬯᬯ᭄ᬓᬲ᭄ᬳᬶᬗ᭄ᬯᬵᬂ᭞ᬦᬶᬦᬶᬫᬃᬕᬾᬂᬤᬭᬢ᭄ᬳᬸᬕᬶ᭞ᬳᬚᬵᬲᬩᬃᬫᬃᬕᬾᬂᬢᬯ᭄ᬯᬵᬂ᭟ᬬᬦ᭄ᬯᬸᬲ᭄ᬧ᭄ᬭᬧ᭄ᬢᬵᬳᬦᬾᬂ
ᬓᭀᬤᭀᬓ᭄ᬳᬶᬓᬂᬳᬸᬓᬶᬃ᭞ᬳᬚᬵᬫᬶᬮ᭄ᬯᬫᬍᬩ᭄ᬯᬵ᭞ᬫᬄᬧᬵᬦ᭄ᬭᬤᬾᬦ᭄ᬫᬦ᭄ᬲᬸᬫᬦ᭄ᬢ᭄ᬭᬶ᭞ᬲᬫ᭄ᬧᬸᬦ᭄ᬫᬭᬕᬵᬲᬸᬓ᭄ᬱ᭄ᬫᬵ᭟ᬫᬦ᭄ᬢᭂᬦᬵᬤᬸᬮᬸᬤᬾᬦᬶᬂᬯᬂᬧᬯᬾᬲ᭄ᬢ᭄ᬭᬶ᭞ᬧ᭄ᬢᭂᬂᬢᬦ᭄ᬓᬢᬶᬗ᭄ᬕᬮᬦ᭄᭞ᬦᬸᬮ᭄ᬬᬳᬫᬶᬢ᭄ᬦᬶᬋᬗ᭄ᬕᬦᬶᬲ᭄᭞ᬓᬮᬶᬄᬭᬤᬾ
ᬦ᭄ᬧᬓᬸᬯᬚᬵ᭟ᬲᬫᬶᬤᬭᬢ᭄ᬮᬓᬸᬲᬓᬶᬂᬕᭂᬃᬓᬢ᭄ᬭᭂᬰᬶ᭞ᬗᬭᬦ᭄ᬳᬃᬕ᭄ᬕᬵᬧᬹᬭᬵ᭞ᬢ᭄ᬓᬵᬩᭂᬦᭂᬃᬮᬓᬸᬦᬾᬓᬶ᭞ᬮᬫ᭄ᬧᬄᬳᬾᬫᬵᬳᬗᬯᬂ᭟ᬢᬦ᭄ᬓᬯᬃᬡ᭄ᬦᬵᬲᬶᬭᬾᬂᬫᬃᬖ᭄ᬕᬵᬯᬸᬲ᭄ᬧ᭄ᬭᬧ᭄ᬢᬶ᭞ᬭᬶᬂᬳᬫ᭄ᬧ᭄ᬬᬦ᭄‌ᬳᬤᬶᬡ᭄ᬥ᭄ᬭᬵ᭞ᬕᬶᬭᬶᬓᬮᬶᬄ
[᭓᭘ 38 A]
ᬳᬭᬃᬬ᭄ᬬᬦᬶ᭞ᬳᬮᭀᬦ᭄ᬫᬢᬸᬃᬤ᭄ᬬᬄᬳᬃᬕ᭄ᬕᬵ᭟ᬳᬶᬗ᭄ᬕᬶᬄᬯ᭄ᬯᬵᬳᬶᬭᬶᬓᬶᬢᬶᬢ᭄ᬬᬂᬗᬦ᭄ᬢᬶ᭞ᬳ᭄ᬯᬳᬸᬕᬵᬫᬍᬩ᭄ᬯ᭞ᬦᬯᬸᬃᬭᬶᬦ᭄ᬧᬸᬦ᭄ᬕᬸᬭᬶᬢ᭄ᬯᭂᬰᬶ᭞ᬥᬹᬄᬲᬸᬦ᭄ᬧᬸᬢ᭄ᬭᬦᬶᬭᬜᬯ᭄ᬯᬵ᭟ᬓ᭄ᬦᬳᬸᬕᬶᬦᬦᬓ᭄ᬳᬬᬸᬗᬦ᭄ᬢᬾᬓ᭄ᬭᬶᬓᬶ᭞ᬭᬶᬓᬶᬓᬂᬗᬦ᭄ᬢᬸ
ᬡ᭄ᬦᬵ᭞ᬲᬶᬕ᭄ᬭᬄᬭᬤᬾᬦ᭄ᬧᬓᬸᬯᬚᬶ᭞ᬮᬸᬗᬵᬫ᭄ᬭᬶᬂᬳᬃᬤᬶᬡ᭄ᬥ᭄ᬭᬳᬶᬃᬬ᭄ᬬᬵ᭟ᬲᬓᬶᬂᬧ᭄ᬭᬫᬦᬶᬂᬲᬹᬓ᭄ᬱ᭄ᬫᬵᬳᬶᬂᬲᬚ᭠ᬢ᭄ᬣᬶ᭞ᬚ᭄ᬭᭀᬦᬶᬂᬕ᭄ᬯᬵᬮ᭄ᬯᬶᬃᬭᬧᬤ᭄ᬥᬵᬂ᭞ᬲᬗᬵᬢᬧᬵᬮ᭄ᬯᬶᬳᬶᬂᬓᬾᬢ᭄ᬣᬶ᭞ᬫᬧᬦ᭄ᬲᬫ᭄ᬧᬸᬦ᭄ᬳᬶᬤᬵᬯᬶᬓᬦ᭄᭟ᬲᬤᬸᬮᬸᬃᬭᬾ
ᬭᬯᬸᬄᬳᬶᬧᬓᬸᬳᬚᬶ᭞ᬯᬸᬲ᭄ᬗᬦ᭄ᬢᬸᬦ᭄ᬲᬗᬵᬢᬧᬵ᭞ᬮᬫᬸᬦ᭄ᬕᬸᬭᬶᬢ᭄ᬯᭂᬰᬶᬓᬂᬧ᭄ᬭᬧ᭄ᬢᬶ᭞ᬲᬕᬺᬧ᭄ᬭᬧ᭄ᬢᬵᬫᬭᬶᬂᬮᬯ᭄ᬯᬵᬂ᭟ᬭᬶᬂᬲ᭄ᬫᬍᬪᬹᬧᬗ᭄ᬕᬶᬄᬮᬯᬦ᭄ᬭᬓᬓᬶ᭞ᬳᬸᬮᬸᬓᬲᬮᬫᬦ᭄᭞ᬭᬤᬾᬦ᭄ᬳᬃᬬ᭄ᬬᬧᬓᬸᬯᬚᬶ᭞ᬫᬭᬳᬶᬂᬳᬡ᭄ᬥᬵ
ᬲᬗᬢ᭄ᬧᬵ᭛ᬧᬹᬄ᭞ᬥᬂᬥᬂ᭞᭛ᬦᬹᬮ᭄ᬬᬲᬮᬫ᭄ᬚᬯᬢ᭄ᬢᬗᬦ᭄ᬓᬮᬶᬄ᭞ᬦᬹᬮ᭄ᬬᬍᬗ᭄ᬕᬄ᭞ᬳᬃᬬ᭄ᬬ᭠ᬧᬓᬸᬯᬚᬵ᭞ᬓᬶᬤᬵᬫ᭄ᬫᬢ᭄ᬳᬢᬹᬃᬲᭂᬫ᭄ᬩᬳᬾ᭞ᬲᬂᬯᬶᬓᬸᬦᬸᬮ᭄ᬬᬗ᭄ᬭᬗ᭄ᬓᬸᬮ᭄᭞ᬲᬃᬯᬶᬗᬭᬲ᭄ᬓᬶᬕᬸᬭᬶᬢ᭄ᬯᬰᬶ᭞ᬤᬹᬄᬳᬃᬬ᭄ᬬ