[᭓᭒ 32 B]
᭓᭒
ᬦ᭄ᬢᬗᬦ᭄ᬓᬮᬶᬄ᭞ᬫᬗ᭄ᬓᬾᬚᬬᬾᬂᬭᬡ᭄ᬦᬵ᭞ᬳᬗ᭄ᬭᬭᬾᬫ᭄ᬧᭀᬂᬭᬶᬂᬓᬶᬲ᭄ᬫᬵ᭞ᬯᬮᬶᬯᬮᬶᬢᬶᬦᬸᬫ᭄ᬩᬓᬶᬦ᭄᭞ᬳᬵᬗ᭄ᬳᬶᬂᬢᬦ᭄ᬧᬲᬄ᭞ᬲᬹᬮ᭄ᬢᬦ᭄ᬮᬭᬵᬢᬦ᭄ᬲᬶᬧᬶ᭞ᬳᬫᬸᬂᬭᬱᬵᬭᬶᬂᬭᬕᬵᬤᬢ᭄ᬢᬦ᭄ᬧᬳᬢ᭄ᬫᬵ᭞ᬳᬦᬸᬲᬸᬧ᭄ᬩᬶᬮᬂᬲᬡ᭄ᬥᬶ᭞ᬧᬺᬫ
ᬦ᭄ᬢ᭄ᬭᬶᬳᬶᬂᬫ᭄ᬓᬄ᭞ᬳᬗ᭄ᬭᬩᬸᬢᬶᬭᬢᬸᬤ᭄ᬬ᭞ᬳᬶᬦᭀᬲᭀᬂᬫᬸᬡ᭄ᬥᬸᬃᬭᬶᬂᬚᬸᬭᬶᬢ᭄᭞ᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬲᬂᬧ᭄ᬭᬪᬹᬦᬸᬲᭀᬦ᭄ᬢᬭᬶ᭟ᬓᬧ᭄ᬮᭀᬓ᭄ᬢᬗᬦ᭄ᬕᬸᬫᬸᬬᬸᬳᬲ᭄ᬕᬸᬓ᭄ᬱ᭄ᬕᬸᬓ᭄᭞ᬲᬩᬃᬢ᭄ᬕᭂᬦ᭄ᬧᬸᬦ᭄ᬳᬫᬶᬃ᭞ᬤᬸᬭᬸᬂᬲᬸᬦ᭄ᬯᬦᭂᬳᬵ᭞ᬲᬸᬦ᭄ᬱᭂᬗᬾᬄ
ᬢᬦ᭄ᬧ᭄ᬭᬓᭀᬱᬵ᭞ᬓᬲᬓ᭄ᬢᬾᬦ᭄ᬫᬦᬶᬭᬚᬸᬭᬶᬢ᭄᭞ᬳᬫ᭄ᬱ᭄ᬬᬄᬓᬲᭀᬭᬦ᭄᭞ᬤᬾᬦᬶᬂᬧᬹᬦ᭄ᬱ᭄ᬭᬧᬵᬪᬹᬫ᭄ᬫᬶ᭟ᬭᬚᬵᬦᬸᬃᬲᬶᬯ᭄ᬯᬵᬗᬶᬕᭂᬮ᭄ᬱᬃᬯᬶᬦᬶᬢ᭄ᬣᬶᬄᬓᬸᬤ᭄ᬥᬵ᭞ᬳᬥᬹᬄᬳᬦᬓ᭄ᬲᬹᬦ᭄ᬫᬗ᭄ᬓᬶᬦ᭄᭞ᬬ᭄ᬯᬓ᭄ᬢᬶᬢᬦ᭄ᬳᬸᬭᬸᬗᬵ᭞ᬳᬫᬢ᭄ᬯᬫᬭᬶᬂ
ᬗ᭄ᬯᬂ᭞ᬫᬃᬧᬶᬦ᭄ᬢᬸᬲᬸᬦ᭄ᬲ᭄ᬭᬳᬶᬦ᭄᭞ᬭᬶᬂᬲᬶᬭᬵᬜᬯ᭄ᬯᬵ᭞ᬲᬂᬧ᭄ᬭᬪᬹᬦᬸᬲᭀᬦ᭄ᬢᬭᬶ᭟ᬳᬯᭀᬓ᭄ᬰᭂᬫ᭄ᬩᬄᬩ᭄ᬘᬶᬓ᭄ᬫᬦ᭄ᬢᬸᬓᬵᬳᬸᬕᬵ᭞ᬳᬫ᭄ᬱ᭄ᬬᬄᬭᬶᬂᬳᬾᬦᬵᬚᬂᬳᬾᬜ᭄ᬚᬶᬂ᭞ᬯ᭄ᬬᬓ᭄ᬢᬶᬢᬦ᭄ᬳᬸᬭᬸᬗᬵ᭞ᬦᬸᬗ᭄ᬓᬸᬮ᭄ᬫᬮᬓᬸᬕ᭄ᬱᬂ᭞ᬳᬲᬾᬩᬵᬭᬶᬂᬦᬸᬲᭀ᭠
[᭓᭓ 33 A]
ᬦ᭄ᬢᬭᬶ᭞ᬫᬭᬶᬂᬓᬳᬸᬮᬵ᭞ᬳᬫᬸᬦ᭄ᬲᬢ᭄ᬬᬵᬧᬸᬦ᭄ᬳᬫᬶᬃ᭟ᬦᭀᬭᬍᬗ᭄ᬕᬡ᭄ᬦᬵᬗᬯᬸᬮᬵᬫᬭᬶᬂᬓᬯᬸᬮᬵ᭞ᬳᬫ᭄ᬩᬵᬳᬗ᭄ᬕᬯᬾᬫᬦ᭄ᬢ᭄ᬭᬶ᭞ᬲᬂᬧ᭄ᬭᬪᬹᬦᬹᬃᬲᬶᬯ᭄ᬯᬵᬦ᭄᭞ᬲᬸᬓᬵᬕᬸᬫᬸᬬᬸᬮᬢ᭄ᬣᬄ᭞ᬤᬦ᭄ᬫᬦ᭄ᬢᬸᬓ᭄ᬲᬂᬧ᭄ᬭᬪᬹᬓᬮᬶᬄ᭞ᬭᬶᬂᬦᬸᬲᭀᬦ᭄ᬢᬭ᭞
ᬳᬲᬸᬓᬦ᭄ᬱ᭄ᬬᬂ᭛ᬧᬹᬄ᭞ᬥᬂᬥᬂ᭞᭛ᬓᬶᬫᬮᬂᬲᬸᬫᬶᬭᬂᬓᬯᬃᬦᬶ᭞ᬳᬶᬂᬕᭂᬕᬡ᭄ᬦᬵ᭞ᬳᬜᬗ᭄ᬓᬶᬮ᭄ᬫᬃ᭠ᬫᬬᬵ᭞ᬳᬦᬸᬚᬸᬕᬸᬦᬸᬂᬯᬚᬵᬦᬾ᭞ᬭᬯᬸᬄᬲᬶᬕᬃᬓᬂᬕᬸᬡᬹᬂ᭞ᬳᬸᬫᬃᬫᬬᬵᬧᬶᬦᭂᬡ᭄ᬥᭂᬫ᭄ᬤᬲᬭᬶᬂᬳᬃᬥᬶ᭞ᬯᬸᬲ᭄ᬧᬶᬦᬸ
ᬮᬂᬳᬶᬗᬹᬢ᭄ᬣᭂᬧᬦ᭄᭞ᬓᬓᬲᬂᬗᬾᬓᬫ᭄ᬩᬶᬮ᭄ᬳᬶᬓᬸ᭞ᬤᬾᬦᬶᬂᬓᬶᬫᬮᬂᬲᬸᬫ᭄ᬭᬵᬂ᭞ᬓᬶᬫᬃᬫᬬᬵ᭞ᬧᬺᬦᬳᬾᬭᬶᬂᬤᬲᬃᬭᬶᬂᬳᬃᬤ᭄ᬥᬶ᭞ᬲ᭄ᬬᬂᬤᬮᬸᬳᬲᭂᬫ᭄ᬩᬢ᭄᭟ᬲᬲᬫ᭄ᬩᬢᬾᬮ᭄ᬯᬶᬃᬲᬸᬡ᭄ᬥᬭᬶᬳᬗ᭄ᬭᬗᬶᬄ᭞ᬫᬮᬂᬲᬸᬫ᭄ᬭᬂ᭞ᬫᬸᬮ᭄ᬬᬾᬦᬸ
ᬲᭀᬦ᭄ᬢᬭᬵ᭞ᬧᬋᬓ᭄ᬭᬶᬂᬲᬶᬭᬭᬓᬦᬾ᭞ᬲᬢᬶᬗ᭄ᬓᬄᬲᬫ᭄ᬬᬢᬶᬦᬸᬢᬹᬃ᭞ᬓᬧᬶᬃᬫᬬᬵᬲᬶᬗ᭄ᬕᬶᬄᬲᬗᬚᬶ᭞ᬯᬸᬲ᭄ᬤᬥᬶᬤᬲᬃᬭᬶᬂᬳᬃᬖ᭄ᬕᬵ᭞ᬲᬶᬦᬂᬲᬭᬵᬢᬫ᭄ᬩᬓ᭄ᬮᬬᬸᬂ᭞ᬳᬕ᭄ᬮᬶᬲ᭄ᬫᬮᬂᬲᬸᬫᬶᬭᬂ᭞ᬓᭂᬓᬲᬗᬾᬓᬶᬕᬸᬭᬶᬢ᭄ᬯᭂᬰᬶ᭞ᬲᬂᬦ
Kaca:Bali-lontar-gaguritan-kendit-birayung-300ppi.pdf/33
Kaca puniki sampun kauji-wacén
