[᭒᭙ 29 B]
᭒᭙
ᬢᬢᬲ᭄ᬓᬂᬭᬳᬶᬡ᭄ᬦᬵ᭞ᬲᬂᬧ᭄ᬭᬪᬹᬳᬶᬂᬦᬸᬲᭀᬦ᭄ᬢᬭᬶ᭞ᬗᭂᬲᬾᬗᬶᬦ᭄ᬭᬓᬵᬭᬳᬶᬢᬸᬳᬸ᭞ᬚ᭄ᬭᭀᬦᬶᬂᬓᬲ᭄ᬫᬰ᭄ᬭᭂᬧᬪᬹᬫ᭄ᬬ᭞ᬫᬮᬂᬲᬸᬫᬶᬭᬂᬫ᭄ᬭᬶᬂᬮᬸᬳᬸᬃ᭞ᬢᬸᬫᬸᬭᬶᬦ᭄ᬫᬭᬳᬶᬂᬓᬶᬲ᭄ᬫᬵ᭞ᬦᬸᬮ᭄ᬬᬫᬸᬗ᭄ᬕᬄᬰᬺᬧᬵᬪᬹᬫ᭄ᬫᬶ᭟ᬳᬮᬶᬗ᭄ᬕᬶᬳᬵᬯᬸᬲᬚᬵ
ᬚᬃ᭞ᬮᬯᬦ᭄ᬱᬶᬭᬰ᭄ᬭᬶᬪᬹᬧᬢ᭄ᬣᬶ᭞ᬲᬂᬦᬢ᭄ᬣᬵᬭᬭᬶᬲ᭄ᬳᬸᬫᬢᬹᬃ᭞ᬳᬤᬹᬄᬬ᭄ᬬᬬᬶᬰ᭄ᬭᬧᬵᬩᬸᬫ᭄ᬬ᭞ᬓᬓᬂᬧᬮᬂᬲᬸᬫᬶᬭᬂᬫᬗ᭄ᬓᬾᬲᬸᬦ᭄ᬫᬕᬸᬢ᭄᭞ᬳᬶᬢ᭄ᬯᬦ᭄ᬚᬬᬾᬂᬭᬡ᭄ᬦᬵ᭞ᬬ᭄ᬬᬬᬶᬚ᭄ᬭᭀᬦᬶᬂᬳᬶᬓᬂᬲᬶᬢ᭄ᬣᬶ᭟ᬳᬫᬕᬸᬢᬶᬲ᭄ᬓᬃᬬᬓ᭄ᬱᬵ᭞ᬢᬸᬗ᭄ᬕᬗ
ᬦᬾᬳᬶᬢ᭄ᬯᬦ᭄ᬳᬫ᭄ᬫᬶᬃ᭞ᬲᬸᬓᬸᬦᬾᬳᬶᬓᬵᬳᬶᬗᬸᬜ᭄ᬘᬸᬮ᭄᭞ᬳᬚᬵᬢᬶᬯ᭄ᬯᬲ᭄ᬭᬶᬂᬯ᭄ᬓᬰᬶᬗ᭄ᬯᬵᬂ᭞ᬯᭂᬓᬲ᭄ᬓᬓᬂᬲᬸᬫᬶᬭᬂᬳᬶᬓᬸ᭞ᬘᬡ᭄ᬥᬓᬶᬳᬸᬫᬃᬫᬬᬵ᭞ᬤᬾᬦ᭄ᬧᬺᬬᬢ᭄ᬦᬵᬓᬓᬂᬗᬶᬦ᭄ᬢᬶᬧ᭄᭟ᬳᬶᬓᬂᬗᬭᬦ᭄ᬳᬸᬫᬃᬫᬬᬵ᭞ᬦᬾᬂᬯᬶᬗ᭄ᬓᬶᬂᬗᬦᬵᬲᬗᬚᬶ᭞
ᬧ᭄ᬭᬦᬳᬾᬫᬃᬫᬬᬾᬓᬸ᭞ᬲᬡ᭄ᬥᭂᬃᬭᬡ᭄ᬦᬵᬲᬓᬶᬂᬢᬢ᭄ᬯᬵᬶ᭞ᬲᬯᬸᬃᬓᬂᬯᬶᬦ᭄ᬓᬲ᭄᭞ᬲ᭄ᬯᬾᬲᬸᬦ᭄ᬫᬶᬚᭂᬢ᭄ᬭᬢᬶᬓᬸ᭞ᬫᬓᬵᬫ᭄ᬯᬂᬓᬶᬫᬃᬫᬬᬵ᭞ᬯ᭄ᬯᬲ᭄ᬓᬕᭂᬫ᭄ᬫᬶᬂᬳᬱ᭄ᬝᬵᬓᬮᬶᬄ᭛ᬧᬹᬄ᭞ᬯᬡ᭄ᬥᬭᬧ᭄ᬢᬓ᭄᭞᭛ᬅᬢᬸᬭᬾᬧᬸᬦ᭄ᬧᬺᭂᬧᬵᬪᬹᬫ᭄ᬬ᭞
[᭓᭐ 30 A]
ᬳᬶᬗ᭄ᬕᬶᬄᬲᬡ᭄ᬥᬶᬓᬦ᭄ᬲᬂᬳᬚᬶ᭞ᬲᬳᬶᬗ᭄ᬕᬸᬳᬾᬲ᭄ᬓᬃᬤᬶᬢ᭄ᬬ᭞ᬓᬳᬸᬮᬵᬫᬕᬸᬢ᭄ᬭᬶᬂᬲᬶᬢ᭄ᬣᬶ᭞ᬧᬸᬢᬸᬲ᭄ᬭᬭᬲᬦ᭄ᬲᬫᬶ᭞ᬫᬮᬂᬲᬸᬫᬶᬭᬂᬤᬦ᭄ᬫᬫ᭄ᬩᬸᬃ᭞ᬳᬦᬶᬢᬶᬄᬦᬖ᭄ᬕᬵᬚᬤ᭄ᬫᬵ᭞ᬲᬓᬶᬂᬢᬯᬂᬳᬗᬶᬫ᭄ᬩᬂᬗᬶ᭞ᬰᬺᬧᬵᬪᬹᬫᬶ᭞ᬳᬫᬶᬢ᭄ᬳᬍᬩ᭄ᬯᬾᬂ
ᬓᬲ᭄ᬫᬵ᭟ᬓᭂᬡ᭄ᬥᬶᬢ᭄ᬩᬶᬭᬬᬸᬂᬤᬦ᭄ᬮᬶᬗ᭄ᬕᬭᬵ᭞ᬅᬦᬶᬢ᭄ᬣᬶᬄᬯᬶᬮ᭄ᬫᬡ᭄ᬦᬵᬧᬹᬢᬶᬄ᭞ᬓᬥᬶᬲᬶᬗᬵᬳᬦᭀᬫᬗ᭄ᬲᬵ᭞ᬚᬢ᭄ᬫᬶᬓᬵᬲᬶᬓᭂᬧ᭄ᬲᬸᬮᬶᬕᬶ᭞ᬪᬹᬩᬃᬲᬂᬧ᭄ᬭᬪᬹᬓᬮᬶᬄ᭞ᬲᬫ᭄ᬬᬵᬓᭂᬫ᭄ᬩᬃᬧᬚᭂᬂᬳᬕᬸᬂ᭞ᬲ᭄ᬭᬢ᭄ᬣᬵᬳᬢᬢᬩ᭄ᬯᬦ᭄᭞ᬩᬶᬡ᭄ᬦᬓ
ᬬᬵᬧᬲᬶᬃᬫᬶᬮᬶ᭞ᬓᬓᬵᬭᬶᬕᬦ᭄᭞ᬳᬗᬶᬭᬶᬂᬳᬶᬤᬵᬲᬂᬦᬢ᭄ᬣᬵ᭟ᬫ᭄ᬢᬸᬳᬶᬂᬚᬯᬶᬦᬶᬂᬦ᭄ᬕᬭᬵ᭞ᬫᬜ᭄ᬚᬶᬂᬳᬶᬂᬓᬸᬤᬵᬮᬦ᭄ᬳᬱ᭄ᬝᬶ᭞ᬓᬶᬦᭀᬬᬦ᭄ᬓ᭄ᬭᬘᬶᬓᬶᬂᬳᬲ᭄ᬢ᭄ᬭᬵ᭞ᬧᬓᬸᬭᬾᬦ᭄ᬢᬵᬂᬯᬯᭀᬲ᭄ᬕᬢ᭄ᬣᬶᬓ᭄᭞ᬢᬶᬦᬫ᭄ᬧᬹᬄᬤᬾᬦᬶᬂᬳᬗᬶᬦ᭄᭞ᬓ
ᬤ᭄ᬥᬶᬳ᭄ᬮᬕᬄᬓᬢᬸᬦᬹ᭞ᬕᬺᬤᭂᬕ᭄ᬯᬤ᭄ᬬᬮᬸᬫᬫ᭄ᬧᬄ᭞ᬕᬸᬦ᭄ᬢᬸᬃᬢᬦ᭄ᬫᬯᬶᬭᬶᬭᬶᬲ᭄᭞ᬯᬸᬲᬢ᭄ᬢᬕᭂᬦ᭄᭞ᬥᬹᬫᬶᬢ᭄ᬣᬵᬧᬕᬸᬢ᭄ᬢᬶᬂᬬᬸᬤ᭄ᬥᬵ᭛ᬧᬹᬄ᭞ᬢ᭄ᬕᭂᬄ᭞᭛ᬧ᭄ᬭᬪᬹᬓᬮᬶᬄᬯᬸᬲ᭄ᬧ᭄ᬭᬧ᭄ᬢᬵᬭᬶᬂᬳᬭᬳᬭᬄ᭞ᬲᬃᬯ᭄ᬯᬳᬦᬢ᭄ᬣᬄᬩᬭᬶᬲ᭄᭞ᬯ᭠
Kaca:Bali-lontar-gaguritan-kendit-birayung-300ppi.pdf/30
Kaca puniki sampun kauji-wacén
