[᭒᭘ 28 B]
᭒᭘
ᬲᬶᬕ᭄ᬭᬵᬜᬡ᭄ᬥᬶᬓᬮᬶᬄᬳᬶᬓᬸ᭞ᬓᭀᬦ᭄ᬢᬮ᭄ᬢᭂᬩᬶᬄᬤᬶᬦᬤᬭᬦ᭄᭞ᬓᬮᬶᬄᬳᬶᬭᬵ᭞ᬳᬾᬭᬦ᭄ᬲᬶᬭᬵᬓᭀᬦ᭄ᬢᬮ᭄ᬢᭂᬩᬶᬄ᭞ᬤᬾᬦᬶᬂᬪᬹᬲᬡ᭄ᬦᬓᬂᬫᬸᬮ᭄ᬬ᭟ᬧᬮᬵᬫᬺᬝ᭄ᬣᬦᬾᬓᬂᬮᬶᬦ᭄ᬢᬵᬂᬮ᭄ᬯᬶᬄ᭞ᬳᬶᬗᬭᬡ᭄ᬦᬦ᭄᭞ᬚᬬᬾᬂᬫᬹᬃᬢ᭄ᬬᬳᬶ
ᬓᬵ᭞ᬫᬸᬲᬸᬄᬤᬾᬦ᭄ᬲᬦ᭄ᬤᬤᬂᬭᬾᬦ᭄᭞ᬓᭀᬦ᭄ᬢᬮ᭄ᬢᭂᬩᬶᬄᬳᬭᬶᬲ᭄ᬫᬢᬸᬃ᭞ᬳᬫᬶᬣᬫ᭄ᬩᬵᬳᬫᬦ᭄ᬢᬸᬓᬶ᭞ᬳᬾᬜ᭄ᬚᬂᬳᬸᬕᬵᬳᬧ᭄ᬭᬂ᭞ᬳᬗᬡ᭄ᬥᬶᬓᬵᬚᬬᬾᬂᬲᬢ᭄ᬭᬸ᭞ᬮᬄᬲᬶᬭᬵᬳᬸᬫᬦ᭄ᬢᬸᬓᬵ᭞ᬲᬶᬕ᭄ᬭᬵᬮᬶᬗ᭄ᬕᬃ᭞ᬢᬦ᭄ᬓᭀᬘᬧᬵᬲᬶᬭᬾᬂᬫᬃᬕ᭄ᬕᬶ
᭞ᬯᬹᬲ᭄ᬧ᭄ᬭᬧ᭄ᬢᬵᬳᬶᬦᬸᬲᭀᬦ᭄ᬢᬭᬵ᭟ᬳᬸᬫᬋᬓ᭄ᬭᬶᬂᬰ᭄ᬭᬶᬪᬹᬧᬢ᭄ᬣᬶ᭞ᬯᬹᬲ᭄ᬓᬢᬸᬃᬭᬂᬓᬂᬧᬺᬚᬜ᭄ᬚᬶᬳᬶᬓᬵ᭞ᬳᬾᬜ᭄ᬚᬶᬂᬫᬶᬬᭀᬲ᭄ᬧᬧ᭄ᬭᬂᬗᬾ᭞ᬲᬸᬓᬵᬧ᭄ᬭᬪᬹᬓᭂᬡ᭄ᬥᬶᬢ᭄ᬩᬶᬬᬸᬭᬬᬸᬂ᭞ᬳᬦᬸᬮ᭄ᬬᬓᬲᬧᬸᬢᬶᬂᬯ᭄ᬗᬶ᭞ᬲᬶᬕ᭄ᬭᬄᬫᬭᬩᭀᬖ᭄ᬕᬵᬤ᭄ᬭ
ᬯᬶᬡ᭄ᬦᬵ᭞ᬲᬓ᭄ᬯᬾᬄᬫᬦ᭄ᬢ᭄ᬭᬶᬧᬸᬗ᭄ᬕᬯ᭄ᬯᬵᬳᬶᬓᬸ᭞ᬦᬸᬲᭀᬦ᭄ᬢᬭᬵᬦᬹᬃᬲᬶᬯ᭄ᬯᬵᬦ᭄᭞ᬲᬶᬦᬚ᭄ᬬᬾᬡ᭄ᬦᬦ᭄᭞ᬧᬭᬯᬦ᭄ᬮᬵᬮᬳᬵᬤᬾᬦᬶᬂ᭞ᬕᬫ᭄ᬮᬵᬦ᭄ᬫᬸᬦ᭄ᬬᬳᬶᬂᬧᬲᬾᬩᬦ᭄᭟ᬍᬮᬯᬸᬳᬾᬲᬸᬲᬸᬦ᭄ᬱᬶᬦᬸᬲᬸᬦᬶ᭞ᬳᬾᬘᬤᬳᬃ᭞ᬭᬢᬸ
[᭒᭙ 29 A]
ᬓᬧᬶᬃᬳᬶᬓᬵ᭞ᬤᬤᭀᬬᬦ᭄ᬢᬶᬫ᭄ᬩᬸᬂᬤᭀᬗ᭄ᬓᬂᬗᬾ᭞ᬮᬮᬶᬦ᭄ᬢᬄᬳᬗ᭄ᬕᬾᬦ᭄ᬧᬺᬪᬹᬓ᭄᭞ᬧᬶᬦ᭄ᬤᬗᬦ᭄ᬓᬸᬮᬸᬓᬾ᭠ᬓᬧᬸᬚᬶ᭞ᬳᬸᬮᬵᬩ᭄ᬘᬶᬂᬮᬮᬯ᭄ᬬᬵᬃ᭞ᬧᭂᬜ᭄ᬘᭀᬓ᭄ᬓᬘᬂᬮᬸᬢᬸᬂ᭞ᬲᬢ᭄ᬣᬾᬮᬸᬩᬓ᭄ᬧ᭄ᬮᬵᬘᬶᬂᬮᬡ᭄ᬥᬓ᭄᭞ᬚᬢ᭄ᬢᬄᬩᬶᬚᬵᬮ᭄᭞ᬳᬸ
ᬭᬩ᭄ᬕᭀᬭᬾᬂᬮᬯ᭄ᬯᬵᬃᬘᬶᬘᬶᬂ᭞ᬫᬓᭀᬫ᭄ᬫᭀᬄᬕ᭄ᬢᬶᬄᬮᬮᬶᬦ᭄ᬢᬄ᭟ᬯᬸᬲ᭄ᬮᬸᬯᬃᬲᬫᬶᬳᬫ᭄ᬩᬸᬓ᭄ᬢᬶ᭞ᬮᬦ᭄ᬤᬤᬳᬃ᭞ᬧ᭄ᬭᬫᬦ᭄ᬢ᭄ᬭᬶᬧᬹᬗ᭄ᬕᬯ᭄ᬯᬵ᭞ᬲᬂᬧ᭄ᬭᬪᬹᬓᬮᬶᬄᬯᬸᬯᬸᬲᬾᬲᬂᬦᬝ᭄ᬣᬓᭂᬡ᭄ᬥᬶᬢ᭄ᬩᬶᬭᬬᬹᬂ᭞ᬓᬮᬯᬦ᭄ᬧ᭄ᬭᬪᬹᬫ᭄ᬥᬬᬶᬦ᭄᭞ᬧᬺᬱᬫ᭄ᬬᬳ
ᬕᬸᬦᭂᬫ᭄ᬬᬤ᭄ᬥᬵ᭞ᬮᬓᬸᬦᬾᬲᬜ᭄ᬚᬢ᭄ᬣᬵᬳᬾᬲᬸᬓ᭄᭞ᬦᭀᬭᬲᬭᬾᬧ᭄ᬭᬪᬹᬓᬃᬯ᭄ᬯᬵ᭞ᬩᬂᬩᬂᬯᬾᬢ᭄ᬣᬦ᭄᭞ᬲᬂᬧ᭄ᬭᬪᬹᬗᬓᬾᬦ᭄ᬕᭀᬂᬕᭂᬡ᭄ᬥᬶᬂ᭞ᬫ᭄ᬯᬂᬦᭂᬧᬓᬶᬂᬩᬡ᭄ᬥᬮᬾᬦ᭄ᬥᬂ᭟᭛ᬧᬹᬄ᭞ᬳᬸᬦ᭄ᬢᬢ᭄᭛ᬓᬾᬄᬳᬶᬯᬤ᭄ᬬᬦᬸᬲᭀᬦ᭄ᬢᬭᬵ
᭞ᬳᬦᬫ᭄ᬩᬸᬢ᭄ᬕᬕᬫᬦᬶᬂᬚᬸᬭᬶᬢ᭄᭞ᬗᬸᬗ᭄ᬲᬶᬳᬶᬂᬧᬲᬾᬩᬦ᭄ᬢᬸᬫ᭄ᬧᬸᬮ᭄᭞ᬢᬸᬫ᭄ᬩᬓ᭄ᬢᬸᬮᬸᬧ᭄ᬩ᭄ᬥᬶᬮ᭄ᬧ᭄ᬥᬵᬂ᭞ᬲᬫ᭄ᬧᬸᬦ᭄ᬳᬾᬩᭂᬓ᭄᭞ᬯᬤ᭄ᬬᬲᬂᬓᭂᬡ᭄ᬥᬶᬢ᭄ᬩᬶᬭᬬᬹᬂ᭞ᬢᬶᬦᬩᬸᬄᬧᬸᬦᬂᬢᭂᬗ᭄ᬭᬦ᭄᭞ᬓᬥᬶᬳᭀᬋᬕ᭄ᬓᬂᬧᬺᬣᬶᬯᬷ᭟ᬩ᭄ᬬᬃᬭᬵ
Kaca:Bali-lontar-gaguritan-kendit-birayung-300ppi.pdf/29
Kaca puniki sampun kauji-wacén
