Kaca:Bali-lontar-gaguritan-kendit-birayung-300ppi.pdf/25

Saking Wikisource
Kaca puniki sampun kauji-wacén

[᭒᭔ 24 B]
᭒᭔
ᬥᬹᬄᬬᬬᬶᬫᬲ᭄᭞ᬳᬚᬵᬯᬮᬂᬤ᭄ᬭᬶᬬᬵ᭞ᬩᬾᬤᬓᬤᬶᬳᬶᬂᬤᬸᬫᬸᬦᬾ᭞ᬬ᭄ᬯᬓ᭄ᬢᬶᬳᬶᬗᬸᬦᬶᬢᬸᬳᬸ᭞ᬓᬓᬂᬳᬃᬱᬵᬳᬗᬫ᭄ᬩᬶᬮ᭄᭞ᬫᬗ᭄ᬓᬾᬲᬸᬦ᭄ᬳ᭄ᬭᬱᬵᬢ᭄ᬯᬵ᭞ᬤᬾᬯᬶᬳᬃᬕᬵᬧᬹᬭᬲᬸᬫᬯᬸᬃ᭞ᬬᬦ᭄ᬳᬦ᭄ᬥᬶᬓᬵᬦᭀᬭᬕᬗ᭄ᬕᬸᬢ᭄ᬯᬵ᭞
ᬮᬫᭂᬦ᭄ᬢᭂᬫᭂᬦ᭄᭞ᬬᬦ᭄ᬧ᭄ᬭᬧ᭄ᬢᬵᬲᬂᬤ᭄ᬬᬄᬓ᭄ᬢᬶ᭞ᬯᬃᬡ᭄ᬦᬦᬾᬳᭂᬦ᭄ᬢᬾᬓᭂᬦ᭄ᬳᬢ᭄ᬬᬵ᭟ᬲᬗ᭄ᬕᬸᬧ᭄ᬳᬡ᭄ᬥᬶᬓᬵᬳᬩᬃᬬ᭄ᬬᬓ᭄ᬢᬶ᭞ᬳᬬ᭄ᬯᬕᬗ᭄ᬕᬸ᭞ᬫᬭᬸᬕᬸᬮᬶᬂᬳᬗ᭄ᬕᬵ᭞ᬭᬤᬾᬦ᭄ᬩᬜ᭄ᬚᬃᬭᬦ᭄ᬲᬭᬶᬦᬾ᭞ᬗᬦ᭄ᬤᬶᬓᬵᬮᬫᬸᬦ᭄ᬲᬸᬦ᭄ᬕᬗ᭄ᬕ᭄ᬯᬵ᭞ᬫᭀᬕᬵ
ᬲᬸᬦ᭄ᬳᬳᬾᬜ᭄ᬚᬶᬂ᭞ᬲᬶᬦᬯᬸᬧᬶᬂᬕ᭄ᬭᬸᬤᬵᬦ᭄ᬬᬵ᭞ᬬᬦ᭄ᬭᬶᬂᬢᭀᬬᬧᬶᬦᬲ᭄ᬢᬸ᭞ᬫᭀᬕᬲᬶᬦᬭᬧ᭄ᬤᬾᬦᬶᬂᬳᭂᬫ᭄ᬧᬲ᭄᭞ᬬᬦᭂᬫᬸᬭᬶᬂ᭞ᬳᬓᬾᬄᬗ᭄ᬭᬪᬹᬢ᭄ᬓᬂᬧᬶᬦᬗ᭄ᬕᬶᬄ᭞ᬬᬾᬦ᭄ᬳᬶᬲᬸᬦ᭄ᬘᬶᬤ᭄ᬭᬵᬳᬶᬂᬚᬵᬜ᭄ᬚ᭄ᬬᬵ᭟ᬲᬶᬭᬤᬾᬯᬶᬳᬬᬸᬭ
ᬢ᭄ᬦᬵᬋᬗ᭄ᬕᬦᬶᬲ᭄᭞ᬳᬫᬭᬦᬶᬦ᭄᭞ᬯᬶᬢ᭄ᬓᬫᭀᬦᬶᬂᬳᬶᬓᬵ᭞ᬳᬦᬶᬫ᭄ᬩᬮᬶᬲᬂᬧᬹᬢ᭄ᬭᬶᬦᬾ᭞ᬲᭀᬃᬭᬶᬂᬓᬫᭀᬦᬶᬂᬳᬮᬸᬗ᭄ᬕᬸᬄ᭞ᬲᬂᬤ᭄ᬬᬄᬳᬶᬓᬵᬳᬲᬶᬗᬶᬤ᭄᭞ᬲᬶᬕᬺᬱᬂᬤ᭄ᬬᬄᬧᬶᬦᬭᬦᬦ᭄᭞ᬦᬶᬳᬫ᭄ᬩᬭᬯᬢ᭄ᬣᬶᬧᬸᬦᬶᬓᬸ᭞
[᭒᭕ 25 A]
ᬓᬶᬦᬦ᭄ᬢᬾᬦᬶᬂᬳᬱ᭄ᬝᬵᬦᬶᬭᬵ᭞ᬤᬾᬯᬶᬳᬃᬕᬵ᭞ᬫᬭᬶᬂᬲᭀᬭᬶᬂᬦᬖ᭄ᬕᬵᬲᬭᬶ᭞ᬕᬸᬫᬶᬯᬂᬧᬥ᭄ᬥᬂᬗᬶᬂᬘᬡ᭄ᬥ᭄ᬭᬵ᭛ᬧᬹᬄ᭞ᬦᭀᬭᬓᬼᬫ᭄᭞᭛ᬭᬶᬢᬢ᭄ᬓᬮᬵᬧᬹᬃᬦᬫ᭄ᬫᬲᬶᬡ᭄ᬥᬶᬂᬦᬶᬂᬭᬢ᭄ᬣᬶᬄ᭞ᬯᬃᬡ᭄ᬦᬦᬶᬂᬲᬂᬤ᭄ᬬᬄ᭞ᬲᬂᬓᬮᬶᬄᬬᬦ᭄ᬤᬶᬦᬸ
ᬮᬸᬦᬶᬂᬢᬦ᭄ᬳᬦᬵᬳᬶᬓᬵᬓᬲᭀᬭᬦ᭄᭟ᬲᬓᬶᬂᬧᬹᬃᬯ᭄ᬯᬵᬮ᭄ᬯᬶᬃᬪᬲ᭄ᬓᬭᬓᭂᬫ᭄ᬩᬃᬫᬶᬚᬶᬮ᭄᭞ᬓᬂᬳᬦᬗ᭄ᬓᬶᬮ᭄ᬳᬶᬓ᭞ᬲᬫ᭄ᬬᬚᭂᬗᭂᬃᬳᬦᬶᬗᬮᬶᬦ᭄᭞ᬫᬲᬬᬸᬳᬶᬂᬳᬃᬕᬵᬧᬸᬭᬵ᭟ᬢ᭄ᬯᬶᬳᬚᬚᬵᬃᬲᬂᬤ᭄ᬬᬄᬓᬮᬶᬄᬳᬮᬶᬗ᭄ᬕᬶᬄ᭞ᬮᬦ᭄ᬧᬸᬢ᭄ᬭᬶ᭠
ᬦᬸᬲᭀᬦ᭄ᬢᬭᬵ᭞ᬢᬦ᭄ᬧᬾᬡ᭄ᬥᬄᬚᬫ᭄ᬩᬾᬢᬶᬦᭂᬩᬶᬄ᭞ᬭᬤᬾᬦ᭄ᬫᬲ᭄ᬩᬜ᭄ᬚᬃᬭᬦ᭄ᬲ᭄ᬓᬃ᭟ᬳᬦᬶᬗ᭄ᬕᬮ᭄ᬲᬂᬧᬸᬢ᭄ᬭᬶᬯᬸᬯᬸᬧ᭄ᬭᬧ᭄ᬢᬶ᭞ᬫᬗᬸᬘᬧᬶᬂᬦᬮᬵ᭞ᬲᬂᬧᬸᬢ᭄ᬭᬶᬳᬫ᭄ᬩᬭᬯᬢ᭄ᬣᬶ᭞ᬳᬬᬸᬧᬦ᭄ᬢᭂᬲ᭄ᬯᬃᬡ᭄ᬦᬦᬶᬭ᭟ᬢ᭄ᬯᬶᬓᬯᭂᬗᬦ᭄ᬭᬳᬤᬾᬦ᭄ᬩ
ᬜ᭄ᬚᬃᬭᬲᬭᬶ᭞ᬫᬳᬢᬸᬃᬲᬂᬤ᭄ᬬᬄᬳᬃᬖ᭄ᬕᬵ᭞ᬧᬗᬾᬭᬦ᭄ᬓᬯᬸᬮᬵᬲᬶᬗ᭄ᬕᬶᬄ᭞ᬳᬭᬶᬓᬳᬸᬮᬵᬧᬸᬦᬶᬓ᭄ᬬᬵ᭟ᬧᬲ᭄ᬢᬶᬳᬸᬕᬵᬭᬶᬂᬳᬾᬜ᭄ᬚᬂᬢ᭄ᬣᬵᬭᬶᬂᬳᬾᬜ᭄ᬚᬶᬂ᭞ᬬᬦ᭄ᬯᬸᬲ᭄ᬢᬵᬳᬕᬃᬯ᭄ᬯᬵ᭞ᬓᬮᬯᬦ᭄ᬳᬡ᭄ᬥᬶᬓᬵᬲᬶᬗ᭄ᬕᬶᬄ᭞ᬬ᭄ᬬᬬᬶᬤ᭄ᬬᬄᬓᬵ