Kaca:Bali-lontar-gaguritan-kendit-birayung-300ppi.pdf/23

Saking Wikisource
Kaca puniki sampun kauji-wacén

[᭒᭒ 22 B]
᭒᭒
ᬅ᭄ᬥᬳᬶᬰᬵ᭞ᬲᬂᬤ᭄ᬬᬄᬓᬮᬶᬄᬲᬶᬕ᭄ᬭᬵᬫᬶᬲᭀᬃ᭞ᬧᬳᬶᬩᭂᬃᬭᬾᬫᬭᬶᬂᬳᬡ᭄ᬥᬧ᭄᭞ᬢᬶᬩᬵᬫᬭᬳᬶᬂᬧᬸᬭᬵ᭞ᬲᬂᬧᬸᬢ᭄ᬭᬶᬓᬮᬶᬄᬢᬸᬫᭂᬤᬸᬦ᭄᭞ᬓᬂᬲᬶᬦ᭄ᬯᬫ᭄ᬭᬶᬤᬭᬢ᭄ᬣᬵ᭛ᬧᬹᬄᬲ᭄ᬓᬃᬫᬬᬶᬢ᭄᭛ᬲᬓᬾᬳᬶᬂᬯᭀᬂᬤᬍᬫ᭄ᬧᬸᬭᬵ᭞
ᬧᬦ᭄ᬮᬕᬶᬤᬾᬭᬾᬂᬳᬕᬸᬮᬶᬂ᭞ᬭᬤᬾᬦ᭄ᬳᬃᬬ᭄ᬬᬋᬧᬢ᭄ᬫᬚᬵ᭞ᬓᬮᬦᬾᬳᬾᬲᬳᬮᬶᬗ᭄ᬕᬶᬄ᭞ᬭᬶᬂᬲᭀᬭᬶᬂᬦᬕ᭄ᬖᬲᬭᬶ᭞ᬳᭂᬫ᭄ᬩᬦ᭄ᬳᬶᬜᬲᬓᬾᬂᬧᬹᬗ᭄ᬓᬸᬃ᭞ᬲᬂᬧᬹᬢ᭄ᬭᬶᬳᬶᬂᬫᬸᬓᬤ᭄ᬥᬫ᭄᭞ᬳᬲᬾᬪᬫᬭᬳᬶᬂᬮᬓᬶ᭞ᬭᬚᬵᬧᬸ
ᬢ᭄ᬭᬵ᭞ᬫᬗᬸᬫᬗᬸᬳᬮᬶᬗ᭄ᬕᬶᬳᬵ᭟ᬤᬳᬢ᭄ᬓᬗᭂᬦ᭄ᬫᬭᬶᬂᬗ᭄ᬓᬤᬂ᭞ᬤᬾᬦᬾᬲᬸᬯᬾᬦᭀᬭᬧ᭄ᬭᬧ᭄ᬢᬶ᭞ᬓᬂᬫᬭᬳᬶᬂᬦᬸᬲᭀᬦ᭄ᬢᬭᬵ᭞ᬳᬗᬫᬾᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬧᬭᬦ᭄ᬫᬃᬫᬶᬫᬲ᭄ᬓ᭄ᬯᬭᬶ᭞ᬳᬮᬫᬢᬦᬦᬵᬭᬯᬸᬄ᭞
ᬪᬬᬫᬗ᭄ᬕᬶᬄᬥᬹᬃᬚᬵᬡ᭄ᬦᬵ᭞ᬫᬲ᭄ᬫᬶᬭᬄᬳᬮᬫ᭄ᬧᬄᬲᬡ᭄ᬥᬶ᭞ᬓᬲᭀᬫ᭄ᬧ᭄ᬮᬗᬦ᭄᭞ᬓᬶᬭᬂᬤᬸᬤᬸᬓᬭᬶᬭᬶᬗᬦ᭄᭟ᬭᬶᬭᬶᬗᬦ᭄᭟ᬫᬲ᭄ᬳᬬᬸᬳᬶᬂᬳᬃᬕᬵᬧᬹᬭ᭞ᬲ᭄ᬥᭂᬓᬾᬫᬭᬳᬶᬂᬲᬶᬢ᭄ᬣᬶ᭞ᬲᬋᬂᬧᬹᬢ᭄ᬭᬶᬦᬶᬲᭀᬦ᭄ᬢᬭᬵ᭞ᬫ᭄ᬭᬪᬹᬓ᭄ᬕ
[᭒᭓ 23 A]
ᬡ᭄ᬥᬫ᭄ᬭᬶᬓ᭄ᬫᬶᬗᬶᬂᬭᬳᬤᬾᬦ᭄ᬩᬜ᭄ᬚᬭᬦ᭄ᬲᬭᬶ᭞ᬯᬶᬓᬦ᭄ᬬᬾᬦ᭄ᬲᬸᬤᬭᬭᬯᬸᬄ᭞ᬤᬶᬯᬶᬋᬗ᭄ᬕᬦᬶᬲ᭄ᬳᬦᬩ᭄ᬥᬵ᭞ᬭᬶᬂᬧᬸᬢ᭄ᬭᬶᬳᬫ᭄ᬩᬭᬯᬢ᭄ᬣᬶ᭞ᬲᬸᬦ᭄ᬱᬶᬗᬶᬤᬵ᭞ᬬ᭄ᬬᬬᬷᬳᬚᬵᬢᬓᬢᭀᬡ᭄ᬦᬵ᭟ᬫᬧᬦ᭄ᬲᬂᬭᬚᬵᬧᬶᬦᬸᬢ᭄ᬭᬵ᭞
ᬮᬫᬸᬦ᭄ᬢᭂᬫ᭄ᬩᬾᬦᬾᬓᬧᬗ᭄ᬕᬶᬄᬫ᭄ᬓᬮᬯᬦ᭄ᬭᬦᭀᬤ᭄ᬬᬗ᭄ᬭᬭᬲ᭄᭞ᬳᬥᬶᬳᬬᬸᬦᬶᬭᬬ᭄ᬬᬬᬶ᭞ᬢᬦ᭄ᬓᭂᬦᬵᬮᬶᬦᬸᬩᭂᬤᬶᬦ᭄᭞ᬳᬃᬱᬗᬭᬲ᭄ᬳᬫᬭᬸᬕᬸᬮ᭄᭞ᬳᬲ᭄ᬢᬦᬸᬮᬮᬾᬕᬚᬄ᭞ᬢᬶᬗ᭄ᬓᬳᬾᬮ᭄ᬯᬶᬃᬭᬭᬾᬘᬶᬮᬶ᭞ᬳ
ᬮᭀᬦ᭄ᬫᬢᬹᬃ᭞ᬲᬂᬮᬶᬦᬶᬗᬦ᭄ᬱᬳᬵᬲᭂᬫ᭄ᬩᬄ᭟ᬫᬲᬩᭀᬤᭀᬳᬶᬗᬡ᭄ᬥᬶᬓᬵ᭞ᬓᬳᬸᬮᬵᬳᬶᬓᬶᬳᬗᬶᬭᬶᬂ᭞ᬲᬂᬤ᭄ᬬᬄᬲᬶᬕ᭄ᬭᬵᬲᬶᬦᬶᬗᬶᬤ᭄ᬥᬦ᭄᭞ᬳᬮᬶᬗᬦ᭄ᬭᬶᬂᬯᬶᬢ᭄ᬓᬫᭀᬦᬶᬂ᭞ᬲᬫᬃᬤᬓᬦ᭄ᬓᬳᬓ᭄ᬱᬶ᭞ᬭᬢ᭄ᬦᬵᬋᬗ᭄ᬕᬦᬶ
ᬲ᭄ᬧᬹᬦ᭄ᬮᬚᬸ᭞ᬫᬋᬓᬶᬂᬭᬚᬵᬧᬹᬢᬻ᭞ᬲᬓᬢᬳᬾᬓᬂᬳᬦᬗ᭄ᬓᬶᬮ᭄᭞ᬳᬗᬸᬜ᭄ᬚᬸᬗᬶ᭞ᬫᬭᬶᬂᬦᬶᬫᬲ᭄ᬓᬃᬖ᭄ᬕᬵᬧᬹᬭᬵ᭟ᬭᬫ᭄ᬬᬲᬫᬶᬳᬲᬸᬂᬲᬮᬫ᭄᭞ᬭᬳᬤᬾᬦ᭄ᬩᬜ᭄ᬚᬭᬦ᭄ᬱᬭᬶ᭞ᬮᬶᬦ᭄ᬢᬂᬢᬸᬱ᭄ᬢᬕᬮᬶᬄᬦᬶᬭᬵ᭞ᬮ᭄ᬯᬶᬃᬕ