[᭑ 1 B]
᭑
᭛᭜᭛ᬅᬯᬶᬖ᭄ᬦᬵᬫᬲ᭄ᬢᬸ᭛ᬧᬹᬄᬦᭀᬭᬮᬫᬹᬭ᭄᭛ᬅᬮᭀᬦ᭄ᬫᬢᬹᬃᬦᬶᬤᬾᬯᬶᬋᬗ᭄ᬕᬦᬶᬲ᭄᭞ᬭᬶᬲᬫ᭄ᬬᬦ᭄᭞ᬳᬫᬋᬧ᭄ᬦᬸᬲᭀᬦ᭄ᬢᬭᬵ᭞ᬥᬳᬢ᭄ᬳᬩᭀᬢ᭄ᬳᬶᬗ᭄ᬓᬃᬬ᭄ᬬᬦᬾ᭞ᬮ᭄ᬯᬶᬃᬓᬤ᭄ᬥᬶᬦᬶᬓᬸᬮ᭄ᬕᬸᬡᬹᬂ᭞ᬫ᭄ᬱᭂᬄᬧ᭄ᬭᬪᬹᬳᬶᬂᬦᬸ
ᬲᭀᬦ᭄ᬢᬭᬶ᭞ᬩᬾᬦ᭄ᬥᭀᬓᬂᬭᬢᬹᬳᬶᬂᬮ᭄ᬬᬦ᭄᭞ᬲᬂᬓᭂᬡ᭄ᬥᬶᬢ᭄ᬩᬶᬭᬬᬸᬂ᭞ᬮᬫᬸᬦ᭄ᬯᬢᬯᬶᬓᬳᬸᬮᬵ᭞ᬮᬗ᭄ᬓᬸᬂᬕᬩᭀᬢ᭄᭞ᬲᬂᬧ᭄ᬭᬪᬹᬳᬶᬂᬦᬸᬲᭀᬦ᭄ᬢᬭᬶ᭞ᬥᬶᬕ᭄ᬚᬬᬵᬫᭀᬦ᭄ᬤ᭄ᬭᬵᬕᬸᬡ᭄ᬦᬵ᭟ᬮᬶᬦ᭄ᬢᬂᬫᬹᬃᬓ᭄ᬓᬜᬡ᭄ᬦᬵᬳᬫ᭄ᬩᬕᬸᬲ᭄ᬢᬶ᭞ᬤᬾᬦᬶᬂᬫ᭄ᬱᭂᬄᬲᬓ᭄ᬝᬶᬢᬹᬃ
ᬥᬶᬕ᭄ᬚᬬᬵ᭞ᬮᬦ᭄ᬯᭀᬂᬗᬡ᭄ᬥᭂᬮᬾᬂᬭᭀᬭ᭄ᬯᬵ᭞ᬭᬶᬂᬲᬶᬢ᭄ᬢᬶᬮᬦ᭄ᬭᬶᬂᬮᬸᬳᬸᬃ᭞ᬬᬤ᭄ᬬᬦ᭄ᬳᬓᬾᬄᬭᬢᬸᬧ᭄ᬭᬚᬸᬭᬶᬢ᭄᭞ᬅᬗᬶᬭᬶᬂᬫᬭᬶᬂᬲᬸᬮ᭄ᬢᬦ᭄᭞ᬬᬦ᭄ᬧᬸᬦᬶᬓᬵᬫ᭄ᬕᬸᬢ᭄᭞ᬢᬦ᭄ᬳᬦᬵᬯᭀᬂᬳᬦᭀᬗ᭄ᬕᬵ᭞ᬭᬦ᭄ᬧᬓᬃᬬ᭄ᬬ᭞ᬫ᭄ᬱᭂᬄᬧ᭄ᬭᬪᬹᬦᬸᬲᬦ᭄ᬢᬭᬶ᭞ᬮ᭄ᬯᬶᬃ
ᬯᬮᬂᬢᬶᬩᬾᬂᬖ᭄ᬦ᭄ᬬᬵ᭟ᬩᬾᬜ᭄ᬚᬂᬳᬾᬜ᭄ᬚᬂᬬᬦ᭄ᬳᬢᬧᬓ᭄ᬚᬸᬭᬶᬢ᭄᭞ᬬᬤ᭄ᬬᬦ᭄ᬱᬋᬂ᭞ᬫᬭᬵᬫᬭᬶᬂᬭᬡ᭄ᬦᬵ᭞ᬧᬸᬭᬢᬸᬧᬺᬚᬸᬭᬶᬢ᭄ᬓᬩᬾᬄ᭞ᬫ᭄ᬱᭂᬄᬓᭂᬡ᭄ᬥᬶᬢ᭄ᬩᬶᬭᬬᬸᬂ᭞ᬓᬬᬵᬤᬳᬸᬦᬳᭂᬦ᭄ᬢᬲ᭄ᬓᬃᬥ᭄ᬥᬶ᭞ᬬᬢ᭄ᬯᬵᬢᬯᬶᬲ᭄ᬓᬳᬸᬮᬵ᭞ᬅᬩᭀᬢ᭄ᬲᬓᬮᬗ᭄ᬓᬸᬂ᭞ᬲᬂ
[᭒ 2 A]
ᬧ᭄ᬭᬪᬹᬳᬶᬂᬦᬹᬲᭀᬦ᭄ᬢᬭᬵ᭞ᬅᬭᬶᬦᬾᬧᬸᬦ᭄᭞ᬳᬶᬲ᭄ᬢ᭄ᬭᬶᬮᬦ᭄ᬫᬓᬵᬢ᭄ᬭᬸᬦᬶ᭞ᬮ᭄ᬯᬶᬃᬕᬫ᭄ᬩᬃᬯᬯᬗᬸᬡ᭄ᬦᬦ᭄᭟ᬅᬓᬵᬓᬰᬶᬄᬦᬶᬳᬫ᭄ᬩᬭᬯᬢ᭄ᬣᬶ᭞ᬤᬳᬢ᭄ᬳᬬ᭄ᬬᬵ᭞ᬫᬫ᭄ᬩᬦᬶᬂᬳᬮᬭ᭞ᬬ᭄ᬯᬓ᭄ᬢᬶᬯᬮᬸᬬᬵᬬᬾᬦᬵᬢᬸᬫᭀᬦ᭄᭞ᬭᬶᬂᬯᬃᬡ᭄ᬦᬦᬾᬤ᭄ᬬᬄᬳᬬᬸ᭞ᬓᬂᬓ᭠
ᬲᭀᬃᬭᬢ᭄ᬣᬶᬳᬶᬂᬲ᭄ᬯᬃᬕᬶ᭞ᬓᬯᬸᬭᬕᬶᬮ᭄ᬥᬾᬦᬶᬭᬵ᭞ᬲᬂᬓᭂᬡ᭄ᬥᬶᬢ᭄ᬪᬶᬭᬬᬹᬂ᭞ᬲᬫᬕᬸᬡ᭄ᬦᬧ᭄ᬭᬓᭀᬲᬾᬂᬚᬸᬭᬶᬢ᭄᭞ᬦᬗᬶᬂᬢᬦ᭄ᬳ᭞ᬰᬓ᭄ᬝᬶᬢᬦ᭄ᬯᬾᬦ᭄ᬢᭂᬦ᭄ᬥᬦᬶᬗᬶᬦ᭄᭞ᬲᬓ᭄ᬢᬶᬢᬹᬃᬯᬶᬘᬓ᭄ᬱᬡ᭄ᬦᬵ᭟ᬧ᭄ᬭᬚᬸᬭᬶᬣᬭᬩ᭄ᬢᬦ᭄ᬧᬗᬸᬡ᭄ᬥᬶᬮᬶ᭞ᬬᬤ᭄ᬬᬦ᭄ᬲᬹᬮ᭄ᬢᬦ᭄᭞ᬫᬭᬵᬳᬫᬕᬸ
ᬝ᭄ᬝ᭞ᬬ᭄ᬯᬓ᭄ᬢᬶᬦᬾᬥᬢ᭄ᬢᬦ᭄ᬧᬤᭀᬦ᭄᭞ᬫᬫ᭄ᬱᭂᬄᬓᭂᬡ᭄ᬥᬶᬢ᭄ᬩᬶᬭᬬᬹᬂ᭞ᬲᬫᬕᬸᬡ᭄ᬦᬧ᭄ᬭᬓᭀᬲᬾᬂᬚᬸᬭᬶᬢ᭄᭞ᬦᬗᬶᬂᬢᬦ᭄ᬳᬦᬵᬓᬲᭀᬭᬦ᭄᭞ᬧᬧ᭄ᬭᬗᬾᬤᬺᬱ᭄ᬳᬘᬸᬘᬸᬄ᭞ᬦᬶᬤᬾᬯᬶᬳᬫ᭄ᬩᬭᬵᬯᬢ᭄ᬬᬵ᭞ᬢᬦ᭄ᬓᬲᭀᬭᬦ᭄᭞ᬲᬂᬤᬾᬯᬶᬮᬫ᭄ᬩᬭᬯᬢ᭄ᬣᬶ
ᬲᬸᬕᬶᬄᬳᬦ᭄ᬫᬸᬓᬚᬬᬦ᭄᭟ᬮᬫᬸᬦ᭄ᬲᬤ᭄ᬬᬓᬃᬱᬵᬳᬫ᭄ᬩᬕᬸᬲ᭄ᬢᬶ᭞ᬅᬦᬫᭀᬓᭂᬦ᭄᭞ᬲᬫ᭄ᬧ᭄ᬬᬦ᭄ᬮᬯᬦ᭄ᬲᬂᬤ᭄ᬬᬄᬭᬚᬵᬧᬹᬢ᭄ᬭᬵᬗᬡ᭄ᬥᬶᬓᬵᬳᬮᭀᬦ᭄᭞ᬩ᭄ᬘᬶᬓ᭄ᬬᬬᬶᬓᬭᬸᬳᬸᬦ᭄᭞ᬫ᭄ᬭᬶᬗ᭄ᬓᬤᬢᭀᬦ᭄ᬦᬸᬲᭀᬦ᭄ᬢᬭᬶ᭞ᬫᬰᬵᬩᭀᬤ᭄ᬥᭀᬫᬲ᭄ᬜᬤ᭄ᬯ
Kaca:Bali-lontar-gaguritan-kendit-birayung-300ppi.pdf/2
Kaca puniki sampun kauji-wacén
