Kaca:Bali-lontar-gaguritan-kendit-birayung-300ppi.pdf/13

Saking Wikisource
Kaca puniki sampun kauji-wacén

[᭑᭒ 12 B]
᭑᭒
ᬫᬦ᭄ᬢᬸᬓ᭄ᬭᬶᬂᬦ᭄ᬕᬭᬲᬫ᭄ᬧᬸᬦ᭄᭞ᬫ᭄ᬯᬄᬧ᭄ᬭᬪᬹᬦᬸᬃᬲᬶᬯ᭄ᬯᬵᬦ᭄᭞ᬮᬦ᭄ᬧ᭄ᬭᬪᬹᬦᬸᬲᭀᬦ᭄ᬢᬭᬶ᭟ᬲᬶᬦᬾᬯᬓᬵᬓᬮᬶᬄᬳᬶᬭ᭞ᬳᬶᬂᬫᬗᬸᬦ᭄ᬢᬸᬃᬭᬢᬸᬦ᭄ᬢ᭄ᬭᬶᬧ᭄ᬭᬚᬭᬶᬢ᭄᭞ᬲᬫᬶᬕᬸᬦᭂᬫ᭄ᬬᬸᬥᬦᬾᬓᬸ᭞ᬫᭀᬚᬵᬃᬲᬶᬭᬧᬢ᭄ᬢᬶᬄᬫᬓ᭄ᬢᬮ᭄᭞
ᬬᬾᬦ᭄ᬓᬲᭀᬭᬦ᭄ᬫᬦ᭄ᬢᬸᬓ᭄ᬲᬸᬦ᭄ᬳᬾᬜ᭄ᬚᬶᬂᬳᬸᬫ᭄ᬢᬸ᭞ᬓ᭄ᬦᬳᬶᬓᬵᬓᬂᬓᬩᬲ᭄ᬢᬵ᭞ᬳᬶᬗ᭄ᬲᬸᬦ᭄ᬳᬗ᭄ᬮᬭᬦ᭄ᬮᬯᬦᬶᬦ᭄᭟ᬲᬸᬦᬼᬩᭀᬓ᭄ᬦᬳᬶᬂᬓᭀᬜ᭄ᬘᬭ᭞ᬳᬶᬓᬂᬳᬩᬃᬲᬹᬫ᭄ᬧᭀᬕᬸᬬᬸᬦᬶᬂᬫᬦ᭄ᬢ᭄ᬭᬶ᭞ᬲᬶᬕ᭄ᬭᬧ᭄ᬭᬧ᭄ᬢᬵᬢᬦ᭄ᬥᬄᬲᬶᬭᬾᬓᬸ᭞ᬮᬸᬫᬶᬦ᭄ᬢᬸᬲᬓᬶᬂ
ᬚ᭄ᬭᭀᬧᬹᬭᬵ᭞ᬦᬸᬮ᭄ᬬᬦ᭄ᬭᬭᬶᬲ᭄ᬳᬓᬲᬸᬓᬦ᭄᭞ᬲᬫ᭄ᬬᬳᬶᬓᬸ᭞ᬢᬦ᭄ᬓᬯᬃᬡ᭄ᬦᬵᬩᭀᬖ᭄ᬕᭀᬤ᭄ᬭᬯᬶᬡ᭄ᬦᬵ᭞ᬕᬫᭂᬮᬦ᭄ᬫᬸᬦ᭄ᬬᬗ᭄ᬭᬋᬗᬶᬄ᭟ᬅᬭᬓ᭄ᬕᬶᬦᬾᬯᬾᬂᬮᬦ᭄ᬩᬡ᭄ᬥᬾᬭ᭞ᬲᬶᬬᭀᬰᬤᬵᬳᬭᬓ᭄ᬧᬧᬶ᭞ᬳᬭᬓ᭄ᬳᬾᬃᬫᬲ᭄‌ᬫ᭄ᬯᬂᬳᬗ᭄ᬕᬸᬂ᭞ᬩᬺ᭠
ᬫ᭄ᬲᬸᬚᬶᬫᬳᬶᬤᭂᬭᬦ᭄᭞ᬧᬭᬯᬦ᭄ᬱᬫ᭄ᬬᬳᬗ᭄ᬓᬾᬦᬵᬳᬓᬶᬦ᭄ᬓᬬᬸᬦ᭄᭞ᬳᬬᬸᬦ᭄ᬢᬗ᭄ᬭᬭᬲ᭄ᬳᬶᬤᬵᬲᬂᬦᬝ᭄ᬣ᭞ᬲᬂᬧ᭄ᬭ᭠ᬪᬹᬳᬶᬂᬦᬹᬲᭀᬦ᭄ᬢᬭᬶ᭟ᬰ᭄ᬭᬶᬦᬸᬲᭀᬦ᭄ᬢᬭᬫᬢᬸᬭ᭞ᬭᬶᬂᬲᬂᬧ᭄ᬭᬪᬹᬦᬸᬃᬯ᭄ᬯᬦ᭄ᬲᬂᬗᬚᬶ᭞ᬅᬢᬸᬃᬓᬳᬸᬮᬵᬳᬾᬦᬵᬚᬶᬂᬫ᭄ᬢᬸ᭞ᬳᬫ
[᭑᭓ 13 A]
ᬕᬸᬢ᭄ᬢᬶᬂᬧᬸᬦᬂᬬᬸᬥ᭞ᬳᬬ᭄ᬯᬗᬤᬸᬓᬂᬩᬮᬵᬳᬓᬾᬄᬧᬸᬦᬶᬓᬸ᭞ᬓᬾᬯᬮᬵᬲᬸᬭᬓ᭄ᬯᬶᬗ᭄ᬓᬶᬂᬲᬫ᭄ᬫᬵ᭞ᬳᬃᬱᬓᬳᬸᬮᬗ᭄ᬮᬯᬦ᭄ᬳᬫᬶᬭ᭄᭟ᬲᬶᬕ᭄ᬭᬗ᭄ᬭᬗ᭄ᬓᬸᬮ᭄ᬧ᭄ᬭᬪᬹᬦᬸᬃᬲᬯ᭄ᬯᬦ᭄᭞ᬳᬦᬩ᭄ᬥᬵᬭᬶᬂᬰ᭄ᬭᬶᬦᬸᬲᭀᬦ᭄ᬢᬭᬶ᭞ᬩᬧᬵᬓᬸᬫᬲ᭄ᬩᬯᬵᬳᬶᬓᬸ᭞ᬳᬶᬮᬶᬗᭂ
ᬦ᭄ᬳᬸᬚᬵᬃᬳᬶᬗ᭄ᬯᬵᬂ᭞ᬮᬫᬸᬦ᭄ᬲᬤ᭄ᬬᬵᬳᭂᬦ᭄ᬢᬲ᭄ᬳᬶᬓᬂᬓᬃᬥᬶᬳᬶᬓᬸ᭞ᬓᬮᬄᬧᬸᬦ᭄ᬲᬶᬭᬳᬫ᭄ᬱ᭄ᬬᬄ᭞ᬳᬕᬸᬂᬓᬂᬕᬜ᭄ᬚᬭᬦ᭄ᬫ᭠ᬫᬶ᭟ᬳᬫᬯᭀᬗᬦ᭄ᬫᬭᬶᬂᬲᬶᬭ᭞ᬲᬂᬧ᭄ᬭᬪᬹᬦᬸᬲᭀᬦ᭄ᬢᬭᬶ᭞ᬲᬸᬚᬸᬤ᭄ᬗᬭᬲ᭄ᬧᬤ᭄ᬥᬵᬦ᭄ᬬᬸᬧ᭄᭞ᬭᬶᬂᬲᬂᬧ᭄ᬭᬪᬹᬦᬸᬃᬲᬶᬯ᭄ᬯᬵᬦ᭄᭞ᬲᬫ᭄ᬧᬸ
ᬦ᭄ᬤᬾᬯ᭄ᬯᬵᬯᬮᬂᬕᬮᬶᬄᬢᬲᬂᬧ᭄ᬭᬪᬹ᭞ᬫᬋᬧ᭄ᬧᬹᬦ᭄ᬳᬫᬶᬃᬭᬫ᭄ᬱ᭄ᬬᬄ᭞ᬧ᭄ᬭᬶᬲᬲᬢ᭄ᬬᬯᬸᬲᬗ᭄ᬫᬲᬶᬦ᭄᭟ᬢᬦ᭄ᬓᬯᬃᬡ᭄ᬦᬳᬶ᭠ᬓᬂᬮᬢ᭄ᬭ᭄ᬬᬵ᭞ᬯᬹᬲ᭄ᬳᬾᬜ᭄ᬚᬂᬦᬩᬸᬄᬕᭀᬂᬩᬾᬭᬶ᭞ᬭᬫᬾᬓᬂᬕᬫ᭄ᬮᬦ᭄ᬳᬸᬫᬸᬂ᭞ᬯᬤ᭄ᬬᬲᬫᬶᬲᬫ᭄ᬧᬸᬦ᭄ᬲᬬᬖ᭄ᬕᬵ᭞ᬭᬢᬸᬧᬸᬗ᭄ᬕᬯ᭄ᬯᬵ
ᬧ᭄ᬭᬫᬜ᭄ᬘᬧᬤ᭄ᬥᬵᬫᬩ᭄ᬭᬶᬬᬸᬓ᭄᭞ᬗᬶᬭᬶᬂᬲᬂᬝᬕ᭄ᬭᬶᬕᬦ᭄᭞ᬩᬶᬧ᭄ᬭᬬᬵᬳᬫᬕᬸᬢ᭄ᬚᬸᬢ᭄ᬚᬸᬭᬶᬢ᭄᭟ᬰᬶᬕ᭄ᬭᬵᬪᬹᬩᬃᬧ᭄ᬭ᭠ᬪᬹᬦᬸᬲᭀᬦ᭄ᬢᬭᬵ᭞ᬮᬯᬦ᭄ᬲᬂᬧ᭄ᬭᬪᬹᬫ᭄ᬤᬬᬶᬦ᭄᭞ᬫ᭄ᬥᬮ᭄ᬚᬯᬶᬓᬸᬝ᭄ᬝᬲᬫ᭄ᬧᬸᬦ᭄᭞ᬲᬜ᭄ᬚᬣ᭄ᬣᬵᬦᬸᬲᭀᬦ᭄ᬢᬭ᭞ᬬᬦ᭄ᬢᬶᬦᭀᬦ᭄ᬢᭀ