[᭑᭑ 11 B]
᭑᭑
ᬫ᭄ᬥᬮ᭄ᬱ᭄ᬭᬶᬦᬭᬧᬢ᭄ᬣᬶ᭞ᬫᬮᬶᬗ᭄ᬕᬶᬄᬳᬶᬧᬲᬾᬩᬦ᭄᭞ᬲᬶᬦᬾᬩᬵᬤᬾᬦᬶᬂᬯᬤ᭄ᬬ᭞ᬲᬋᬂᬮᬦ᭄ᬧ᭄ᬭᬪᬹᬫᬤᬬᬶᬦ᭄᭞ᬮᬶᬗ᭄ᬕᬶᬄᬳᬚᬵᬚᬃ᭞ᬳᬦᬾᬂᬧᬮᬗ᭄ᬓᬦ᭄ᬭᬸᬮ᭄ᬫᬶ᭟ᬤᬦ᭄ᬕᬸᬫ᭄ᬮᬤᭀᬕ᭄ᬧ᭄ᬭᬩᬯ᭄ᬯᬵᬦ᭄ᬲᬂᬗ᭄ᬳ᭄ᬬᬂᬦᬶᬮᬩᬵ᭞ᬪᬹᬩᬃᬲᬂᬧ᭄ᬭᬪᬹ
ᬓᬮᬶᬄ᭞ᬫ᭄ᬥᬯᬶᬦᬶᬂᬓᬸᬝ᭞ᬳᬶᬱ᭄ᬝᬵᬳᬫᬕᬸᬢ᭄ᬬᬸᬤ᭄ᬥᬵ᭞ᬮᬓᬸᬦᬶᬂᬯᬤ᭄ᬬᬳᬗᬶᬭᬶᬂ᭞ᬗ᭄ᬭᬥᭂᬕᬶᬂᬓᬶᬲ᭄ᬫᬵ᭞᭠ᬕᬸᬦ᭄ᬢᬸᬃᬢᬦ᭄ᬧᬫᬯᬭᬶᬭᬶᬲ᭄᭟ᬳᬲ᭄ᬮᬸᬭᬦᬸᬫᬸᬂᬲ᭄ᬯᬭᬦᬶᬂᬕᬫ᭄ᬮᬦ᭄᭞ᬓᬤᬶᬳᬫ᭄ᬘᬄᬓᭀᬧᬶᬂ᭞ᬲᬂᬧ᭄ᬭᬪᬹᬦᬸᬃᬲᬶᬯ᭄ᬯᬦ᭄᭞
ᬯᬕᬡ᭄ᬦᬓᬸᬤ᭄ᬥᬵᬧ᭄ᬢᬓ᭄᭞ᬲᬂᬧ᭄ᬭᬪᬹᬳᬶᬂᬦᬹᬲᭀᬦ᭄ᬢᬭᬶ᭞ᬦᬶᬢ᭄ᬣᬶᬄᬯᬶᬮ᭄ᬫᬡ᭄ᬦᬵ᭞ᬚᬢ᭄ᬫᬓᬵᬳᬗᬕᭂᬫ᭄ᬩᬶ᭠ᬡ᭄ᬥᬶ᭟ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵᬭᬶᬂᬢ᭄ᬧᬶᬦᬶᬂᬳᬭᬄ᭞ᬲᬶᬕ᭄ᬭᬵᬳᬦᬢ᭄ᬣᬄᬩᬭᬶᬲ᭄᭞ᬯᭀᬗᬭᬩ᭄ᬢᬸᬫᬶᬗᬮ᭄᭞ᬧᬸᬦᬂᬫ᭄ᬱᭂᬄ
ᬯᬸᬲ᭄ᬧ᭄ᬭᬧ᭄ᬢᬵ᭞ᬲᬶᬕ᭄ᬭᬵᬳᬦᬩᬸᬄᬕᭀᬂᬩᬾᬭᬶ᭞ᬦᬫ᭄ᬩᬸᬢ᭄ᬕᬕᬫ᭄ᬫᬦ᭄᭞ᬲᬬᬖ᭄ᬕᬵᬳᬫᬕᬸᬢ᭄ᬚᬸᬭᬶᬢ᭄᭟ᬕᬭᬯᬮᬦ᭄ᬫᭂᬤᬵᬮ᭄ᬲᬓᬶᬂᬧᬲᬂᬗ᭄ᬕ᭄ᬭᬳᬦ᭄᭞ᬲᬶᬕ᭄ᬭᬵᬳᬦᬢ᭄ᬢᬄᬩᬭᬶᬲ᭄᭞ᬳᬦᬾᬂᬳᬭᬄ᭞ᬲᬫ᭄ᬧᬸᬦᬬᬸᬦᬬᬸᬡ᭄ᬦ᭠
[᭑᭒ 12 A]
ᬦ᭄᭞ᬩ᭄ᬥᬶᬮ᭄ᬓᬂᬫᬸᬗ᭄ᬕᬸᬄᬳᬶᬂᬗᬃᬲᬶ᭞ᬧᬭᬦ᭄ᬧᬶᬦᬭᬡ᭄ᬦᬦ᭄᭞ᬳᬦᬸᬮ᭄ᬬᬗᬋᬧ᭄ᬫᬸᬗ᭄ᬓᬸᬭᬶᬦ᭄ᬗ᭄ᬳ᭄ᬬᬧᬹᬄᬳᬸᬦ᭄ᬢᬢ᭄ᬗ᭄ᬕ᭄ᬬᬸᬫᬸᬦᬶᬦᬶᬂᬩ᭄ᬥᬶᬮ᭄ᬓᬥᬶᬕ᭄ᬮᬕᬄᬓᬢᬸᬦ᭄ᬯᬦ᭄᭞ᬭᬫᬾᬩ᭄ᬥᬶᬮ᭄ᬩᬶᬦᭂᬤᬶᬮ᭄᭞ᬓᬸᬓᬸᬲᬶᬓᬂᬲᬸᬡ᭄ᬥᬯ᭄ᬯᬵᬳᬶᬓᬸ᭞ᬯ᭄ᬢᭂᬂᬮ᭄ᬯᬶᬃᬢ᭄ᬗᬄᬯᭂᬗ᭄ᬬᬵ᭞ᬓᬂ
ᬚᭂᬫ᭄ᬧᬭᬶᬂᬢᬦ᭄ᬧᬾᬡ᭄ᬥᬄᬭᬶᬭᬶᬲᬗ᭄ᬮᬶᬮᬸᬲ᭄᭞ᬫᬶᬫᬶᬲ᭄ᬩ᭄ᬥᬶᬮ᭄ᬯᬶᬃᬳᬸᬤᬦ᭄᭞ᬢᬦ᭄ᬧᬾᬡ᭄ᬥᬄᬳᬸᬤᬦ᭄ᬳᬖ᭄ᬦᬵᬶ᭞ᬮᭀᬂᬮᬶᬦᭀᬗᬦ᭄ᬲᬓ᭄ᬯᬾᬄᬳᬶᬂᬩᬮᬵ᭞ᬫ᭄ᬯᬂᬧ᭄ᬭᬦᬝᬮᬸᬤᬶᬭᬓᬥᬶᬧᬰᬶᬃ᭞ᬯᬯ᭄ᬯᭀᬲ᭄ᬢᬫᬾᬦᬵᬕ᭄ᬓᬦ᭄ᬢᬃᬳᬶᬓᬸ᭞ᬳᬓᬸᬫᬫ᭄ᬩᬂᬳᬶᬓᬂ
ᬭᬄ᭞ᬯᬗ᭄ᬓᬾᬦᬶᬂᬓᬸᬤ᭄ᬥᬵᬮᬦ᭄ᬳᬲ᭄ᬢᬶᬓᬸ᭞ᬳᬢᬸᬫ᭄ᬧᬂᬢᬸᬫ᭄ᬧᬂᬮᬸᬮᬸᬡ᭄ᬦᬵᬦ᭄᭞ᬮ᭄ᬯᬶᬃᬧᬗ᭄ᬓᬸᬃᬳᬶᬚᬮᬤ᭄ᬭᬶ᭟ᬳᬕᬸᬃᬦᬶᬢ᭄ᬣᬵᬧᬗᬥᬹᬦᬶᬂᬯ᭄ᬯᬵᬂ᭞ᬓᬂᬓᬘᬸᬃᬡ᭄ᬦᬳᬩᬄᬭᬫᬾᬦᬶᬂᬚᬸᬭᬶᬢ᭄᭞ᬲᬸᬭᬓ᭄ᬮᬸᬯᬶᬃᬳᬫ᭄ᬧᬸᬳᬦ᭄ᬳᬶᬓᬸ᭞ᬯᬤ᭄ᬬᬫᬹᬓ᭄ᬫᬶᬦ᭄ᬮᬦ᭄ᬓᬸᬧᬵᬃ᭞ᬲ
ᬫᬶᬲᬸᬭᬵᬢᬶᬗ᭄ᬓᬳᬶᬂᬧᬗᬥᬹᬦ᭄ᬳᬶᬧᬸᬦ᭄᭞ᬳᬭᬬ᭄ᬬᬦ᭄ᬧᬸᬦᬂᬬᬸᬤ᭄ᬥᬵ᭞ᬤᬾᬦᬵᬳᬶᬂᬓᬲᬧᬸᬢᬶᬂᬯ᭄ᬗᬶ᭟ᬦᬩᬸᬄᬢᭂᬗ᭄ᬭᬦ᭄ᬫᬸᬡ᭄ᬥᬸᬄᬗ᭄ᬭᬦ᭄ᬫᬸᬡ᭄ᬥᬸᬭᬶᬂᬭᬡ᭄ᬦᬵ᭞ᬤᭀᬦᬶᬂᬯᬤ᭄ᬬᬧᬸᬲᭂᬃᬪᬹᬫᬶ᭞ᬫᬭᬶᬂᬧᬲᬗ᭄ᬕ᭄ᬭᬳᬦ᭄ᬳᬶᬓᬸ᭞ᬫ᭄ᬯᬂᬯᬤ᭄ᬬᬳᬶᬂᬦᬸᬲᭀᬦ᭄ᬢᬭ᭞ᬫᬸᬡ᭄ᬥᬸᬃᬲᬫ᭄ᬬ
Kaca:Bali-lontar-gaguritan-kendit-birayung-300ppi.pdf/12
Kaca puniki sampun kauji-wacén
