[᭑᭐ 10 B]
᭑᭐
ᬢ᭄ᬣᬶ᭞ᬫᬭᬶᬲᬶᬭᬵᬫᬲ᭄ᬜᬯ᭄ᬯᬵ᭞ᬬᬾᬦ᭄ᬢᬦ᭄ᬳᬾᬲ᭄ᬢᬸᬪᬕᬸᬲ᭄᭞ᬭᬤᬾᬦ᭄ᬳᬃᬬ᭄ᬬᬵᬋᬧᬢ᭄ᬫᬚ᭄ᬚᬵ᭞ᬳᬸᬢᬯ᭄ᬬᬡ᭄ᬦᬵ᭞ᬘᭀᬤ᭄ᬥᬵᬦᬾᬳᬶᬓᬵᬲᬤᬶᬥᬶᬓ᭄᭞ᬲᬸᬦ᭄ᬧᬸᬭᬸᬦ᭄ᬓᬢᭂᬫ᭄ᬧᬸᬳᬦ᭄᭟ᬓᬃᬱᬦᬶᬗ᭄ᬲᬸᬦ᭄ᬫᬗ᭄ᬓᬾᬳᬭᬶᬦ᭄ᬫᬫᬶ᭞ᬲᬸᬦ᭄ᬳᬗᬚᬓ᭄᭞ᬬ᭄ᬬ᭠
ᬬᬶᬭᬶᬂᬫᬸᬓᬤ᭄ᬥᬵᬫ᭄᭞ᬬᬬᬶᬳᬫᬹᬂᬩᬥᬶᬦᬾ᭞ᬳᬚᬵᬓᬂᬫᬶᬮᬸ᭞ᬲᬸᬧᬵᬬᬦᬾᬬ᭄ᬬᬬᬶᬦᬶᬗᬮᬶᬦ᭄᭞ᬯᬃᬡ᭄ᬦᬦᬾᬲᬂᬭᬚᬵᬧᬸᬢ᭄ᬭᬵ᭞ᬲᬂᬮᬶᬦᬶᬗᬦ᭄ᬯᬸᬯᬸᬲ᭄᭞ᬬᬾᬦ᭄ᬳᬫ᭄ᬪᬓᬾᬲᬄᬭᬶᬂᬧᬸᬭᬵ᭞ᬦᭀᬭᬯᬗ᭄ᬤᬾ᭞ᬓᬕᬾᬕᬾᬭᬦ᭄ᬳ
ᬦᬾᬂᬭᬶᬓᬶ᭞ᬯᬤ᭄ᬬᬳᬶᬂᬦᬸᬲᭀᬦ᭄ᬢᬭ᭟ᬢᬦ᭄ᬲᬶᬦᬶᬧᬶᬓᬕ᭄ᬬᬢ᭄ᬢᬾᬓᬓᬂᬗᬚᬶ᭞ᬚᬫᬓᬦᬾ᭞ᬓᬳᬶᬘᬮᬦ᭄ᬲᬦᬓ᭄᭞ᬤᬾᬯᬶᬋᬗ᭄ᬕᬦᬶᬲᬯᬸᬭᬾ᭞ᬅᬚᬵᬦᬵᬦᬳᬗᬯ᭄ᬭᬸᬄ᭞ᬮᬸᬗᬵᬓᬾᬲᬄᬮᬫ᭄ᬧᬄᬳᬦᬶᬮᬶᬩ᭄᭞ᬢᬦ᭄ᬍᬧᬶᬳᬶᬂ
ᬫᬓᬤ᭄ᬥᬫ᭄᭞ᬢᬦᬹᬮ᭄ᬬᬕ᭄ᬮᬶᬲ᭄ᬯᬗ᭄ᬲᬸᬮ᭄᭞ᬯᬗ᭄ᬲᬸᬮᬾᬢᬦ᭄ᬓᬵᬭᬳᬶᬡ᭄ᬦᬦ᭄᭞ᬳᬮᭀᬦ᭄ᬩᬥᬵᬭᬢ᭄ᬦᬵᬬᬸᬳᬫ᭄ᬩᬭᬯᬢ᭄ᬣᬶ᭞ᬲᬂᬧ᭄ᬭᬪᬹᬲᬓᬶᬂᬗᬭᬩ᭄᭟ᬳᬶᬓᬵᬧ᭄ᬭᬧ᭄ᬢᬾᬂᬭᬶᬓᬶᬳᬗᭂᬦ᭄ᬥᭀᬦ᭄ᬚᬸᬭᬶᬢ᭄᭞ᬫᬲᬗ᭄ᬕ᭄ᬭᬳᬦ᭄᭞ᬭᬶᬂᬮᭀᬭᬶᬂ᭠
[᭑᭑ 11 A]
ᬩ᭄ᬗᬯ᭄ᬯᬵᬦ᭄᭞ᬭᬢ᭄ᬦᬵᬋᬗ᭄ᬕᬦᬶᬲᬯᬸᬭᬾ᭞ᬧᬹᬦᬶᬓᬵᬳᬤ᭄ᬭᬩᬾᬲᬸᬡᬹ᭞ᬫᬭᬶᬂᬭᬤᬾᬦ᭄ᬩᬜ᭄ᬚᬭᬦ᭄ᬱᬭᬶ᭞ᬓᬗᬵᬫᬋᬧ᭄ᬦᬸᬲᭀᬦ᭄ᬢᬭᬵ᭞ᬬ᭄ᬬᬬᬶᬫᬃᬫᬦᬶᬗ᭄ᬲᬸᬦ᭄᭞ᬧ᭄ᬭᬧ᭄ᬢᬾᬂᬭᬶᬓᬶᬳᬗᬶᬫ᭄ᬩᬗᬵ᭞ᬬᬸᬤᬦᬶᬭᬵ᭞ᬲᬸᬮ᭄ᬢᬵᬦ᭄ᬳᬋᬧ᭄ᬦᬸᬲᭀᬦ᭄ᬢᬭᬶ
᭞ᬲᬧᬥᬹᬃᬫᬵᬓᬲᭀᬭᬦ᭄᭛ᬧᬹᬄᬳᬢ᭄ᬣᬲ᭄᭛ᬪᬂᬪᬂᬯᬾᬝ᭄ᬣᬦ᭄ᬲᬂᬧ᭄ᬭᬪᬹᬳᬶᬦᬸᬲᭀᬦ᭄ᬢᬭ᭞ᬗᬡ᭄ᬥᬶᬓᬂᬦᬩᬸᬄᬕᭂᬕᭂᬡ᭄ᬥᬶᬂ᭞ᬳᬸᬫᬸᬂᬗ᭄ᬓᬂᬢᬗᬸᬭᬦ᭄᭞ᬳᭀᬋᬕ᭄ᬧᬸᬦᬂᬦ᭄ᬕᬭ᭞ᬓᬕᬾᬕᬾᬭᬦ᭄ᬯᬤ᭄ᬬᬲᬫᬶ᭞ᬳᬦᬫ᭄ᬩᬸᬢ᭄ᬕᬕᬫᬦ᭄
᭞ᬲᬕᬸᬂᬧᬸᬗ᭄ᬕᬯ᭄ᬯᬵ᭞ᬮᬦ᭄ᬫᬦ᭄ᬢ᭄ᬭ᭄᭟ᬮᬦ᭄ᬧ᭄ᬭᬭᬢᬸᬧ᭄ᬭᬚᬸᬭᬶᬢ᭄ᬲᬫ᭄ᬬᬵᬩᬸᬲᬡ᭄ᬦᬵ᭞ᬳᬤᬗᬦᬦ᭄ᬕᬸᬭᬦ᭄ᬢᬶᬫ᭄᭞ᬲᬯᬦᬾᬳᬵᬳᬤᬗᬡ᭄ᬦᬦ᭄᭞ᬧᬭᭀᬲᬯ᭄ᬦᬾᬄᬘᬸᬮᬵ᭞ᬳᬓᬸᬮᬫ᭄ᬩᬶᬳᬲᭂᬲᬶᬫ᭄ᬧᬶᬂ᭞ᬲᬯ᭄ᬦᬾᬄᬪᬧᬵᬂᬓᬾᬄᬯᬯᭀᬲ᭄ᬮᬦ᭄ᬩᭂᬤ᭄ᬥᬶᬮ᭄᭟
ᬤᬢᬦ᭄ᬧᬾᬡ᭄ᬥᬄᬕ᭄ᬮᬕᬄᬧᬶᬗ᭄ᬕᬶᬃᬧᬮᬳᬵᬃ᭞ᬕᭂᬦ᭄ᬢᬦᬶᬂᬓᬸᬤ᭄ᬥᬵᬳᬲ᭄ᬢᬶ᭞ᬧᬗ᭄ᬭᬶᬓᬶᬂᬢᬸᬭᬗ᭄ᬕᬵ᭞ᬓᬤᬶᬳᭀᬋᬕ᭄ᬓᬂᬧ᭄ᬭᬢᬮᬵ᭞ᬧ᭄ᬭᬪᬹᬳᬶᬂᬦᬸᬲᬵᬦ᭄ᬢᬭᬶ᭞ᬯᬲ᭄ᬢᬦ᭄ᬯᬄᬳᬡ᭄ᬦᬵ᭞ᬯᬶᬮ᭄ᬫᬡ᭄ᬦᬵᬳᬶᬓᬂᬧᬹᬢ᭄ᬣᬶᬄ᭟ᬲᬜ᭄ᬚᬝ᭄ᬣᬦᬾᬩᬶᬡ᭄ᬥᬶᬧᬶᬦᭀᬦ᭄ᬢᬂᬭᬢ᭄ᬦᬵ᭞
Kaca:Bali-lontar-gaguritan-kendit-birayung-300ppi.pdf/11
Kaca puniki sampun kauji-wacén
