᭙ 9 B]
᭙
ᬧ᭄ᬲᬤ᭄ᬥᬢ᭄᭞ᬦᬡ᭄ᬥᬂᬳᬶᬫᬦ᭄᭞ᬫᬜ᭄ᬚᬶᬂᬫᬭᬶᬂᬕᬫ᭄ᬫᬲᬸᬘ᭄ᬘᬶ᭞ᬗᬾᬲ᭄ᬢᭀᬓᭂᬦ᭄ᬦᬮᬄᬢᬸᬗ᭄ᬕᬮ᭄᭟ᬅᬮᭀᬦᬡ᭄ᬥᬵᬦᬶᬤᬶᬯᬶᬋᬗ᭄ᬕᬦᬶᬲ᭄᭞ᬳᬭᬶᬦᬶᬗ᭄ᬯᬵᬂ᭞ᬧᬭᬦ᭄ᬫᬃᬫᬶᬦᬶᬭᬵ᭞ᬫᬓ᭄ᬲᬶᬄᬢᬭᬸᬦᬶᬳᬫᬸᬓ᭄ᬢᬾᬦ᭄᭞ᬥᬢᬦ᭄ᬳᬡ᭄ᬥᬃᬩᬾ
ᬓᬓᬸᬂᬳᬯ᭄ᬯᭀᬢ᭄ᬲᭂᬫ᭄ᬩᬄᬳᬫᬭᬯᬢ᭄ᬣᬶ᭞ᬳᬶᬗ᭄ᬕᬶᬄᬫᬫᬶᬦ᭄ᬓᬯᬸᬮᬵ᭞ᬢᬡ᭄ᬦᬵᬤ᭄ᬯᬾᬓᬓᬸᬂ᭞ᬥᬸᬭᬸᬂᬯᬦᬫᬵᬂᬚᬶᬯ᭄ᬯᬵ᭞ᬳᬗᬶᬂᬗ᭄ᬓᬢ᭄ᬢᬄ᭞ᬲᬢ᭄ᬢ᭄ᬬᬵᬧᬭᬵᬪᬹᬧᬢ᭄ᬣᬶ᭞ᬅᬫᭂᬮᬫ᭄ᬧᬄᬓᬳᬸᬮᬵ᭟ᬓᬯᬸᬮᬓᬶᬢᬦᬃᬱᬵᬳᬮᬓᬶ᭞ᬥᬸᬭᬶᬂ
ᬧ᭄ᬭᬧ᭄ᬝᬵ᭞ᬚᭀᬤᭀᬦᬶᬂᬓᬳᬸᬮᬵ᭞ᬭᬢ᭄ᬦᬵᬋᬗ᭄ᬕᬦᬶᬲᬯᬸᬭᬾ᭞ᬫᬲ᭄ᬫᬶᬭᬄᬳᬭᬶᬦᬶᬂᬲᬸᬦ᭄᭞ᬳᬶᬓᬂᬮᬬᬓ᭄ᬭᬫ᭄ᬫᬵᬫᬲ᭄ᬬᬬᬶ᭞ᬓᬓᬂᬳᬡ᭄ᬥᬃᬩᬾᬲᬦᬓ᭄᭞ᬧ᭄ᬓᬶᬓᬾᬓᬮᬗ᭄ᬓᬸᬂ᭞ᬲᬳᬹᬗ᭄ᬓᬩ᭄ᬭᬢ᭄ᬦᭀᬭᬲᬫ᭄ᬫᬵ᭞ᬯᬶᬘᬓ᭄ᬲᬡ᭄ᬦᬵ᭞ᬯᬃᬡ᭄ᬦᬵᬦᬾᬢᬸᬳᬸ᭠
ᬗᬾᬤᬦᬶᬦ᭄᭞ᬫᬓᬢᬳ᭄ᬢᬫ᭄ᬩᬦᬶᬂᬗ᭄ᬮᬭᬵ᭟ᬲᬶᬢᬹᬫᬶᬗᬮ᭄ᬳᬸᬮᬗᬸᬦ᭄ᬧᬯᬾᬲ᭄ᬢ᭄ᬭᬶ᭞ᬩᬶᬲᬾᬓᬦᬾ᭞ᬭᬤᬾᬦ᭄ᬯᬶᬭᬢ᭄ᬫᬚᬵ᭞ᬳᬫ᭄ᬩᬭᬵᬯᬢ᭄ᬣᬶᬲᬯᬸᬭᬾ᭞ᬲᬧᬵᬢᬦ᭄ᬳᬡ᭄ᬥᬃᬩᬾᬲᬸᬦᬹ᭞ᬮᬦ᭄ᬭᬶᬂᬧᬸᬡ᭄ᬥᬶᬳᬶᬓᬂᬦ᭄ᬕᬭᬶ᭞ᬦᬶᬫᬲᬶᬂᬗᬃᬖ᭄ᬕᬵᬧᬸᬭᬵ᭞ᬲᬯᬸ᭠
[᭑᭐ 10 A]
ᬭᬾᬧᬸᬦᬶᬓᬸ᭞ᬧᬹᬢ᭄ᬭᬦᬾᬲᬸᬮ᭄ᬢᬦᬶᬗᬭᬩ᭄᭞ᬓᬂᬳᬦᬫ᭄ᬫᬵ᭞ᬭᬤᬾᬦ᭄ᬩᬜ᭄ᬚᬃᬭᬦ᭄ᬲᬭᬶ᭞ᬫᬗ᭄ᬓᬶᬦ᭄ᬓᬭᬶᬢᬶᬦᬶᬮᬃ᭟ᬤᬾᬦᬶᬭᬫ᭄ᬫᬵᬦᬾᬳᬗᭂᬡ᭄ᬥᭀᬦ᭄ᬚᬸᬭᬶᬢ᭄᭞ᬭᬚᬵᬧᬹᬢ᭄ᬭᬵ᭞ᬓᬭᬶᬭᬶᬂᬫᬸᬓᬵᬥ᭄ᬥᬫ᭄᭞ᬬ᭄ᬬᬬᬶᬪᬵᬬᬵᬬᬾᬦ᭄ᬯᬸᬲ᭄ᬢᬸᬫᭀᬦ᭄
᭞ᬭᬶᬂᬯᬃᬡ᭄ᬦᬦᬾᬭᬚᬵᬲᬸᬦᬹ᭞ᬫᬾᬄᬢᬦ᭄ᬳᬃᬱᬵᬬ᭄ᬬᬬᬶᬦᬶᬗᬮᬶᬦ᭄᭞ᬫᬭᬶᬂᬮᬦᬂᬓᬂᬮ᭄ᬬᬦ᭄᭞ᬲᬂᬤ᭄ᬬᬄᬤᬾᬦ᭄ᬢᬸᬫᬸᬗ᭄ᬓᬸᬮ᭄᭞ᬳᬗ᭄ᬭᬸᬗᬸᬳᬶᬓᬂᬧᬯᬺᬝᬻ᭞ᬳᬫᬶᬘᬭᬵ᭞ᬚ᭄ᬭᭀᬦᬶᬂᬕᬮᬶᬳᬾᬲᬂᬤᬾᬯᬶ᭞ᬫᭀᬖ᭄ᬕᬵᬢᬦ᭄ᬢᬸᬮᬸᬲᬓ᭄ᬦᬵ᭟ᬳ
ᬮᭀᬦ᭄ᬫᬢᬸᬃᬦᬶᬳᬫ᭄ᬩᬭᬯᬢ᭄ᬣᬶ᭞ᬓᬗ᭄ᬓᭂᬦ᭄ᬧᬭᬦ᭄᭞ᬳᬡ᭄ᬥᬶᬓᬵᬭᬢᬸᬫᬲ᭄᭞ᬫᬭᬶᬂᬲᬂᬭᬚᬵᬧᬸᬢ᭄ᬭᬦᬾ᭞ᬳᬢᬯ᭄ᬯᬵᬡ᭄ᬥᬶᬓᬵᬫᬲ᭄ᬓᬸ᭞ᬳᬮᬓ᭄ᬬᬫ᭄ᬭᬶᬂᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬾᬲᬶᬫ᭄ᬫᬲ᭄ᬳᬃᬖ᭄ᬕᬵᬧᬹᬭᬵ᭞ᬗᬸᬚᬶᬯ᭄ᬯᬵᬢ᭄ᬲᬫᬯᬸᬃ᭞ᬳᬶᬲᬸᬦ᭄ᬮᬯᬦ᭄ᬭᬚᬵᬧᬹᬢᬺ᭞
ᬯᬸᬲᬪᬤ᭄ᬥᬵ᭞ᬳᬶᬗᬗ᭄ᬓᭂᬦ᭄ᬲᬸᬤᬭᬯᬶᬤ᭄ᬥᬶ᭞ᬮ᭄ᬯᬶᬃᬢᬸᬗ᭄ᬕᬮ᭄ᬬᬬᬄᬭᬾᬡ᭄ᬦᬵ᭟ᬤᬾᬦ᭄ᬳᬃᬬ᭄ᬬᬫᬲ᭄ᬩᬜ᭄ᬚᬭᬦ᭄ᬲᬭᬶ᭞ᬳᬶᬪᬹᬦᬶᬭᬵ᭞ᬧᬹᬢ᭄ᬭᬶᬓᬾᬮᬦ᭄ᬱ᭄ᬯᬭᬵ᭞ᬓᬾᬮᬵᬦ᭄ᬚᬮᬶᬦ᭄ᬕᬭᬦᬾ᭞ᬬᬬᬶᬫᬲ᭄ᬳᬭᬶᬦᬶᬗ᭄ᬲᬸᬦ᭄᭞ᬬᬾᬦ᭄ᬱᬹᬦ᭄ᬮᬶᬜᭀᬓ᭄ᬳᬲᬸᬂᬯᬺ
Kaca:Bali-lontar-gaguritan-kendit-birayung-300ppi.pdf/10
Kaca puniki sampun kauji-wacén
