Kaca:Bali-lontar-gaguritan-kawigama-gde-tutur-450ppi.pdf/10

Saking Wikisource
Kaca puniki sampun kauji-wacén

[᭙ 9B]

ᬅᬢ᭄ᬫ᭞ᬢᭂᬦ᭄ᬳᬶᬓᬸᬭᬕᬦᬾᬓᬶ᭞ᬦᬶᬓᬢ᭄ᬯᬄᬧᬗᬜ᭄ᬘᬦ᭄᭞ᬦ᭄ᬢᭀᬢᭀᬦ᭄ᬤᬾᬦ᭄ᬫᬵᬤᬦ᭄ᬳᬕᬫ᭞ᬅᬕᬫᬦᬾᬯᬦ᭄ᬢᬄᬩ᭄ᬮᬶ
᭞ᬧᬸᬦᬶᬓᬧᬄᬤ᭄ᬯ᭞ᬲᬓᬶᬂᬩ᭄ᬮᬶᬲᬮᬶᬢ᭄ᬳᬃᬣᬶ᭟ ᭐ ᭚ᬧᬸᬄᬕᬶᬦᬦ᭄ᬢᬶ᭚᭑᭟ᬅᬕᬫᬦᬾᬤᬳᬢ᭄ᬗᬸᬮ᭄ᬕᬸᬮ᭄᭞ᬢᭀᬦ᭄ᬤᬾ
ᬦ᭄ᬳᬤᬢᬦᬄᬮᬗᬶᬢ᭄᭞ᬦᬶᬓᬮᬗ᭄ᬕᭂᬂᬦᭀᬭᬳᭀᬩᬄ᭞ᬳᬶᬦᬩ᭄ᬲᬫ᭄ᬧᬾᬓᬬᬂᬚᬦᬶ᭞ᬅᬕᬫᬦᬾᬢᬦ᭄ᬩᬶᬲᬭᬸᬲᬓ᭄
ᬦᬵᬗ᭄ᬳᬶᬂᬦᬶᬓᬲᬂᬜᬮᬦᬶᬦ᭄᭟᭒᭟ᬫᬦᬸᬲᬗᬕᭂᬫ᭄ᬧᬸᬦᬶᬓᬸ᭞ᬢᬦ᭄ᬫᬭᬶᬦ᭄ᬕᬃᬦ᭄ᬕᬭᬶᬦ᭄᭞ᬫᬦᬸᬱᬗᬯᬶᬦᬦ᭄ᬰᬯ᭞
[᭑᭐ 10A]
ᬉᬧᬘᬭᬲᬂᬜᬮᬦᬶᬦ᭄᭞ᬫᬮᬦ᭄ᬢᬭᬦ᭄ᬳᬦ᭄ᬢᬸᬓ᭄ᬰᬯ᭞ᬰᬯᬦ᭄ᬳᬬᬫ᭄ᬲᬯᬦ᭄ᬩᭂᬮᬶ᭟᭓᭟ᬅᬕᬫᬰᬶᬯᬧᬸᬦᬶ
ᬓᬸ᭞ᬰᬶᬯᬰᬯᬦᬾᬅᬲ᭄ᬢᬶᬢᬶ᭞ᬉᬧᬓᬭᬦᬾᬜᬶᬳ᭄ᬦᬬᬂ᭞ᬇᬱᬰᬶᬯᬢᬸᬗ᭄ᬕᬶᬮ᭄ᬩᭂᬮᬶ᭞ᬳᭂᬦ᭄ᬤᬾᬦ᭄ᬫᬮᬸᬫᬗᬗᭀ
ᬩᬂ᭞ᬤᬸᬭᬸᬂᬢᬢᬲ᭄ᬫᬫᬶᬦᭂᬳᬶᬦ᭄᭟᭔᭟ᬢᭀᬬᬳᬗ᭄ᬕᬸᬃᬦᬾᬳᬶᬦᬸᬫ᭄᭞ᬲᬤᬸᬓ᭄ᬳᬶᬧᬸᬦ᭄ᬯᬯᬸᬦᬫ᭄ᬧᬶ᭞ᬗ᭄ᬭᬜ᭄ᬚᬶᬗᬶ
ᬦ᭄ᬕᬫᬳᬜᬃ᭞ᬫᬶᬯᬄᬦᬶᬓᬓᬲᬶᬭᬫᬶᬦ᭄᭞ᬣᬷᬃᬣᬲᬸᬫ᭄ᬧᬄᬬᬦ᭄ᬭᬱᬬᬂ᭞ᬫᬲᬗ᭄ᬕᬸᬧ᭄ᬩᬋᬂᬜᬮᬦᬶᬦ᭄᭟᭕᭟