[᭔᭐ 40B]
᭔᭐
ᬫᬦ᭄ᬫᬗᬸᬮᬮᬸᬦᬸᬮᬶᬲ᭄᭞ᬗ᭄ᬳᬶᬂᬳᬫ᭄ᬧᬸᬭᬲᬲ᭄ᬢ᭄ᬭᬩᬦ᭄ᬤᬸᬂ᭞ᬋᬫᬸᬓ᭄ᬓᬢᬸᬦᬦ᭄ᬓᬭᬢ᭞ᬫᬓᬤᬶᬜ᭞ᬧᭂᬤᬲ᭄ᬲᬲᬃᬓᬶᬭᬗ᭄ᬓᬸᬂ᭞ᬧᬸᬧᬸᬄᬢᬦᬹᬢᬶᬦ᭄ᬧ᭠
ᬲᬂ᭞ᬤᬸᬭᬸᬂᬫᬫᬦ᭄ᬢᬢᬲ᭄ᬳᬸᬦᬶᬂ᭟ᬫᬲᬶᬧᬶᬦᬸᬦᬲ᭄ᬳᬶᬫᬫᬦ᭄᭞ᬬᬾᬦ᭄ᬢ᭄ᬯᬄᬲᬶᬤ᭄ᬟᬧ᭄ᬭᬕᬢ᭄ᬳᬦ᭄ᬤᬾᬜᬗ᭄ᬕᬸᬭᬶᬢ᭄᭞ᬫᬲᬶᬚ᭄ᬯᬳᬧᬗᬓᬢᬸᬃ᭞ᬦ᭄ᬤᬯᭂᬕᬂᬫ᭠
ᬫᬱ᭄ᬝᬶᬓ᭞ᬫᬗ᭄ᬤᬾᬲᬶᬦᬄ᭞ᬮᬦ᭄ᬢᬃᬧᬘᬩᭂᬩᬲ᭄ᬫᬸᬫᬸᬄ᭞ᬭᬶᬂᬲᬂᬯᬶᬪᬸᬄ᭠ᬓᬧ᭄ᬭᬚ᭄ᬜᬦᬦ᭄᭞ᬫᬘᬶᬳ᭄ᬦᬯᬮᬶᬧᬶᬦᬶᬗᬶᬢ᭄᭟ᬫᬭᬦ᭄ᬓᬾᬫ᭄ᬧᭂᬃᬫᬧᬶᬢᬸᬗ᭠
ᬦ᭄᭞ᬲᬬᬦ᭄ᬧᬸᬗ᭄ᬓᬸᬃᬮᬦ᭄ᬢᬗᬂᬫᬗ᭄ᬯᬶᬮᬗᬶᬦ᭄᭞ᬳᬗᬶᬦᬾᬲᬩᬸᬄᬫᬲᭂᬮᬸᬃ᭞ᬫᬮᬶᬗᬦ᭄ᬫᬫ᭄ᬩ᭄ᬬᬧᬭ᭞ᬭᬳᬢ᭄ᬗᭀᬬᬕ᭄᭞ᬧ᭄ᬭᬧᬜ᭄ᬘᬩᬬᬸᬦᬾᬗ᭄ᬮᬶ᭠
[᭔᭑ 41A]
ᬧᬸᬢ᭄᭞ᬢᭀᬂᬲᬶᬤ᭄ᬟᬩᬢᬦ᭄ᬦᭂᬕ᭄ᬢᭂᬕᬂ᭞ᬫᬗ᭄ᬤᬾᬜᬓ᭄ᬫᬂᬤᬤᬶᬮᬭᬶᬲ᭄᭟ᬤᬾᬦᬶᬂᬓᬦ᭄ᬢᭂᬦᬾᬭᬶᬂᬯᬳ᭄ᬬ᭞ᬲᬂᬳ᭄ᬬᬂᬲᬲ᭄ᬢ᭄ᬭᬧᬲᭂᬦᭂᬢᬦ᭄ᬳᬥᬃᬫ᭄ᬫᬶᬦ᭄᭞ᬓᬳᬸ
ᬘᬧ᭄ᬕᭂᬦᬄᬫᬲᬸᬮᬸᬄ᭞ᬓᬧᬭᬩᬶᬦ᭄ᬳᬕᬫ᭞ᬭᬶᬂᬰᬰᬡ᭞ᬲᬲ᭄ᬢ᭄ᬭᭀᬤᬺᬢᬶᬳᬚᬶᬢᬸᬢᬸᬃ᭞ᬕᬸᬭᬸᬦᬶᬂᬕᬸᬭᬸᬭᬶᬂᬮᭀᬓ᭞ᬯᭂᬓᬲ᭄ᬲᬶᬗᬍᬯᬶᬄᬍᬯᬶᬄ᭟
ᬲᬓᬶᬂᬲᬲᬢ᭄ᬭᬯᬾᬦ᭄ᬢᭂᬦ᭄ᬳᬧ᭞ᬚᬢᬶᬲᬫ᭄ᬧᬸᬦ᭄ᬓᬮᬸᬫ᭄ᬩ᭄ᬭᬄᬲᬓᬶᬂᬗᬹᬦᬶ᭞ᬲᬂᬢᭂᬍᬩ᭄ᬫᬗ᭄ᬕᬸᬮᬶᬓ᭄ᬢᬸᬢᬸᬃ᭞ᬫᬮᬘᬮᬘᬥᬃᬫ᭄ᬫ᭞ᬓᬗ᭄ᬕᬾᬦ᭄ᬦᬸᬦ᭄ᬢᬸᬦ᭄᭞ᬓᬬᬸᬩᬸᬯ᭠
ᬢ᭄ᬫᬲᬸᬭᬸᬤ᭄ᬳᬬᬸ᭞ᬫᬗᬺᬕᭂᬧᬂᬧᬹᬚᬫᬦ᭄ᬢ᭄ᬭ᭞ᬫᬚᬶᬢᬵᬘ᭄ᬘᬦᬲᬫᬺᬢ᭄ᬢᬶ᭟ᬓ᭄ᬭᬡᬲᬶᬤ᭄ᬟᬓᬤᬭᬡ᭞ᬳᬢ᭄ᬭᬶᬓᬬᬳᬶᬢ᭄ᬭᬶᬕᬸᬡᬫ᭄ᬯᬄᬳᬶᬢ᭄ᬭᬶᬰᬓ᭄ᬢᬶ᭞ᬘᬮᬸᬄᬍ
Kaca:Bali-lontar-gaguritan-kasmaran-350ppi.pdf/41
Kaca puniki sampun kauji-wacén
