Kaca:Bali-lontar-gaguritan-kasmaran-350ppi.pdf/31

Saking Wikisource
Kaca puniki sampun kauji-wacén

[᭓᭐ 30B]
᭓᭐
ᬩᬶᬓᬲᬫᬸᬳᬦᬶᬜ᭞ᬲᭂᬩᭂᬗᬾᬧᬡ᭄ᬟᬶᬢᬧᬸᬢᬸᬲ᭄᭞ᬤᭀᬂᬳᬤᬧᬡ᭄ᬟᬶ᭠ᬢ᭞ᬓᬚᬢᬾᬦ᭄ᬜᬦᬾᬩᬜ᭄ᬘᬶᬄ᭞ᬢᬶᬤᭀᬂᬫᬸᬳᬦᬶᬢᬶᬤᭀᬂᬮᬸᬯ᭞ᬲᬓᬾ᭠
ᬯᬮᬫᬩᬶᬓᬲ᭄ᬲᬶᬕᬸᬕ᭄᭟ᬫᬸᬜᬶᬦᬾᬘᬳᬶᬫᬗᬦ᭄ᬢ᭄ᬬᬂᬓᬚ᭞ᬦᭀᬢ᭄ᬓᬓᬶᬲᬤᬕᬸᬧᬸᬄ᭞ᬳᬸᬮᬢ᭄ᬭᬹᬧᬲᭂᬦ᭄ᬥᬸ᭞ᬲᭂᬩᭂᬂᬘᬳᬶᬦᬾᬧ᭄ᬭᬶᬳᬶᬢᬶᬦ᭄᭞ᬢᬃᬓ᭄ᬓ
ᬦ᭄ᬓᬓᬶᬧᭂᬤᬲ᭄᭞ᬘᬳᬶᬢ᭄ᬯᬄᬗᬮᬶᬄᬓᬓᬭᬸᬄ᭞ᬧᬫᬶᬢ᭄ᬭᬲᬬᬗᬂ᭞ᬫᬓᬤᬤ᭄ᬯᬫ᭄ᬩᭂᬮᬲᬶᬦ᭄᭞ᬧᬢᬹᬢ᭄ᬲᬧᬸᬦᬶᬓᬧᭂᬓᬓ᭄᭞ᬢᬦ᭄ᬲᬶᬫ᭄ᬧᬂᬓᬤᬶᬦᬾ
ᬦᬾᬩᬳᬸ᭟ᬗᬸᬤᬓᬸᬢᭀᬩᬳᬦ᭄ᬘᬳᬶᬗᬩᬳᬯᬓ᭄᭞ᬓᬓᬶᬓᬤᬶᬫᬫᬸᬗᬸᬫᬓᭂᬦᭂᬄᬓᬸᬤᬫᬮᬸ᭞ᬳᬶᬦ᭄ᬤ᭄ᬭᬶᬬᬦ᭄ᬘᬳᬶᬦᬾᬧ᭄ᬭᬗᬶᬦ᭄᭞ᬫᬧ᭠
[᭓᭑ 31A]
ᬦ᭄ᬲᬶᬂᬢᭂᬍᬩᬂ᭞ᬬᬾᬦ᭄ᬕᬯᬾᬓᭂᬦᭂᬄᬳᬸᬮᬗᬸᬦ᭄᭞ᬬᬫᬗ᭄ᬕᬯᬾᬲᬲᬃ᭞ᬭᬲᬬᬂᬓᬓᬶᬫᬗ᭄ᬓᬶᬦ᭄᭞ᬢ᭄ᬯᬭᬓᭀᬳᭂᬚᭀᬄᬢᭀᬗᭀᬲ᭞ᬬᬤᬶᬢᬗ᭄ᬕᬸᬦ᭄ᬮᬗᬶᬢᬾᬓᬯᬸᬄ᭟ᬓᭂᬫᬧᬾᬢᬦ᭄ᬘᬳᬶᬳᬮᬶᬄᬳᭂᬦ᭄ᬢᭀᬳᬫ᭄ᬩᬄ᭞ᬩᭂᬦᭂᬗᬂᬩᭂᬦᭂᬂᬓᬯᬸᬄ᭞ᬫᬃᬕ᭄ᬕᬲᬤᬲᬶᬦ᭄ᬢ᭄ᬭᬸ᭞ᬤᬶᬢᬸᬳᬫ᭄ᬩᬳᬶᬦ᭄ᬘᬳᬶ
᭞ᬧᭂᬤᬲ᭄ᬫᬯᬸᬳᬂ᭞ᬩᬸᬮᬶᬳᬦ᭄ᬕᬸᬦᬸᬗᬾᬢᬸᬳᬸᬢ᭄᭞ᬬᬾᬦ᭄ᬲᬸᬩᬳᬶᬗᬦᬂ᭞ᬮᬶᬯᬢ᭄ᬫᬃᬕ᭄ᬕᬦᬾᬲ᭄ᬭᬶᬧᬶᬢ᭄᭞ᬳᬤᬭᬸᬭᬸᬂᬢᬶᬩᬓᬢᬄ᭞ᬫᬲᬶ
ᬗ᭄ᬲᬮᬦ᭄ᬤᬲᬮᬄᬮᬓᬸ᭟ᬢᭂᬓᭂᬤ᭄ᬤᬶᬢᬸᬚ᭄ᬯᬘᬳᬶᬢᬓᭀᬦ᭄ᬢᬓᭀᬦᬂ᭞ᬧᬦ᭄ᬤᬶᬗᭂᬄᬓᬓᬶᬩᬳᬸ᭞ᬫᬧᬦᬶᬂᬓᬢᭂᬧᬸᬓ᭄᭞ᬳᬶᬜᬳᬦᬓ᭄ᬢᬸᬳᬸᬭᬯᬶᬢ᭄