Kaca puniki sampun kauji-wacén
[᭑ 1B]
᭚᭜᭚ᬅᬯᬶᬖ᭄ᬦᬫᬵᬲ᭄ᬢᬸ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬳᬤᬓᬶᬤᬸᬂᬕᬕᬸᬭᬶᬢᬦ᭄᭞ᬢᭂᬫ᭄ᬩᬂᬲᬶᬦᭀᬫ᭄ᬫᬸᬜᬶᬩᬮᬶ᭞ᬢ᭄ᬯᬶᬧᬕᬯᬾᬦ᭄ᬚᬦ᭄ᬫᬩ᭄ᬮᭀᬕ᭄
ᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄ᬫᬸᬜᬶ᭞ᬓᬯᬶᬤᬶᬚᬦᬶᬗᬯᬶ᭞ᬦᬗ᭄ᬳᬶᬂᬢᬶᬢ᭄ᬬᬂᬮᬶᬦ᭄ᬢᬂᬢᬦ᭄ᬤ᭄ᬭᬸᬄ᭞ᬓᬾᬯᬮᬫᬜᬶᬤᬬᬂ᭞ᬓᬳ᭄ᬬᬸᬦ᭄ᬳᬶᬤᬲᬂᬳ᭄ᬬᬂᬯᬶᬤᬶ᭞ᬫᬸᬜᬶᬧᬮᬶᬂ᭞᭠
ᬤᬢᬩᬕ᭄ᬩᬕ᭄ᬫᬘ᭄ᬮᬫᬸᬓᬦ᭄᭟ᬢᭀᬂᬤᬤᬶᬧᬘᬂᬫᬫᬶᬦ᭄ᬤᬄ᭞ᬳᬧᬂ᭠ᬫᬲᬓᬶᬢᬂᬗᬯᬶ᭞ᬳᬗ᭄ᬳᬶᬂᬤᬸᬤᬸᬓᬂᬲᬢ᭄ᬯᬜ᭞ᬳᬧᬂᬳᬤᬓᬕᬸᬬᭀ᭠
ᬦᬶᬦ᭄᭞ᬗ᭄ᬓᬮ᭄ᬗ᭄ᬓᬮᬦ᭄ᬫᬸᬜᬶᬩᬮᬶ᭞ᬮᬾᬦ᭄ᬳᬤᬫᬸᬜᬶᬦᬾᬳᬬᬸ᭠ᬲ᭄ᬩᬶᬓᬲᬾᬤᬶᬧᭂᬤᭂᬫᬦ᭄᭞ᬲᬗ᭄ᬕᬸᬧᬾᬫᬗᬸᬦ᭄ᬢᬮ᭄ᬕᬸᬫᬶ᭞ᬩᬶᬓᬲ᭄ᬩᬸᬤᬸᬄ
[᭒ 2A]
᭞ᬫᬫᬜᬶᬂᬫᬗᭀᬜᬂᬭᬭᬲ᭄᭟ᬦ᭄ᬤᬸᬮᬫᬾᬲᬳᬶᬢᬦ᭄ᬧᭂᬕᬢ᭄᭞᭠ᬩᬸᬓᬓᭂᬦᬳᬸᬧᬲ᭄ᬲᬡ᭄ᬟᬶ᭞ᬳᬸᬮᬢᬾᬫᬜ᭄ᬚᭂᬦᭂᬂᬳᭀᬲᬄ᭞ᬦ᭄ᬤᬸᬄᬤᬶᬧᭂ᭠
ᬤᭂᬫᬦ᭄ᬜᬸᬫ᭄ᬧ᭄ᬭᬶᬢ᭄᭞ᬜᬾᬦ᭄ᬫᬗᬸᬕᬸᬳᬶᬍᬗᬶᬢ᭄᭞ᬲᭂᬩᭂᬗᬾᬩᬶᬲᬫᬜᬭᬸ᭞ᬫᬧᬶᬦ᭄ᬤᬄᬧᬶᬦ᭄ᬤᬳᬸᬬᬂ᭞ᬦᭂᬓᭂᬲᬦᬾᬲᬤᬢᬶᬢᬶᬃᬕᬸᬮᬢ᭄ᬲᬥᬸ
ᬲᬸᬓ᭄ᬱ᭄ᬫᬜᬦᬾᬫᬗ᭄ᬮᬶᬬᬗᬂ᭟ᬬᬾᬦᬶᬂᬫᬸᬮᬳᬦᬓ᭄ᬩᬶᬲ᭞ᬳᬲᬢᬂ᭠ᬫᭂᬲᬸᬳᬂᬫᬸᬜᬶ᭞ᬧᬮᬶᬬᬢᬾᬲᬤᬦ᭄ᬤᬸᬓᬂ᭞ᬳᬸᬮᬢ᭄ᬓᬗᭂᬦ᭄ᬩᬳᬦ᭄ᬲᭂᬤᬶᬄ᭞
ᬲᬬᬂᬲᬚᬢᬶᬳᬶᬕᬸᬲ᭄ᬢᬶ᭞ᬩᬸᬯᬶᬦ᭄ᬧᬶᬤᬦ᭄ᬢᬶᬢ᭄ᬬᬂᬫᬦᭂᬫᬸ᭞ᬧᬋᬓ᭄ᬓᬧᬸᬮᭀᬦᬸᬗ᭄ᬕᬮ᭄᭞ᬓᬤᬶᬢᬦ᭄ᬧᬭᬯᬢ᭄ᬕᬸᬫᬶ᭞ᬫᭂᬗ᭄ᬕᭂᬮ᭄ᬕᬸᬦᬸᬂ᭞ᬧᬧᬶᬢᬸᬮᬦ᭄ᬢᬲ᭄ᬬᬢᬶ
