Kaca:Bali-lontar-gaguritan-kasmaran-350ppi.pdf/17

Saking Wikisource
Kaca puniki sampun kauji-wacén

[᭑᭖ 16B]
᭑᭖
ᬢᬾᬕ᭄ᬢᬾᬕ᭄ᬦᬸᬗᬤᬄᬮᬗᬶᬢ᭄᭞ᬧᬶᬮᬶᬄᬳᬤᬫᬫᬢ᭄ᬭ᭞ᬓᬫ᭄ᬧᭂᬳ᭠ᬦ᭄ᬳᬗᬦ᭄ᬳᬕᭂᬢᬸᬮ᭄᭞ᬬᬳᬗ᭄ᬕᬧᬯᬶᬢ᭄ᬭ᭞ᬧᬳᬶᬢ᭄ᬜᬦᬾᬲᬸᬗ᭄ᬓᭂᬫᬶᬦ᭄᭞ᬳ
ᬧᬂᬤᬳᭂᬦᬸᬧ᭄ᬭᬧᬜ᭄ᬘ᭞ᬤᬾᬦᬶᬂᬲᬚᬢᬶᬓᬾᬦ᭄ᬧᬓᬾᬯᬸᬄ᭟᭜᭟ᬧᬸᬄᬲ᭄ᬫᬭᬦ᭄ᬟᬦ᭟᭜᭟ᬓᬮᬶᬄᬳᬶᬧᬸᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬧ᭄ᬬᬃᬱᬦ᭄ᬢᬶᬢ᭄ᬬᬂ᭠
ᬤᬸᬓ᭄ᬧᬸᬦᬶᬓ᭞ᬫᬧᬦᬶᬂᬧᬥᬧᬢᬶᬢᬾᬦ᭄᭞ᬭᬶᬂᬓᬧᬸᬢᬸᬲᬦ᭄ᬳᬚ᭄ᬜᬦ᭞ᬢᬶᬗ᭄ᬓᬳᬶᬂᬓᬧ᭄ᬭᬮᬶᬦᬦ᭄᭞ᬭᬶᬂᬭᬕᬦ᭄ᬤᬾᬯᬾᬓᬾᬤᬸᬫᬸᬦ᭄᭞ᬤᬤᭀ
ᬲ᭄ᬓᬾᬩᬳᬦ᭄ᬫ᭄ᬭᬮᬷᬦ᭟ᬬᬾᬦ᭄ᬤᬤᬶᬢ᭄ᬯᬭᬫᬗᬶᬧᬶ᭞ᬤᬶᬧᬸᬍᬲᬾᬢᬾᬳᬶᬦ᭄ᬤᬬᬂ᭞ᬢᬸᬚᬸᬓᬵᬮᬤᬶᬫᬾᬫᬾ᭞ᬓᬾᬦ᭄ᬓᬾᬦ᭄ᬭᬲᬜᬧᬸᬦᬶᬓ᭞ᬤ
[᭑᭗ 17A]
ᬤᬶᬓᬾᬢᬦ᭄ᬧᬳᬶᬲ᭄ᬬᬦ᭄᭞ᬩᬸᬓᬓ᭄ᬭᬫᬦᬶᬂᬫᬗᬸᬭᬸᬂ᭞ᬲᬶᬬᬧ᭄ᬲᬬᬂᬓᬳᬸᬦᬶᬗ᭟ᬳᬧᬦ᭄ᬳᬸᬓ᭄ᬢᬶᬜᬩᭀᬂᬩᭀᬗᬶᬦ᭄᭞ᬬᬤᬶᬦ᭄ᬧᬘᬂ᭠
ᬗ᭄ᬕᭀᬦ᭄ᬳᬸᬫᬄ᭞ᬍᬯᬶᬄᬧᬘᬂᬓᬯᭂᬯᬶᬦᬤᬾᬦ᭄᭞ᬢᬸᬃᬩᬜᬩᬗ᭄ᬓᭂ᭠ᬧ᭄ᬧᬗᬯᬓ᭄᭞ᬗᭂᬦᭂᬳᬂᬧᬶᬧᬶᬲ᭄ᬚᬸᬫᬵᬄ᭞ᬤᬓᬾᬩᬸᬓᬩᬳᬦ᭄ᬗᬤᬸ᭞᭠
ᬲᬶᬬᬧ᭄ᬩᭂᬭᬕ᭄ᬢᬶᬯᬲ᭄ᬫᬗᬸᬭᬕ᭄᭟ᬓᬾᬦ᭄ᬓᬾᬦ᭄ᬩᬳᬦ᭄ᬫᬦᬓᭀᬦᬶ᭠ᬦ᭄᭞ᬢᬸᬃᬜᬾᬦ᭄ᬗᬗ᭄ᬕᭀᬢᬚᬶᬢᬶᬫᬄ᭞ᬢᬦ᭄ᬧᬳᬸᬲᬸᬓ᭄ᬮᭂᬫᭂᬢ᭄‌ᬕᬾ
ᬧᬾᬂ᭞ᬲᭀᬓ᭄ᬫᬗᬤᬸᬕᬮ᭄ᬕᬶᬮᬧᬦ᭄᭞ᬗ᭄ᬭᬾᬤᬾᬧ᭄ᬓᬤᬾᬦᬂᬜᬜᬧ᭄᭞ᬩᬳᬸᬕᭂᬩᬸᬕᬂᬫᬗ᭄ᬮᬶᬤᬸᬂ᭞ᬢᬦᬸᬭᬸᬂᬩᬓᬮ᭄ᬫᬗᬗ᭄ᬕᬧ᭄᭟ᬓᬾ