[ ᭕ 5B]
᭕᭞
ᬓ᭄ᬪᬝᬵᬭᬶᬰ᭄ᬭᬷᬳᬦᬸᬭᬸᬦ᭄᭞ᬫᬵᬯᬓ᭄ᬓᬸᬫᬵᬭᬱᬤ᭄ᬭᬲ᭞ᬲᭀᬭᬶᬂᬕᬢᬺᬢᬢᬦᬾᬓᬶ᭞ᬢᬺᬱ᭄ᬡᬯᬤᬶᬦᬶᬭᬭᬹᬫ᭄᭞ᬢᬶᬕᬫᬬᬦᬶᬰ᭄ᬭᬷᬕᬢᬶ᭟ᬯ᭄ᬗᬶᬧᬹᬃᬡ᭄ᬦᬫᬦᬶᬂᬢᬸᬯᬸᬄ᭞ᬳᬫᭂᬧᭂᬓ᭄ᬢᬾ
ᬚᬦᬶᬭᬰ᭄ᬫᬶᬦ᭄᭞ᬧᬤ᭄ᬫᬭᬵᬕᬫ᭄ᬓᬃᬓᬩᬾᬄ᭞ᬢᬶᬕᬭᬱᬫᬧᬢ᭄ᬮᬸ᭞ᬧᭂᬧᭂᬓᬶᬂᬳᬗ᭄ᬕᬢᬦ᭄ᬮᬸᬯᬃ᭞ᬯᬶᬦᬹᬳᬶᬭᬲᬂᬳ᭄ᬬᬂᬭᬢᬶᬄ᭞ᬢᬦ᭄ᬓ᭄ᬦᬍᬯᬲᬶᬂᬭᬹᬫ᭄᭞ᬬᬾᬦ᭄ᬏᬜ᭄ᬚᬂᬳᬸᬫᬗ᭄ᬕᬮ᭄ᬫ
ᬦᬶᬄ᭟ᬧ᭄ᬭᬚ᭄ᬜᬦ᭄ᬯᬶᬘᬓ᭄ᬱᬡᬦᬸᬮᬸᬲ᭄᭞ᬳᬬᬸᬦᬶᬭᬦᬶᬰ᭄ᬭᬷᬕᬢᬶ᭞ᬯ᭄ᬭᬸᬄᬭᬶᬂᬥᬃᬫ᭄ᬫᬓᬫᬹᬮᬦᬾ᭞ᬓᬸᬝᬯᬶᬢ᭄ᬳᬤᬧᬸᬃᬢᬸᬢᬸᬃ᭞ᬯᬶᬰᬾᬱᬵᬗᬸᬜ᭄ᬘᬶᬧᬗ᭄ᬭᬱ᭞ᬯ᭄ᬭᬸᬄᬧᬲ᭄ᬦᭂᬢᬦᬶᬂᬧᬢᬶ᭞
ᬤᬾᬯᬢᬷᬯᬸᬲ᭄ᬧᬶᬦᬸᬧᬸᬮ᭄᭞ᬕᬶᬦ᭄ᬮᬭᬶᬂᬧᬢᬷᬉᬭᬶᬧ᭄᭟ᬪᬝᬵᬭᬶᬉᬫᬭᬳᬬᬸ᭞ᬯᬶᬰᬾᬱᬫᬥ᭄ᬬᬦᬶᬂᬭᬳᬶ᭞ᬫᬳᬾᬰ᭄ᬯᬭᬶᬗ᭄ᬕᬮᬶᬲ᭄ᬗ᭄ᬕᭀᬦᬾ᭞ᬲᬭᬰ᭄ᬯᬢᬷᬗ᭄ᬕ᭄ᬯᬶᬂᬢᬸᬢᬸᬓ᭄᭞ᬤᬹᬃ
[ ᭖ 6A]
ᬕ᭄ᬕᬤᬾᬯᬷᬳᬦᬾ ᬓᬃᬡ᭄ᬦ᭞ᬭᬵᬚᬮᬓ᭄ᬱ᭄ᬫᬶᬗᬸᬮᬢ᭄ᬮᬶᬭᬶᬂ᭞ᬪᬝᬵᬭᬶᬰ᭄ᬭᬶᬳᬬᬸ᭞ᬯᬶᬰᬾᬱᬵᬭᬶᬂᬲ᭄ᬢᬦᬓᬓᬶ᭟ᬭᬶᬂᬰᬩ᭄ᬤᬪᬝᬵᬭᬶᬯᬲ᭄ᬢᬸ᭞ᬭᬶᬂᬇᬭᬸᬂᬪᬝᬵᬭᬶᬭᬶᬰᬸᬘᬶ᭞ᬉᬫᬤᬾᬯᬶᬚᬕ᭄ᬕᬸ
ᬢ᭄ᬳᭂᬗ᭄ᬕᭀᬦᬾ᭞ᬪᬝᬵᬭᬶᬳᬬᬸᬧᬫᬸᬮᬸ᭞ᬳ᭄ᬬᬂᬇᬦ᭄ᬤ᭄ᬭᬦᬶᬫᬸᬗ᭄ᬕ᭄ᬯᬶᬂᬦᬾᬢᬺ᭞ᬩᬢᬸᬓ᭄ᬪᬝᬵᬭᬶᬧᬃᬯ᭄ᬯᬢᬶ᭞ᬅᬦᬸᬗ᭄ᬓᬸᬭᬵᬢ᭄ᬭᬶᬂᬕ᭄ᬮᬸᬂ᭞ᬓᬭᬰᬶᬓᬦ᭄ᬲᬂᬳ᭄ᬬᬂᬭᬢᬶᬄ᭟ᬲᬷᬢᬫᬸᬗ᭄ᬕ᭄ᬯᬶᬂᬫᬾᬲᭂᬫ᭄ᬕᬸ
ᬬᬸ᭞ᬧᬦ᭄ᬤᬸᬮᬸᬲᬂᬲᬶᬣᬶᬲᬭᬶ᭞ᬤ᭄ᬭᭀᬧᬤᬶᬢᬶᬗ᭄ᬓᬄᬲᭀᬮᬳᬾ᭞ᬤᬾᬯᬶᬭᬹᬓ᭄ᬫᬶᬦᬶᬧᬫᬸᬦ᭄ᬢᬸ᭞ᬯᬾᬤ᭄ᬥᬯᬢᬷᬭᬶᬂᬓᬧ᭄ᬭᬚ᭄ᬜᬦ᭄᭞ᬓ᭄ᬱᬶᬢᬶᬲᬸᬦ᭄ᬤᬭᬶᬓᬭᬰ᭄ᬫᬶᬦ᭄᭞ᬧ᭄ᬭᬵᬚ᭄ᬜᬯᬢᬷᬧᬶᬢᬸᬢᬸᬃ᭞
ᬓᬲᬢ᭄ᬬᬦ᭄ᬲᬂᬦᭀᬦᬯᬢᬷ᭟ᬪᬝᬵᬭᬶᬓᬾᬥᭂᬧ᭄ᬭᬶᬗ᭄ᬕᬸᬮᬸ᭞ᬭᬶᬂᬲᬦ᭄ᬢᭂᬦ᭄ᬲᬂᬢᬸᬜ᭄ᬚᬸᬧᬸᬢᬶᬄ᭞ᬲᬸᬧ᭄ᬭᬪᬫᬸᬗ᭄ᬕ᭄ᬯᬶᬂᬥᬥᬦᬾ᭞ᬫᬬᬂᬫ᭄ᬓᬃᬢ᭄ᬗᬳᬶᬧᬸᬦ᭄᭞ᬦᬮᭀᬢ᭄ᬢᬫᬭᬶᬓᬭᬭᬦ᭄᭞
Kaca:Bali-lontar-gaguritan-jayenglanga-350ppi.pdf/6
Kaca puniki sampun kauji-wacén
