Kaca:Bali-lontar-gaguritan-jayenglanga-350ppi.pdf/27

Saking Wikisource
Kaca puniki sampun kauji-wacén

[ ᭒᭖ 26B]
᭒᭖᭞
ᬕ᭄ᬬ᭞ᬭᬵᬚᬪᬹᬱᬡᬓᬂᬍᬯᬶᬄ᭞ᬨᬮᬪᭀᬕᬧᬸᬦᬶᬓᬸ᭞ᬲᬓᬵᬃᬱᬦᬦᬶᬢᬸᬳᬸᬓᬶ᭟ᬕ᭄ᬦᭂᬧᬶᬂᬲ᭄ᬯᬃᬕ᭄ᬕᬧᬧᬶᬢᬸ᭞ᬮᬸᬗ᭄ᬕᬸᬳᬶᬤᬾᬦ᭄ᬢᬵᬦᬓ᭄ᬫᬫᬶ᭞ᬧᬸᬘᬓ᭄ᬲᬮᬶᬓᬸᬃᬯᬸᬯᬸᬗᬾ᭞ᬲ᭄ᬯᬃᬕ᭄ᬕ
ᬓᬂᬯ᭄ᬓᬲᬶᬂᬮᬸᬳᬸᬃ᭞ᬳᬓ᭄ᬯᬾᬄᬍᬯᬶᬄᬓᬲᬃᬯ᭄ᬯᬏᬦ᭄ᬤᬄ᭞ᬢᬦ᭄ᬓᭂᬦᬾᬂᬭᬳᬶᬦᬯ᭄ᬗᬶ᭞ᬰᬶᬯᬧᬥᬵᬭᬦᬶᬧᬸᬦ᭄᭞ᬲᬧ᭄ᬢᬲ᭄ᬯᬃᬕ᭄ᬕᬓᬂᬮᬶᬦᭂᬯᬶᬄ᭟ᬰᬹᬦ᭄ᬬᬧᬥᬗᬭᬦᬶᬧᬸᬦ᭄᭞ᬇᬓᬸᬯ᭄ᬓᬲᬶᬂᬮᬶᬦᭂᬯᬶᬄ᭞
ᬓᬂᬲᬶᬦᬦ᭄ᬤ᭄ᬬᬦ᭄ᬢᬧᬓᬩᬾᬄ᭞ᬯᭀᬂᬲᬪᬹᬫᬶᬧᬥᬗᬺᬩᬸᬢ᭄᭞ᬦᬵᬗ᭄ᬳᬶᬂᬫᬲᬓᬢ᭄ᬓᬦ᭞ᬳᬧᬦ᭄ᬯᬾᬦ᭄ᬢᭂᬦ᭄ᬳᬦ᭄ᬤᬺᬯᬾᬦᬶ᭞ᬓᬺᬢ᭄ᬢᬲᬫᬬᬦᬶᬧᬸᬦ᭄᭞ᬧᬡ᭄ᬥᬶᬢᬯᬢᭂᬓ᭄ᬳᬗ᭄ᬳᬚᬶ᭟ᬳᬦᬸ
ᬗ᭄ᬕᬮᬶᬂᬰ᭄ᬭᬶᬯᬇᬓᬸ᭞ᬯ᭄ᬦᬂᬲᬓᬵᬃᬱᬦᬾᬍᬯᬶᬄ᭞ᬳᬶᬬᬭᬶᬗ᭄ᬲᬸᬦᬶᬓᬸᬫᬗ᭄ᬓᬾ᭞ᬯ᭄ᬦᬂᬳᬭᬾᬄᬯ᭄ᬦᬂᬳᬤᬸᬫ᭄᭞ᬇᬮᬇᬮᬮᬶᬦᬭᬗᬦ᭄᭞ᬬᬦ᭄ᬲᬂᬯ᭄ᬭᬸᬄᬭᬶᬂᬬᭀᬕᬲᬦ᭄ᬥᬶ᭞ᬧᬸᬢᬸᬲ᭄ᬭ
[ ᭒᭗ 27A]
ᬱᬧᬗᬯ᭄ᬭᬸᬄ᭞ᬢᬦᬯᬾᬄᬫᬃᬕ᭄ᬕᬦᬶᬂᬓᬵᬧ᭄ᬢᬶ᭟ᬳᬓ᭄ᬯᬾᬄᬓᬂᬳᬃᬱᬧᬸᬦᬶᬓᬸ᭞ᬳᬫᬮᬓᬸᬲ᭄ᬯᬃᬕ᭄ᬕᬍᬯᬶᬄ᭞ᬦᭀᬭᬵᬦᬢᬧᬩ᭄ᬭᬢᬦᬾ᭞ᬢᬦ᭄ᬬᭀᬕ᭄ᬬᬲᬫᬵᬥᬶᬤᬾᬦ᭄ᬕᬸᬂ᭞ᬰᬩ᭄ᬤ
ᬓᬯᬮᬢᬜ᭄ᬚᬢᬶ᭞ᬮᬓ᭄ᬱᬡᬇᬓᬶᬲᬫ᭄ᬧᬸᬪᬹᬄ᭞ᬧᬶᬦ᭄ᬤᬬᬳᬯᬓ᭄ᬦ᭄ᬬᬮᬸᬫᬸᬄ᭞ᬫᬸᬓᬭᬰ᭄ᬫᬶᬦ᭄ᬳᬢᬶᬳᬢᬶ᭟ᬬᬾᬦ᭄ᬳᬃᬱᬳᬭᬶᬂᬧᬸᬦᬶᬓᬸ᭞ᬤᬾᬦ᭄ᬯᬦᬶᬳᬗ᭄ᬳᬾᬮ᭄ᬳᬗᬮᬶᬄ᭞ᬖᬵᬭᬡᬯᬦᬶ
ᬮᭀᬦ᭄ᬳᬢᭂᬦ᭄᭞ᬓᬸᬮᬍᬫᭂᬄᬳᬬᭀᬕᬶᬦᬸᬂ᭞ᬲᬶᬂᬕᬸᬡᬓᬯᬶᬰᬾᬱ᭞ᬓᬢᬓᭀᬦᬶᬭᬱᬮᬶᬦᭂᬯᬶᬄ᭞ᬮᬦ᭄ᬲᬦ᭄ᬥᬶᬦᬶᬂᬬᭀᬕᬵᬦᬸᬂ᭞ᬇᬓᬸᬫᬃᬕ᭄ᬕᬯ᭄ᬭᬸᬳᬾᬗ᭄ᬓᬫᬶ᭟ᬉᬚᬭᬶᬂᬫᬸᬥᬳᬧᬸ
ᬗ᭄ᬕᬸᬂ᭞ᬢᬦ᭄ᬥᬃᬫ᭄ᬫᬰᬵᬲ᭄ᬢ᭄ᬭᬮᬶᬦᭂᬯᬶᬄ᭞ᬢᬦ᭄ᬢᬧᬩ᭄ᬭᬢᬉᬚᬭᬾ᭞ᬢᬦ᭄ᬬᭀᬕᬲᬫᬤ᭄ᬥᬶᬇᬓᬸ᭞ᬳᬕᬶᬮᬢᬸᬫᭀᬦ᭄ᬧᬸᬲ᭄ᬢᬓ᭞ᬢᬧᬩ᭄ᬭᬢᬦᬾᬜ᭄ᬘᬫ᭄ᬧᬳᬶ᭞ᬤᬮᬶᬳᬦᬾᬬᬦ᭄ᬢᬦ᭄ᬯ᭄ᬭᬸ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-jayenglanga-350ppi.pdf/27&oldid=38977"