[᭒᭓ 23 B]
᭒᭓
ᬘᬧ᭄ᬮᬶᬂᬦᬶᬂᬰᬲ᭄ᬢ᭄ᬭᬵ᭟ᬳᬗᬶᬂᬳᬓᬾᬄᬲᬧᬸᬦᬶᬓᬵ᭞ᬰᬲ᭄ᬢ᭄ᬭᬦᬾᬫᬮᬶᬄᬕᭂᬜ᭄ᬚᬳᬶᬦ᭄᭞ᬢᬢ᭄ᬯᬳᬗ᭄ᬕᬲ᭄ᬢ᭄ᬬᬧᬸᬦᬶᬓᬵ᭞ᬳᬢ᭄ᬫᬧ᭄ᬭᬢᬗ᭄ᬲᬧᬂᬳᬸᬦᬶᬂ᭞ᬓᬸᬜ᭄ᬘᬭᬓᬃᬡ᭄ᬦᬲᬫᬶ᭞ᬧ᭄ᬭᬯᬦᬾᬳ᭄ᬬᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬜᬸᬮᬸᬳᬶᬦ᭄
ᬦ᭄ᬓ᭞ᬍᬧᬲᬦ᭄᭞ᬤᬶᬓᬧᬦ᭄ᬢ᭄ᬯᬭᬓᬧᬗ᭄ᬕᬶᬄ᭞ᬤᭀᬦᬶᬂᬢᬶᬢ᭄ᬬᬂᬤᬤᬶᬢᬢᬲ᭄ᬲᬳᬸᬦᬶᬗᬵ᭟ᬲᬦᬾᬓᭀᬘᬧ᭄ᬮᬶᬂᬦᬶᬂᬰᬲ᭄ᬢ᭄ᬭᬵ᭞ᬢ᭄ᬯᬭᬮᬾᬫ᭄ᬧᬲ᭄ᬦᬾᬦᬾᬫᬗ᭄ᬓᬶᬦ᭄᭞ᬧᬸᬭᬸᬦ᭄ᬢᬶᬢ᭄ᬬᬂᬗᬯ᭄ᬬᬓ᭄ᬢ᭄ᬬᬂ᭞ᬗᭂᬢᭀᬳᬂᬚᬶᬯᬦᬾᬫᬗ᭄ᬓᬶ
ᬦ᭄᭞ᬳᬶᬕᬕᬓ᭄ᬢᬸᬭᬲ᭄ᬮᬶᬂᬦ᭄ᬬᬵᬭᬶᬲ᭄᭞ᬢ᭄ᬚᬚᬦᬶᬧᬘᬂᬮᬓᬸ᭞ᬳᬶᬚᬧᬵᬢ᭄ᬯᬦᬵᬗᬸᬘᬧ᭄᭞ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬢᬸᬢᬸᬢᬶᬦ᭄᭞ᬫᬃᬕ᭄ᬕᬲᭂᬫ᭄ᬧᬸᬢ᭄ᬤᬤᬶᬬᬂᬕᬮᬂᬳᬧᬤᬂ᭟ᬲᬵᬫ᭄ᬧᬸᬦᬤᭀᬄᬦ᭄ᬬᬵᬮᬸᬫᬫ᭄ᬧᬄ᭞ᬓᬢᭀᬦ᭄ᬩ
ᬮᬾᬢᬶᬳᬶᬂᬳᬲᬶᬓᬶᬫᬩᬄᬳᬩᬄᬲᬃᬯ᭄ᬯᬳᬾᬦ᭄ᬤᬄ᭞ᬳᬶᬕᬕᬓ᭄ᬢᬸᬭᬲ᭄ᬮᬶᬗᭂᬦ᭄ᬬᬵᬳᬭᬶᬲ᭄᭞ᬳᭂᬦ᭄ᬢᭀᬳᬧᬳᬤᬶ᭞ᬫᬶᬭᬶᬩ᭄ᬯᬾᬥᬦ᭄ᬥᬲᬂᬯᬶᬓᬸ᭞ᬰ᭄ᬮᭀᬓᬰ᭄ᬭᬹᬢᬶᬮᬦ᭄ᬳᬵᬃᬕ᭄ᬕᬵ᭞ᬫᬸᬜᬶᬦ᭄ᬕᭂᬡ᭄ᬝᬦᬾᬗᬸᬮᬶᬦᬶᬂ᭞ᬢᬸᬯᬶᬢᬦ᭄ᬤ᭄ᬭᬸᬄ᭞
[᭒᭔ 24 A]
bᬮᬶᬫᬗ᭄ᬤᬾᬲᬳᬸᬦᬶᬗᬵ᭞ᬳᬶᬚᬧᬵᬢ᭄ᬯᬦᬵᬗᬸᬘᬧ᭄᭞ᬦᬶᬓᬵᬲᬂᬳ᭄ᬬᬂᬯᬺᬳᬲ᭄ᬧᬢᬶ᭞ᬗᬃᬘ᭄ᬘᬡᬯᬾᬥᬳᬶᬭᬶᬓᬵ᭞ᬦᬸᬦᬲ᭄ᬩᭂᬮᬶᬦᬾᬦᬾ ᬫᬗ᭄ᬓᬶᬦ᭄ᬫ᭄ᬥᭂᬓ᭄ᬪᬕᬯᬦ᭄ᬯ᭄ᬭᬲ᭄ᬧᬢᬶ᭞ᬦᬸᬦᬲ᭄ᬩᬜᬸᬜ᭄ᬘᭀᬓᭀᬃᬤᬶᬢᬸ᭞ᬲᬕᬾᬢ᭄ᬳᬶ
ᬤᬯᬸᬲ᭄ᬫᬯᬾᬥ᭞ᬳᬶᬚᬧᬵᬢ᭄ᬯᬦ᭄ᬯᬸᬲ᭄ᬧ᭄ᬭᬧ᭄ᬢᬶ᭞ᬳᬗ᭄ᬮᬸᬗᬗ᭄ᬕᬵᬦ᭄ᬕᬓ᭄ᬭᬭᬶᬲ᭄ᬳ᭄ᬬᬫᬜᬸᬫ᭄ᬩᬄ᭟ᬪᬕᬯᬦ᭄ᬭᬭᬶᬲ᭄ᬗᬦ᭄ᬤᬶᬓᬵ᭞ᬢᬦ᭄ᬤ᭄ᬭᬸᬄᬩᬧᬢ᭄ᬓᬾᬜ᭄ᬘᬳᬶ᭞ᬳᬢ᭄ᬫᬵᬧᬭᬦ᭄ᬫᬳᬶᬢ᭄ᬓᬵ᭞ᬳᬶᬚᬧᬵᬢ᭄ᬯᬦᬩ᭄ᬤᬭᬶᬲ᭄᭞ᬫᬳᬢᬹᬃ
ᬲᬳᬪᬓ᭄ᬢᬶ᭞ᬢᬶᬢ᭄ᬬᬂᬩᭀᬬᬳᬢ᭄ᬫᬇᬓᬹ᭞ᬚᬦ᭄ᬫᬓᬚᬢᬶᬦᬶᬓᬵ᭞ᬲᬤ᭄ᬬᬦ᭄ᬢᬶᬢ᭄ᬬᬗᬾᬦᬾ ᬫᬗ᭄ᬓᬶᬦ᭄᭞ᬫ᭄ᬭᬶᬓᬶᬭᬯᬸᬄ᭞ᬢᬶᬢ᭄ᬬᬂᬓᬢᬶᬗ᭄ᬕᬮᬦ᭄ᬲᭀᬫᬄ᭟ᬯᬾᬦ᭄ᬢᭂᬦ᭄ᬯᬘᬡᬦᬶᬂᬳ᭄ᬬᬂ᭞ᬳᬶᬤᬵᬲᬂᬳ᭄ᬬᬂᬰᬶᬯᬵᬗᬹ
ᬦᬶ᭞ᬳᬶᬘᬧᬯᬭᬄᬭᬶᬂᬢᬶᬢ᭄ᬬᬂ᭞ᬢᬹᬃᬳᬶᬤᬗ᭄ᬮᬸᬕ᭄ᬭᬳᬶᬦ᭄ᬫᬃᬕ᭄ᬕᬶ᭞ᬓᭀᬘᬧ᭄ᬭᬶᬂᬲ᭄ᬯᬃᬕ᭄ᬕᬦ᭄ᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬓᬾᬗᬶᬦ᭄ᬮᬾᬕᭀᬂᬭᬢᬸ᭞ᬳᬦ᭄ᬢᬸᬓ᭄ᬳᬶᬤᬳ᭄ᬬᬂᬇᬦ᭄ᬤ᭄ᬭ᭞ᬧᬫᬋᬢ᭄ᬢ᭄ᬯᬭᬜᬫᬾᬦᬶᬦ᭄᭞ᬳᬶᬗ᭄ᬕᬶᬄᬫᬗ᭄ᬓᬶ
Kaca:Bali-lontar-gaguritan-japatuwan-300ppi.pdf/24
Kaca puniki sampun kauji-wacén
