[᭙ 9B]
᭙
ᬚᬶᬫ᭄ᬩᬃᬢᬸᬃᬗᬮᬸᬗ᭄ᬕᬂ᭞ᬳᬓ᭄ᬯᬾᬄᬫᬶᬡᬵᬪ᭄ᬯᬬᬵᬓᬢᭀᬦᬦᬾᬓᬶ᭞ᬓᬮᬶᬄᬢᬸᬓᬤᬾᬫᬫ᭄ᬩᬂᬫᬫ᭄ᬩᬂ᭞ᬢᬸᬃᬢᬦ᭄ᬍᬫ᭄ᬧᬲᬶᬂᬳᬯᬦ᭄᭞ᬳᬓ᭄ᬯᬾᬄᬢᬭᬸᬳᬕᬸᬂᬳᬕᬸᬂᬧᬘᬂᬗᬸᬳᬸᬩ᭄᭞ᬳᬶᬚᬧᬢ᭄ᬯᬦᬗᬸᬘᬧ᭄᭞ᬦᬸᬦᬲ᭄ᬓᬾ
ᬩᭂᬮᬶᬫᬲᬸᬘᬶ᭟ᬤᬾᬦᬶᬂᬧᬘᬂᬗ᭄ᬯᬗᬸᬦ᭄ᬢᬧᬵ᭞ᬫᬗᬺᬤᬦᬲᬂᬳ᭄ᬬᬂᬅᬭᬶᬫᬹᬃᬢ᭄ᬢᬶ᭞ᬳᬶᬕᬕᬓ᭄ᬢᬸᬭᬲ᭄ᬲᬢᬸᬭᬸᬢ᭄᭞ᬳᬤᬶᬢᭀᬫᬶᬡᬵᬩ᭄ᬯᬬ᭞ᬩ᭄ᬮᬶᬚ᭄ᬭᬶᬄᬳᬶᬚᬧᬢ᭄ᬯᬦ᭄ᬲᬸᬫᬳᬹᬃ᭞ᬫᬱᬬᬫᬢᬶᬪᬶᬦᬓ᭄ᬱ᭞ᬲ
ᬫ᭄ᬧᬸᬦ᭄ᬩᭂᬮᬶᬯᬮᬗᬢᬶ᭞ᬲᬯᬸᬲᬾᬫᬗ᭄ᬓᬶᬦᬵᬲᬸᬘ᭄ᬬᬵ᭞ᬢᬹᬃᬫᬫᬸᬱ᭄ᬝᬶᬭᬭᬶᬲ᭄ᬫᬳᬢᬸᬃᬪᬓ᭄ᬢᬶ᭞ᬫᬗᬺᬥᬦᬲᬂᬳ᭄ᬬᬂᬯᬶᬱ᭄ᬡᬸ᭞ᬳᬩᬸᬮᬦ᭄ᬧᬶᬢᬸᬂᬤᬶᬦᬵ᭞ᬢᬸᬢᬸᬕ᭄ᬲᭂᬗ᭄ᬓᭂᬃ᭞ᬦᬾᬫᬗ᭄ᬓᬶᬦ᭄ᬢᭀᬬᬦᬾᬫᬸᬫ᭄ᬧᬸᬮ᭄᭞ᬓ
ᬤᬶᬯᬶᬢ᭄ᬦᬶᬂᬓ᭄ᬮᬧᬵᬫᬸᬜ᭄ᬘᬃ᭞ᬳᬶᬕᬕᬓ᭄ᬢᬸᬭᬲ᭄ᬗᬤᭂᬓ᭄ᬮᬶᬂ᭟ᬮᬶᬦ᭄ᬢᬂᬳᬚ᭄ᬭᬶᬄᬫᬗᬦ᭄ᬢᭂᬦᬂ᭞ᬫᬦ᭄ᬤᬸᬮᬫᬾᬧᬢᬶᬧᭀᬳᭀᬓ᭄᭞ᬳᬶᬚᬧᬢ᭄ᬯᬦ᭄ᬢᬦ᭄ᬓᬾᬗ᭄ᬕᬸᬄ᭞ᬓᬭᬶᬧᬕᭂᬄᬗᬱ᭄ᬝᬯᬵ᭞ᬢᭀᬬᬳᬶ
[᭑᭐ 10A]
ᬘᬮ᭄ᬓᬕᬾᬢ᭄ᬳᬶᬤᬲᬂᬳ᭄ᬬᬂᬯᬶᬱ᭄ᬡᬸ᭞ᬭᬭᬶᬲ᭄ᬫᬶᬚᬶᬮᬶᬂᬯᬘᬡᬵ᭞ᬳᬧᬕᬯᬾᬦ᭄ᬳᬶᬩᬫᬳᬶ᭟ᬳᬶᬚᬧᬢ᭄ᬯᬦᬵᬦᭂᬫ᭄ᬩᬄ᭞ᬢᬩᬾᬢᬶᬢ᭄ᬬᬂᬤᬯᭂᬕ᭄ᬫᬳᬢᬹᬃᬲᬶᬲᬶᬧ᭄᭞ᬳᬕᬸᬂᬲᬶᬦᬫ᭄ᬧᬸᬭᬭᬢᬸ᭞ᬤᬸᬭᬸᬲ᭄ᬲ᭄ᬯᬾᬘᬫᬜ᭄ᬚᬓᬂ᭞
ᬢᬶᬢ᭄ᬬᬂᬤᬯᭂᬕ᭄ᬦᬸᬦᬲ᭄ᬮᬸᬕ᭄ᬭᬳᬯᬦ᭄ᬭᬢᬸ᭞ᬫᬃᬕ᭄ᬕᬶᬦᬾᬲᬦᬾᬓᬲ᭄ᬯᬃᬕ᭄ᬕᬦ᭄᭞ᬪᬗᬭᬗᬦ᭄ᬤᬶᬓᬳᬭᬶᬲ᭄᭟ᬳᬧᬳᬮᬶᬄᬘᬳᬶᬓᭂᬫᬵ᭞ᬢᬹᬃᬜᬾᬦ᭄ᬮᬸᬕ᭄ᬭᬓᬭᬦᬶᬂᬘᬳᬶᬫᬳᬶ᭞ᬳᬶᬚᬧᬵᬢ᭄ᬯᬦᬸᬫᬢᬹᬃ᭞ᬳᬶᬗ᭄ᬕᬶᬄᬳ᭄ᬬᬂ
ᬰᬶᬯᬳᬶᬤᬵ᭞ᬳᬶᬘ᭄ᬙᬮᬸᬕ᭄ᬭᬵᬳᬯᬦᬦ᭄ᬢᬶᬢ᭄ᬬᬗᬾᬭᬯᬸᬄ᭞ᬫ᭄ᬥᭂᬓ᭄ᬧᬤᬸᬓᬪᬝᬵᬭ᭞ᬢᬶᬢ᭄ᬬᬂᬓᬢᬶᬗ᭄ᬕᬮᬶᬦ᭄ᬳᬶᬲ᭄ᬢ᭄ᬭᬶ᭟ᬓᭀᬘᬧᬺᬓᬾᬭᬶᬂᬲ᭄ᬯᬃᬕ᭄ᬕᬦ᭄᭞ᬓᬾᬗᬶᬦ᭄ᬮᬾᬕᭀᬂᬳᬶᬤᬳ᭄ᬬᬂᬲᬸᬭᬧᬢᬶ᭞ᬪᬝᬵᬭᬗᬦ᭄ᬤᬶᬓ
ᬦ᭄ᬤᬶᬓᬳᬮᬸᬲ᭄᭞ᬦᬄᬦᬾᬳᬯᬦ᭄ᬫᭂᬮᬄ᭞ᬫᬶᬡᬪ᭄ᬯᬬᬢᬶᬢᬶᬳᬶᬦ᭄᭟ᬮᬶᬦ᭄ᬢᬂᬩᬜᬸ᭞ᬳᬶᬚᬧᬵᬢ᭄ᬯᬦᬦᭂᬫ᭄ᬩᬄ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬧᬫᬶᬢ᭄᭟ᬦᬄᬚᬮᬦ᭄ᬓᬓᬶᬫᬢᬶᬗ᭄ᬕᬮ᭄᭞ᬦᬫᬸᬦᬫᬸᬢᬦ᭄ᬧᬫᭂᬗᬦ᭄ᬮᬸ
Kaca:Bali-lontar-gaguritan-japatuwan-300ppi.pdf/10
Kaca puniki sampun kauji-wacén
