[᭒᭓ 23B]
᭒᭓
ᬭᬶᬂᬪᬹᬫᬶ᭞ᬲᬸᬦ᭄ᬬᬦᬾᬤᬤᬶᬭᬾᬓᬬᬂ᭚ᬩᬦ᭄ᬭᬾᬓ᭄ᬭᬾᬓᬦ᭄᭞ᬧᬗᬶᬥᭂᬧᬾᬳᬗ᭄ᬕᭀᬗᬮᬶᬄ᭞ᬦᬾᬦᬾᬢ᭄ᬯᬭᬵᬗᭂᬦᬄ᭞ᬲᬸᬯᬸᬗᬾᬤᬤᬶᬲᬸᬗ᭄ᬓᭂᬫᬶᬦ᭄᭞ᬳᬗ᭄ᬕᬾᬕᬕᬶᬦᭂᬗᬦ᭄ᬫᬦᬄ᭚ᬬᬦ᭄ᬢᬸᬗᬧᬂ᭞ᬤᬤᬶ
ᬩ᭄ᬮᭀᬕ᭄ᬢ᭄ᬯᬭᬵᬳᬸᬦᬶᬂ᭞ᬤᬾᬦᬶᬂᬢ᭄ᬯᬭᬵᬳᬤ᭄ᬥᬵ᭞ᬩᬸᬓ᭄ᬢᬶᬢᭂᬭᬂᬧᬘᬂᬮ᭄ᬬᬢᬶᬦ᭄᭞ᬓ᭄ᬭᬡᬵᬩᬶᬗᬸᬂᬤᬶᬭᬸᬫ᭄ᬩᬂ᭚ᬬᬦ᭄ᬭᬫ᭄ᬩᬗᬂ᭞ᬩᬄᬩᬄᬳᬶᬦ᭄ᬫᬳᬶᬲᬶᬩ᭄ᬚᬢᬶ᭞ᬬᬦ᭄ᬩᬸᬓ᭄ᬢᬶᬬᬂᬧᬶᬲᬦ᭄᭞ᬢ᭄ᬯᬭᬵᬳᬤ᭄ᬥᬵᬩᬸᬓ᭄ᬢᬶᬚᬢᬶ᭞ᬢᭀ
ᬲᬗ᭄ᬓᬦ᭄ᬧᬮᬶᬂᬫᬮᬶᬗᬦ᭄᭚ᬤᬤᬶᬓᬫ᭄ᬩᬂ᭞ᬓᬸᬫᬫ᭄ᬩᬂᬤᬶᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬳᬢᬶᬦ᭄ᬢᬶᬢ᭄ᬬᬂᬓᬫ᭄ᬩᬂ᭞ᬓᬫ᭄ᬩᬂᬫᬩ᭄ᬮᬶᬗᭂᬭᬦ᭄ᬧᬮᬶᬂ᭞ᬧᬮᬶᬂᬢ᭄ᬯᬭᬵᬦᬯ᭄ᬯᬂᬧᬭᬦ᭄᭚ᬧᬭᬤᬾᬦᬾᬫ᭄ᬦᬾᬚᬦᬶᬧᬘᬂᬫᬸᬭᬸ
ᬓᬶᬦ᭄᭞ᬓᬶᬚᬵᬧᬕᬸᬭᬸᬯᬂ᭞ᬯᬗ᭄ᬰᬚᬦᬾᬧᬢᬹᬢ᭄ᬳᬮᬶᬄ᭞ᬮᬶᬗ᭄ᬕᬬᬂᬭᬶᬂᬫᬦᬄᬓᬫ᭄ᬩᬂ᭚᭚᭜᭚ᬢ᭄ᬮᬲ᭄᭚ᬤ᭄ᬯᬾᬕ᭄ᬭ᭄ᬬᬵᬓᬯ᭄ᬯᬦ᭄ᬲᬶᬩ᭄ᬢᬦ᭄᭚᭜᭚ᬇᬢᬶᬚᬦ᭄ᬫᬵᬧ᭄ᬭᬓᬺᬢᬶ᭞ᬧᬸᬧᬸᬢ᭄
[᭒᭔ 24A]
ᬲᬶᬦ᭄ᬭᬢ᭄ᬭᬶᬂᬤᬶᬦᬵ᭞ᬩᬸ᭞ᬓ᭞ᬯᬭᬵ᭞ᬧᬳᬂ᭞ᬢᬶᬢᬶ᭞ᬢᬂ᭞᭑᭞ᬰᬰᬶᬄ᭞ᬓ᭞᭑᭞ᬭᬄ᭞᭙᭞ᬢᭂᬂ᭞᭐᭞ᬇᬰᬓᬵ᭞᭑᭘᭙᭐᭞ᬬᬸᬰᬦᬶᬂᬭᬵᬢ᭄᭞ᬭᭀᬦ᭄ᬢᬭᬾᬓᬶᬓᬤ᭄ᬭᬸᬯᬾᬤᬾᬦᬶᬲᬗᬧᬦ᭄ᬮᬄᬳᬶᬤᬵᬫ
ᬥᬾᬚ᭄ᬮᬡ᭄ᬝᬶᬓ᭄ᬭᬶᬂᬕ᭄ᬭ᭄ᬬᬵᬓᬯᬦ᭄ᬲᬶᬩ᭄ᬢᬦ᭄᭚᭜᭚ᬫᬮᬶᬄᬧᬸᬧᬸᬢ᭄ᬓᬢ᭄ᬥᬸᬦ᭄ᬩᬩᭀᬦ᭄ᬳᬶᬓᬶᬳᭀᬮᬶᬄᬲᬗᬧᬢᬺᬳᬶᬤᬵᬩᭀᬫᬦ᭄ᬳᬮᬶᬢ᭄ᬲᬓᬶᬂᬕ᭄ᬭ᭄ᬬᬵᬢ᭄ᬗᬄᬩᬸᬤ᭄ᬥᬵᬓ᭄ᬮᬶᬂᬤᬸᬓ᭄ᬭᬳᬶᬦᬵ᭞ᬘ᭞ᬓ᭞ᬯᬭᬵ᭞[strike/]ᬧ[/strike]ᬮᬦ᭄ᬤᭂᬧ᭄᭞
ᬢᬶᬢᬶ᭞ᬧᬂ᭞ᬧᬶᬂ᭞᭑᭔᭞ᬰᬰᬶᬄ᭞ᬓ᭞ᬍ᭞ᬭᬄ᭞᭔᭞ᬢᭂᬂ᭟᭑᭒᭟ᬇᬰᬓᬵ᭞᭑᭙᭑᭒᭞ᬬᬸᬰᬦᬶᬂᬭᬵᬢ᭄᭚ᬑᬁᬲᬭᬰ᭄ᬯᬢ᭄ᬬᬾᬦᬫᬄ᭞ᬅᬁᬉᬁᬫᬁᬑᬁ᭚᭜᭚᭐᭚
Kaca:Bali-lontar-gaguritan-janmaprawreti-02-300ppi.pdf/24
Kaca puniki sampun kauji-wacén
