[᭕᭒ 52B]
᭞᭕᭑᭞
᭒᭔᭒᭞ᬧᬢ᭄ᬝᬶᬄᬤᬂᬤᬂᬯ᭄ᬯᭀᬂᬳᬗ᭄ᬭᬶᬓ᭄ᬳᬗᬸᬯᬸᬄ᭞ᬲᬶᬭᬵᬳᬧᬓ᭄ᬳᬧᬓ᭄᭞ᬤᬾᬦ᭄ᬬᬵᬢᭂᬓᬦ᭄ᬢᬵᬦᬶᬭᬾᬓᬶ᭞ᬲᬂᬯᬺᬓᭀᬤᬭᬵᬳᬧᬕᬸᬢ᭄᭞ᬭᬫ᭄ᬬᬵᬧ᭄ᬭᬂᬲᬶᬮᬶᬄᬕᬸᬮᬸᬂ᭞ᬲᬶ
ᬮᬶᬄᬤᭂᬤᭂᬮ᭄ᬲᬶᬮᬶᬄᬘᬶᬤᬻ᭞ᬳᬭᬸᬓᭂᬢ᭄ᬧ᭄ᬭᬂᬦ᭄ᬬᬵᬳᬭᬶᬤᬸ᭞ᬲᬶᬮᬶᬄᬧ᭄ᬮᬸᬓ᭄ᬳᬧᬸᬮᬶᬃᬭᬦ᭄᭞ᬓᬤᬶᬧ᭄ᬭᬂᬗᬶᬂᬲᬶᬗᬦ᭄ᬤᬓᬵ᭟᭒᭔᭓᭞ᬲᬂᬯᬺᬓᭀᬤᬭᬵᬧᬦᬼᬕᬸᬄᬢᬶᬫ᭄ᬩᬸᬮ᭄᭞
ᬧᬜ᭄ᬘᬦᬓᬦ᭄ᬦᬶᬭᬵ᭞ᬫᬮᬾᬮᬵᬢᬸᬳᬸᬫᬮᬸᬗᬶᬤ᭄᭞ᬲᬶᬭᬵᬧᬢ᭄ᬝᬶᬄᬲᬶᬦᬸᬤᬸᬓ᭄᭞ᬤᬾᬦᬶᬂᬧᬜ᭄ᬘᬦᬵᬓᬦ᭄ᬳᬶᬧᬸᬦ᭄᭞ᬧ᭄ᬚᬄᬭᬸᬤᬶᬭᬦ᭄ᬬᬵᬃᬫᬸᬜ᭄ᬘᬲ᭄᭞ᬓᬂᬲᬸᬭᬓ᭄ᬳᬸᬫᬸᬕᬸ
ᬫᬸᬭᬸᬄ᭞ᬕᬶᬦᬫ᭄ᬩᭂᬮ᭄ᬭᬭᬶᬲ᭄ᬲᬶᬦᬸᬃᬬ᭄ᬬᬓ᭄᭞ᬓᭂᬲᬶᬲᬦ᭄ᬩᬮᬵᬭᬓ᭄ᬱᬱᬵ᭄᭒᭔᭔᭞ᬰ᭄ᬭᬶᬫᬤᬸᬲᭀᬤᬡ᭄ᬦᬵᬲᬶᬭᬵᬫᭂᬢᬸᬓ᭄᭞ᬓᭂᬮᬦ᭄ᬲᬶᬅᬃᬚᬸᬡ᭄ᬦᬵ᭞
[᭕᭓ 53A]
ᬰ᭄ᬭᬶᬤᬦᬸᬭᬚᬵᬳᬢᬦ᭄ᬤᬶᬂ᭞ᬮᬦ᭄ᬧᬢ᭄ᬝᬶᬄᬭᬗ᭄ᬕᬵᬯ᭄ᬯᭀᬂ᭞ᬰ᭄ᬭᬶᬤᬃᬫ᭄ᬫᬵᬯᬗ᭄ᬱᬵᬳᬧᬕᬸᬢ᭄᭞ᬥᬾᬯ᭄ᬯᬶᬰ᭄ᬭᬶᬫᬗᬦ᭄ᬢᬶᬫᬗ᭄ᬓᬾ᭞ᬧᬸᬦᬂᬧ᭄ᬭᬂᬳᬯᭀᬃᬳᬭᬶᬤᬸ᭞ᬚᬤ᭄ᬫᬵᬳᬢᬦ᭄ᬤᬶᬂᬭᬓ᭄ᬱᬱᬵ᭞
ᬲ᭄ᬯᬭᬦᬶᬂᬧ᭄ᬭᬂᬳᬫᭂᬗᬂᬓᬶᬯ᭄ᬯᬵ᭟᭒᭔᭕᭞ᬰ᭄ᬭᬶᬫᬤᬸᬲᭀᬤᬡ᭄ᬦᬵᬳᬗᬸᬦ᭄ᬤᬵᬢᭀᬫᬭᬾᬓᬸ᭞ᬫᬭᬵᬢᬦ᭄ᬧᬗᭂᬦᬦ᭄᭞ᬲᬶᬭᬵᬯ᭄ᬯᭀᬂᬩᬂᬳᬲ᭄ᬢᬸᬢ᭄ᬝᬶ᭞ᬳᬫᭂᬦ᭄ᬢᬂᬮᬭᬲ᭄᭞ᬧᬶᬦᬓᬸ
ᬕᬸᬮᬸᬲᬂᬥᬾᬢ᭄ᬬᬵᬧ᭄ᬭᬩᬸ᭞ᬤᬾᬦᬶᬂᬧᬲᬸᬧᬢ᭄ᬝᬶᬫᬗ᭄ᬓᬾ᭞ᬧ᭄ᬕᬢ᭄ᬓᭀᬦ᭄ᬢᬮ᭄ᬦ᭄ᬤᬦ᭄ᬱᬶᬦᬸᬮᬸᬂ᭞ᬲᬶᬦᬸᬲᬸᬦᬶᬂᬲᬭᭀᬢᬫᬵ᭞ᬲᬂᬥᬾᬢ᭄ᬬᬵᬧᬢ᭄ᬝᬶᬯᬸᬲ᭄ᬧᭂᬚᬄ᭟᭒᭔᭖᭞ᬧᬢ᭄ᬝᬶᬄᬭᬗ᭄ᬕᬵᬯ᭄ᬯᭀᬂ
ᬲᬶᬭᬵᬳᬫ᭄ᬩᬸᬭᬸ᭞ᬰ᭄ᬭᬶᬤᬦᬸᬭᬚᬵ᭞ᬳᬯᬾᬢ᭄ᬳᬯᬓ᭄ᬤᬶᬂᬓᭂᬲᬦ᭄ᬢᬶᬦ᭄᭞ᬲᬶᬭᬵᬧᬢ᭄ᬝᬶᬄᬳᬕ᭄ᬭᬓᬵᬗᬸᬯᬸᬄ᭞ᬲᬃᬯ᭄ᬯᬶᬦ᭄ᬬᬵᬦᬸᬭᬸᬩᬸᬓ᭄᭞ᬳᬸᬫᬧᬓ᭄ᬳᬗᬶᬓᬮ᭄ᬓᬤ᭄ᬓᬵ᭞
Kaca:Bali-lontar-gaguritan-jagat-karana-300ppi.pdf/53
Kaca puniki sampun kauji-wacén
