Kaca:Bali-lontar-gaguritan-jagat-karana-300ppi.pdf/48

Saking Wikisource
Kaca puniki sampun kauji-wacén

[᭔᭗ 47B]
᭞᭔᭗᭞
ᬮᭂᬲ᭄‌ᬰᬶᬄᬧ᭄ᬭᬩᬸ᭞ᬤᬾᬦᬵᬧᬺᬢᬶᬗ᭄ᬓᬄᬳᬶᬭᬾᬓᬸ᭞ᬥᬾᬢ᭄ᬬᬵᬫᬤᬸᬲᭀᬤᬡ᭄ᬦᬵᬦᬾ᭞ᬕᬸᬭᬵᬕᬤᬵᬦᬶᬓᬸ᭞ᬧᬫᬦ᭄‌ᬳᬚᬶᬤᬦᬸᬭᬚᬵ᭞ᬳᬶᬓᬵᬳᬳ᭄ᬬᬸᬦ᭄‌ᬮᬸᬭᬸᬕ᭄‌ᬥᬾ
ᬢ᭄ᬬᬵᬦᬢ᭄ᬝᬵ᭟᭒᭑᭙᭞ᬫᬭᬵᬭᬶᬂᬳᬢᬭᬵᬲᬶᬭᬵᬳᬗ᭄ᬮᬸᬭᬸᬕ᭄᭞ᬘᬶᬢᬦᬶᬂᬧᭂᬦ᭄ᬤᬯ᭄ᬯᬵ᭞ᬤᭀᬲᬦᬾᬫᬤᬸᬲᭀᬤᬵᬦᬾᬓᬶ᭞ᬳᬫᬢ᭄ᬬᬦᬶᬦ᭄‌ᬲᬶᬯ᭄ᬯᬂᬩᬂᬳᬲ᭄ᬢᬸᬢ᭄ᬝᬶᬬᬵ᭞
ᬫᬃᬫ᭄ᬫᬦᬾᬳᬶᬓᬸ᭞ᬕᭂᬧᭀᬓᬦ᭄‌ᬲᬂᬧ᭄ᬭᬩᬸᬬᬓ᭄ᬱᬵ᭞ᬳᬶᬗᭂᬦ᭄ᬤᬶᬓᭂᬲᬦ᭄ᬢᬾᬦ᭄‌ᬦᬾᬓᬸ᭞ᬓᭂᬮᬯᬦ᭄‌ᬲᬶᬭᬵᬧᬮ᭄ᬕᬸᬡ᭄ᬦᬵ᭞ᬳᬧᭂᬢᬸᬓᬦᬵᬲᬂᬚᬢ᭄ᬝᬵ᭟᭒᭒᭐᭞ᬰ᭄ᬭᬶᬤᬦᬸ
ᬭᬚᬵᬲᬶᬭᬵᬳᬫᭂᬓᬸᬮ᭄᭞ᬭᬶᬂᬲᬂᬯᬺᬓᭀᬤᬭᬵ᭞ᬲᬳᬵᬯᭂᬘᬡ᭄ᬦᬵᬳᬫ᭄ᬮᬲ᭄‌ᬰᬶᬄ᭞ᬳᬶᬄᬓᬓᬶᬩᬶᬫᬵᬫᬲ᭄ᬓᬸ᭞ᬲᬸᬓᬵᬳᬫᬧᬕᬵᬭᬶᬧᬸ᭞ᬰ᭄ᬭᬶᬫᬤᬸᬲᭀ
[᭔᭘ 48A]
ᬤᬡ᭄ᬦᬵᬫᬗ᭄ᬓᬾ᭞ᬳᬲᬭᭂᬂᬗᬦ᭄‌ᬲᬦᬓ᭄‌ᬳᬶᬭᬾᬓᬸ᭞ᬫ᭄ᬯᬄᬢᬵᬪᬝᬭᬵᬓᬺᬱ᭄ᬡᬵ᭞ᬳᬶᬗᬚᬕ᭄‌ᬮᬸᬗᬵᬳᬤᬦ᭄ᬧᭂᬭᬂ᭟᭒᭒᭑᭞ᬲᬫᬵᬲᬶᬭᬵᬳᬗᬢᬕᬵᬩᬮᬵ᭞ᬧᬗ
ᬭᬄᬳᬲᭂᬮᬸᬃᬭᬦ᭄᭞ᬧ᭄ᬭᬧ᭄ᬢᬵᬩᬮᬵᬢᭂᬧᬶᬲᬶᬭᬶᬂ᭞ᬲᬫᬵᬧᬤᬵᬳᬧᬸᬧᬸᬮ᭄᭞ᬯ᭄ᬯᬂᬕᬚᬄᬳᭀᬬᬵᬯᬸᬲ᭄ᬭᬯᬸᬄ᭞ᬭᬶᬂᬳᬶᬡ᭄ᬥ᭄ᬭᬵᬧ᭄ᬭᬲ᭄ᬢᬵᬫᬗ᭄ᬓᬾ᭞ᬧᬜ᭄ᬘᬮᬵᬦᭂᬕᬭᬵᬲᬫ᭄ᬧᬸᬦ᭄᭞ᬫ᭄ᬯᬯᭀᬮ
ᬓᬾᬳᬶᬂᬭᬢᬵ᭞ᬯ᭄ᬯᬂᬤ᭄ᬯᬭᬵᬯᬢᬶᬯᬸᬲ᭄ᬧ᭄ᬭᬧ᭄ᬢᬵ᭟᭒᭒᭒᭞ᬯ᭄ᬯᭀᬂᬯᬡ᭄ᬦᬵᬲᬩᬵᬓᬩᬾᬄᬯᬸᬲ᭄ᬭᬯᬸᬄ᭞ᬳᬗᬯ᭄ᬯᬵᬲᬜ᭄ᬚᬢᬵ᭞ᬳᬦᬵᬧᬶᬢᬸᬂᬳᬲᭀᬄᬳᬶᬦᬶ᭞ᬓᬾᬳᬶᬂᬩ
ᬬᭀᬤᬾᬓ᭞ᬲᬦ᭄ᬢᬶᬦᬶᬂᬲᭂᬫᬭᬵᬤᬶᬮᬕᬵᬓᬸ᭞ᬕᬸᬫᭂᬦ᭄ᬢᬸᬲ᭄‌ᬓᬂᬕᬫ᭄ᬳᭂᬮᬦ᭄᭞ᬧᭂᬗᭂᬭᬶᬓ᭄ᬦᬶᬂᬓᬸᬤᬵᬳᬲ᭄ᬢᬶᬬᬵᬳᬸᬫᬸᬂ᭞ᬩᬮᬵᬲᭂᬓ᭄‌ᬢᬦ᭄ᬧᬮᬶᬗ᭄ᬕᬃᬭᬦ᭄᭞ᬧᬸᬦᬂᬯ᭄ᬯᭀᬂ